Jirmiz

Jirmiz– Xorazm viloyati Xonqa tumanidagi 10 ta qishlo fuqarolar yigʻinidan biri hisoblanadi. Qishloqning umumiy yer maydoni 2500 km.kv tashkil qiladi. Jirmizda yashovchi umumiy aholi 8 mingdan ortiq kishini tashkil etadi.(2012-yil) Qishloq oʻzida bir qancha millatni birlashtirgan. Qishloqda o'zbeklardan tashqari tatarlar, koreyslar va ruslar istiqomat qiladi. Qishloq hududidan Polvon-Gʻazovot va Yangiyop kanallari oqib oʻtadi. Aholi bu kanallardan ichimlik va dalalarni sugʻorish maqsadida foydalanadi.

Jirmiz
qishloq
Mamlakat	Oʻzbekiston
Viloyat	Xorazm viloyati
Tuman	Xonqa tumani
Iqlim turi	keskin kontinental
Rasmiy til(lar)i	oʻzbek tili
Konfessiyaviy tarkib	musulmonlar
Vaqt mintaqasi	UTC+5
Pochta indeks(lar)i	220803
Avtomobil kodi	90

Etimologiyasi

Rivoyatlarga koʻra bu yerda qadimda bir ulugʻ zot yashagan. Uning bir qancha shogirdlari boʻlib, ustozi ulardan biriga koʻproq mehr qoʻyib, unga sen „ Jirimsizsan“ der ekan. Bu soʻz oʻta yuvosh, aytganini qiladigan maʼnoni anglatadi. Vaqtlar oʻtishi bilan shogirt vafot etadi va uning xizmatlari uchun qishloq va qabristonning nomlari uning nomi bilan atala boshlanadi. Aholi koʻpaygan bu yerlarga Katta Jirmiz nomini berishadi.. Jirmiz soʻzi xorazm shevasida oʻta yuvosh, aytganini qiladigan maʼnosini anglatadi. Dastlab hudud Jirmiz deyilgan. Biroq vaqt oʻtgach qishloq hududi kengayadi va Katta Jirmiz deb atala boshlanadi. Shuningdek, Qashqadaryo viloyati Yakkabogʻ tumanida ham shunday nomlangan toponimlar mavjud. Yuqori Qashqadaryoda qayta ishlanmagan yer – jovuz deb ataladi.

Hududiy boʻlinmalari

Hozirda qishloq 3 ta mahallaga boʻlingan boʻlib bular; Katta Jirmiz, Nurobod, Katta kuch mahallalaridir.

Infratuzilma obyektlari

Qishloqda 3 ta maktab, 1 ta kollej, 1 ta qishloq vrachlik punkiti, 50 dan ortiq savdo va xizmat koʻrsatish obyektlari faoliyat yuritadi.