Jean-Pierre Serre (talaffuzi: Jan-Pyer Serr) (1926-yil 15-sentabrda tugʻilgan) – fransiyalik matematik. Serre algebraik topologiya, algebraik geometriya hamda algebraik sonlar nazariyasi sohalariga hissa qoʻshgan. Olim 1954-yil 28 yoshida Fields medali bilan taqdirlangan. Serre Fields medali, Wolf mukofoti hamda Abel mukofoti bilan taqdirlangan besh matematikning biridir (Pierre Deligne, John Milnor, John Thompson hamda Grigoriy Margulis bilan bir qatorda).

Jean-Pierre Serre
Tavalludi 15-sentabr 1926 (1926-09-15) (94 yosh)
Bages, Pyrénées-Orientales, Fransiya
Istiqomat joylari Parij, Fransiya
Sohasi Matematika
Institutlar
Alma mater
Akademik rahbarlari Henri Cartan
Mashhur shogirdlari
Mashhur sovrinlari

Serre 1948-yil Parisdagi Oliy normal maktabni tamomlagan. 1951-yil Paris universitetidan PhD darajasini olgan. 1956-yildan 1994-yil nafaqaga chiqqunicha Collège de Franceda ishlagan.

Serre bir necha xorijiy fanlar akademiyalarning aʼzosidir. Xususan, olim Fransiya fanlar akademiyasi, AQSh fanlar akademiyasi, Shvetsiya fanlar akademiyasi, Rossiya fanlar akademiyasi, Qirolli jamiyat hamda Niderlandiya qirolli fan va sanʼat akademiyasi aʼzosidir. Shuningdek, olim bir necha xorij universitetlaridan, jumladan, Cambridge, Oxford, Harvard universitetlaridan faxriy darajalarni olgan. 2012-yilda esa Amerika matematika jamiyati aʼzosi etib tayinlangan.