Gran Parke Sentral“ (ispancha: Estadio Gran Parque Central), yoki oddiygina Parke Sentral — Urugvayning Montevideo shahrida joylashgan "Nacional" klubining futbol stadioni.

Gran Parque Central

Toʻliq nomi Estadio Gran Parque Central
Joyi Montevideo,  Urugvay
Qachon qurilgan 1900-yil
Qachon ochilgan 1900-yil 25-may
Qachon taʼmirlangan 1911-yil, 1944-yil, 1974-yil, 2005-yil
Hajmi 34 000[1]
Maydon oʻlchami 105 × 70 m
Maydon egalari
„Nacional“

1900-yil 25-mayda ochilgan. Parque Central 1930-yilgi futbol boʻyicha birinchi Jahon chempionati oʻyinlariga mezbonlik qilgan stadionlardan biri edi. Aynan shu chempionatning birinchi oʻyinlaridan biri boʻlib oʻtdi — 1930-yil 13-iyulda D guruhi bahsida AQSh terma jamoasi Belgiya jamoasini 3:0 hisobida magʻlub etdi. Jahon chempionati tarixidagi birinchi xet-trik ham shu yerda amalga oshirilgan, 1930-yil 17-iyulda amerikalik Bert Patnode Paragvay terma jamoasining darvozasiga uchta gol urgan.

Stadionda toʻrtta asosiy tribuna mavjud: Tribuna José María Delgado (shimoliy), Tribuna Atilio García (janubiy), Tribuna Abdón Porte (gʻarbiy), Talud Héctor Scarone (sharqiy). Ular „Nacional“ning taniqli futbolchilari Atilio Garsiya, Avdon Porte va Ektor Skarone, shuningdek, klub prezidentlaridan biri (Xose Mariya Delgado) sharafiga nomlangan.

Tarixi tahrir

Ochilishi tahrir

Stadiondagi birinchi oʻyin 1900-yil 25-mayda Urugvay chempionatida ishtirok etgan „Deutscher“ („Deutscher Fussball Klub“) va kelajakda Peñarol klubi ajralib chiqqan „Markaziy Urugvay temir yoʻl kriket klubi“ (ispancha: Central Uruguay Railway Cricket Club, CURCC) klublari oʻrtasida boʻlib oʻtgan. 1901-yildan boshlab Nacional Parque Centralni zaxira maydoni sifatida foydalana boshladi. Keyinchalik bu stadion jamoaning uyiga aylanadi.

1930-yilgacha Grand Parque Central Urugvaydagi asosiy sport arenasi hisoblangan. 1930-yilda Centenario qurilganidan keyingina stadion bu nomdan mahrum boʻldi.

1930-yilgi Jahon chempionati tahrir

Umuman olganda, 1930-yilgi Jahon chempionati davomida Parc Centralda oltita uchrashuv boʻlib oʻtdi: A guruhida ikkita oʻyin (Argentina — Fransiya, Chili — Meksika), B guruhida ikkita oʻyin (Yugoslaviya — Braziliya, Yugoslaviya — Boliviya) va ikkita D guruhida (AQSh — Belgiya, AQSh — Paragvay). Har bir oʻyinda jamoalardan birining gʻalabasi qayd etilgan, birorta ham durang qayd etilmagan. Bu uchrashuvlarda jami 17 ta gol, shu jumladan bitta avtogol (har bir oʻyinda oʻrtacha 2,83 tadan) kiritilgan.


13-iyul, 1930-yil(1930-07-13)
15:00 (UTC −3)
  AQSh 3:0   Belgiya Gran Parque Central, Montevideo
Tomoshabinlar: 18 346
Hakam:   José Macías
McGhee   23'
Florie   45'
Patenaude   69'

14-iyul, 1930-yil(1930-07-14)
12:45 (UTC −3)
  Yugoslaviya 2:1   Braziliya Gran Parque Central, Montevideo
Tomoshabinlar: 24 059
Hakam:   Aníbal Tejada
Tirnanić   21'
Bek   30'
Preguinho   62'

15-iyul, 1930-yil(1930-07-15)
16:00 (UTC −3)
  Argentina 1:0   Fransiya Grand Parque Central, Montevideo
Tomoshabinlar: 23 409
Hakam:   Gilberto Rego
Monti   81'

16-iyul, 1930-yil(1930-07-16)
14:45 (UTC −3)
  Chili 3:0   Meksika Gran Parque Central, Montevideo
Tomoshabinlar: 9 249
Hakam:   Henri Christophe
Vidal   3'65'
Rosas   51' (a.g.)

17-iyul, 1930-yil(1930-07-17)
12:45 (UTC −3)
  Yugoslaviya 4:0   Boliviya Gran Parque Central, Montevideo
Tomoshabinlar: 18 306
Hakam:   Francisco Mateucci
Bek   60'67'
Marjanovic   65'
Vujadinovic   85'

17-iyul, 1930-yil(1930-07-17)
14:45 (UTC −3)
  AQSh 3:0   Paragvay Gran Parque Central, Montevideo
Tomoshabinlar: 18 306
Hakam:   José Macías
Patenaude   10'15'50'

Rekonstruksiya tahrir

1911-yildagi yongʻindan keyin deyarli butunlay yonib ketgan stadion binosi bir necha yil oʻtib qayta tiklandi. Parque Centralning navbatdagi rekonstruktsiyasi 1944-yilda amalga oshirildi — maydon va tribunalar modernizatsiya qilindi, asosiy tribunaga qoʻshimcha oʻrindiqlar oʻrnatildi. 30 yil oʻtgach, Grand Parque Central yana rekonstruksiya qilindi, chunki stadionning bir qismi yongʻin tufayli shikastlandi.

Hozirgi holati tahrir

2005 yildan „Nacional“ muxlislari saʼy-harakatlari bilan stadionni yangidan rekonstruksiya qilish boshlandi. Amalga oshirilayotgan oʻzgarishlardan maqsad Parque Centralni zamonaviy xalqaro standartlarga moslashtirishdan iborat boʻlib, „Nacional“ tarixiy arenada futbol boʻyicha Urugvay chempionati, Libertadores kubogi va Sudamerikana kubogining uy uchrashuvlarini oʻtkazishi mumkin boʻladi. 2018-yil holatiga koʻra, stadion sigʻimi 34 000 tomoshabinni tashkil etadi[2].

Manbalar tahrir

Havolalar tahrir