Kirmon

Kirmon (کرمان Kermân) — Eronning jan.sharqidagi shahar. Kirmon ostonining maʼmuriy markazi, 1900 m balandlikda. Aholisi 385 ming kishi (1997). Savdotransport markazi. Hunarmandchilik rivojlangan. Gilam, shol roʻmol toʻqiladi, misdan badiiy buyumlar va roʻzgʻor idishlari yasaladi, paxtadan kalava ip tayyorlanadi. Oziq-ovqat, toʻqimachilik, qurilish materiallari korxonalari, universitet bor. Xna ishlab chiqarish markazlaridan. Shoh masjid (11 — 12-asrlar) va b. 14-asrga oid meʼmoriy yodgorliklar saqlangan. Kirmon yaqinidan toshkoʻmir, xrom va temir rudalari qazib olinadi.

Kirmon
30°17′28″N 57°4′4″E
Mamlakat	Eron