Muhiddin Aminzoda

Muhiddin Aminzoda (1904—1966) – tojik sovet shoiri, yozuvchi, dramaturg, tarjimon, sozanda, SSSRda xizmat koʻrsatgan artist.

Muhiddin Aminzoda
Tavalludi	22-mart 1904-yil Xo'jand, Samarqand viloyati, Rossiya imperiyasi
Vafoti	9-sentyabr 1966-yil(1966-09-09) (62 yoshda) Dushanbe, Tojikiston SSR, SSSR
Fuqaroligi	SSSR
Sohasi	Yozuvchi
Mukofotlari

Hayoti

Muhammad Aminzoda 1904-yil 22-martda o'qituvchi oilasida tug'ilgan. U 1925-yilda Samarqand pedagogika bilim yurtini tamomlab, muallimlik faoliyatini boshlagan. 1928—1929-yillarda Toshkent milliy raqs va xoreografiya oliy maktabida pedagogik va musiqiy taʼlim olgan. Shundan so'ng, musiqa maktabida dars bergan. 1932-yildan boshlab, Xoʻjand musiqali drama teatrida adabiy direktor lavozimida ishlagan. 1937-yildan Dushanbe musiqali teatrida (1940-yildan Tojikiston opera va balet teatri) faoliyat yuritgan. Ijodi davomida u ikki marta (1954, 1957) „Hurmat Belgisi“ ordeni bilan mukofotlangan.

Ijodi

Muhiddin Aminzoda ijodiy faoliyatini 1924-yilda boshlagan va uning ijodi tojik sovet sheʼriyatida alohida oʻrin tutadi. 1920—1930-yillarda yozgan sheʼrlarida u Oktyabr inqilobini ulugʻlagan, eski turmush tarzi, feodal dunyosi qoldiqlari va o‘tmish anʼanalariga qarshi fikr bildirgan. U shuningdek ayollar ozodligi uchun kurashgan va baxtli hayot haqida yozgan. Sovet yoshlari va tojik xalqining yangi hayot qurishdagi yutuqlari, Vatan, fan va bilim yutuqlarini ulugʻlagan. „Teshaboy“, „Suxani komsomol“, „Ba Modaram-Vatanam“ kabi asarlarida tojik xalqining fashizmga qarshi qahramonligini tasvirlagan.

Muhammad Aminzoda 1935-yildan boshlab Tojikiston SSR Yozuvchilar uyushmasi aʼzosi bo'lgan. U tojik sovet adabiyotida satirik sheʼriyat asoschilaridan biri sifatida tanilgan. Aminzoda sheʼrlari ixcham va tili sodda, u qoʻshiqlar muallifi sifatida ham mashhur bo‘lgan. Aminzoda ellikdan ortiq qoʻshiqlarni yaratgan muallifdir.

Tanlangan asarlari

Sheʼriy toʻplamlari

• „Nur“ (1935),
• „Yaylov“ (1937),
• „Bahori Vatan“ (1939),
• „Sadoizafar“ (1944),
• „Majmuai sheʼrho“ (1952),
• „Sheʼrhoi Muntaxab“ („Tanlangan sheʼrlar“, 1949),
• „Paxtakorlarga“ (1954),
• „Sheʼrho“ (1956),
• „Bahoridil“ (1964) va boshqalar

Nasr

• „Leninobod“ (hikoya)

Pyesalari

• „Sharaf“ (musiqiy pyesa)

Tarjima faoliyatida Aleksandr Pushkin, Mixail Lermontov, Ivan Krilov, Taras Shevchenko, Alisher Navoiy, Maksim Gorkiy, Xamza , Gʻafur Gʻulom ijodlaridan tarjima qilgan

Oilasi

• Xotini – Oydin Yaxyayevna Usmonova, Tojikiston SSR xalq artisti
• Qizi – Ozod Aminzoda, shoira
• Qizi – Zebo Aminzoda Muxiddinovna, sovet tojik aktrisasi, raqqosa, xoreograf, xoreograf, oʻqituvchi. SSSR xalq artisti (1986).
• Oʻgʻli – Muhsin Aminzoda, shoir, Tojikistonda matbuot va televideniyeda ishlagan

Mukofotlari

• Ikki karra „Hurmat Belgisi“ ordeni (1954-yil 23-oktabr va 1957-yil 24-aprel)
• SSSR medallari
• Tojikiston SSRda xizmat koʻrsatgan artist

Xotira

Xo'jandda Muhiddin Aminzoda uy-muzeyi ochilgan va Dushanbedagi maktablardan biri uning nomi berilgan.

Adabiyotlar

• Таджикская национальная энциклопедия  : [25 томов ] / Главный редактор А. Курбонов  ; 2011—2017, том 1). - ISBN 978-99947-33-45-3 .