Nan'yō (Yamagata)
Nan'yō (yaponcha: 南陽市 Nan'yō-shi) Yaponiyaning Yamagata prefekturasida joylashgan shahardir. 2020-yil 1-mart holatiga koʻra, shaharda 11379 ta xonadonda 31.112 nafar aholi istiqomat qilgan va aholi zichligi har kvadrat kilometrga 190 kishidan toʻgʻri kelgan[1]. Shaharning umumiy maydoni 160,52 kvadrat kilometr (62 mi²).
Nan'yo 南陽市 | |
|---|---|
| Shahar | |
 | |
 Bayroq  Gerb | |
| 38°3′18.4″N 140°8′54.1″E / 38.055111°N 140.148361°E | |
| Mamlakat | Yaponiya |
| Asos solingan | 1967-yil 1-aprel |
| Maydon | 16,052 km2 (6,198 kv mi) |
| Iqlim turi | nam kontinental iqlim |
| Rasmiy til(lar)i | yapon |
| Aholisi (March 2020) |
31 112 |
Geografiyasi
tahrirNanʼyo Yamagata prefekturasining janubidagi Okitama havzasining shimoliy qismida joylashgan boʻlib, shimol, sharq va gʻarbda togʻlar bilan oʻralgan. Shuningdek, janubiy chegarasidan Mogami daryosi oqib oʻtadi. Bu shahar Yonezava shahridan taxminan 21 km, Yamagata shahridan 35 km, Fukusimadan 61 km va Senday shahridan 95 km uzoqlikda joylashgan. Shahar shimoliy togʻlarda 450 metrgacha koʻtarilgan tekisliklarda taxminan 200 metr balandlikda joylashgan. Shirataka togʻi (balandligi 994 metr) shahardagi eng baland choʻqqi hisoblanadi.
Qoʻshni munitsipalitetlar
tahrirIqlimi
tahrirNanʼyo nam kontinental iqlimga ega (Köppen iqlim tasnifi Cfa), katta mavsumiy harorat farqlari kuzatiladi, issiq (va koʻpincha nam) yoz va sovuq (baʼzan qattiq sovuq) qish mavsumi bu hududga xosdir. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli darajasi qayd etilgan. Nanʼyoda oʻrtacha yillik harorat 11,3 °C ni tashkil etadi. Yillik oʻrtacha yogʻin miqdori 1486 mm boʻlib, sentyabr eng seryogʻin oy hisoblanadi. Avgustda eng yuqori harorat 25,0 °C atrofida, eng past harorat esa yanvarda, −1,4 °C atrofida boʻladi[2].
Demografiyasi
tahrirYaponiya aholini roʻyxatga olish maʼlumotlariga koʻra[3], Nanʼyo aholisi soʻnggi 30 yil ichida biroz kamaygan.
| Yil | Aholi | ±% |
|---|---|---|
| 1960 | 41,324 | — |
| 1970 | 37,271 | −9.8% |
| 1980 | 36,682 | −1.6% |
| 1990 | 36,977 | +0.8% |
| 2000 | 36,191 | −2.1% |
| 2010 | 33,664 | −7.0% |
| 2020 | 31,112 | −7.6% |
Tarixi
tahrirHozirgi Nanʼyo hududi qadimgi Deva viloyatining bir qismi boʻlgan. Yapon folklorida bu hudud Tsuru no Ongaeshi afsonasida tariflanadi. Meiji davri boshlangandan soʻng, hudud Yamagata prefekturasi, Higashiokitama tumanidagi qishloqlarga, zamonaviy munitsipalitetlar tizimini, shu jumladan Akayu qishlogʻini qoʻshib olinishi bilan tashkil etilgan. Akayu 1895-yil dekabrda shahar maqomiga koʻtarildi.
Nanʼyo shahri 1967-yil 1-aprelda sobiq Miyauchi va Akayu shaharlarining Vago qishlogʻi bilan qoʻshilishi natijasida tashkil etilgan. Akayu oʻzining issiq buloqlari, giloslari bilan mashhur boʻlgan sobiq Nakagava qishlogʻini oʻz ichiga oladi. Miyauchi oʻzining xrizantema festivali va Kumano- taysha ziyoratgohi bilan ham mashhur boʻlib, sobiq Urushiyama, Yoshino va Kaneyama qishloqlarini oʻz ichiga oladi. Vago qishlogʻi 1955-yilda Okigo va Ringo qishloqlarining qoʻshilishi natijasida hosil boʻlgan. Ingliz sayyoh-yozuvchisi Isabella Bird 1878-yilda Akayuga tashrif buyurgan va Yaponiyada mazkur shaharcha haqida yozgan[4][5]. Shahar Xitoyning Nanyang shahri sharafiga nomlangan. Afsonalarga koʻra, bu yerdagi xrizantema bulogʻidan suv ichganlar abadiy yashaydilar[6].
Hukumat
tahrirNanʼyo toʻgʻridan-toʻgʻri saylanadigan mer va 17 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakliga ega. Shahar Yamagata prefekturasi assambleyasiga bir aʼzoni qoʻshish huquqiga ega. Milliy siyosat nuqtai nazaridan, shahar Yaponiya Diet quyi palatasining Yamagata-2 okrugining bir qismi hisoblanadi.
Iqtisodiyoti
tahrirNanʼyo iqtisodiyoti qishloq xoʻjaligi, yengil sanoat va turizmga asoslangan. Shaharda bir qator vino zavodlari ham joylashgan.
Vino sanoati
tahrir
Nanʼyoda quyidagi uchta yirik vino zavodi joylashgan.
Nanʼyo uchta vino zavodiga qoʻshimcha ravishda, Azuma no Fumoto (yaponcha: 東の麓) deb nomlangan sake pivo zavodi ham faoliyat yuritadi[10].
Taʼlim tizimi
tahrirNanʼyoda yettita davlat boshlangʻich maktabi va shahar hukumati tomonidan boshqariladigan uchta davlat oʻrta maktabi shuningdek, Yamagata prefekturasi taʼlim kengashi tomonidan boshqariladigan bitta davlat oʻrta maktabi faoliyat yuritadi.
Oliy maktablar
tahrir- Nanʼyo oʻrta maktabi
Oʻrta maktablar
tahrir- Akayu oʻrta maktabi
- Miyauchi oʻrta maktabi
- Okigo oʻrta maktabi
Boshlangʻich maktablar
tahrir- Akayu boshlangʻich maktabi
- Miyauchi boshlangʻich maktabi
- Nakagava boshlangʻich maktabi
- Ogi boshlangʻich maktabi
- Okigo boshlangʻich maktabi
- Ringo boshlangʻich maktabi
- Urushiyama boshlangʻich maktabi
Transporti
tahrirTemir yoʻl
tahrir.svg){kind=logo}
Sharqiy Yaponiya temir yoʻl kompaniyasi — Yamagata Shinkansen
- Akayu
Sharqiy Yaponiya temir yoʻl kompaniyasi — Ou magistral liniyasi
- Akayu, Nakagava
Yamagata temir yoʻl kompaniyasi — Nagai Guli liniyasi
- Akayu, Nanyō-Shiyakusho, Miyauchi, Orihata, Ringō
Magistral yoʻllar
tahrir- Tōhoku-Chūō Expressway
- Milliy yoʻnalish 13
- Milliy yoʻnalish 113
- Milliy yoʻnalish 348
- Milliy yoʻnalish 399
OAV
tahrirGazetalar
tahrir- Okitama Times[11]
Mahalliy diqqatga sazovor joylar
tahrir
- Inarimori Kofun, Akayu
- Akayu Onsen, Akayu
- Nanʼyo Skypark, Akayu
- Eboshi togʻi, Akayu.
- Toyotarō Yuki memorial muzeyi, Akayu
- Kumano ziyoratgohi, Miyauchi
- Hygeia Park onsen majmuasi, Miyauchi
- Buddaning 33 ta surati, Ivabu togʻi, Nakagava
- Yuzuru no Sato muzeyi, Urushiyama
- Chinzo-ji ibodatxonasi, Urushiyama
- Kuguri sharsharasi, Kotaki
- Hakuryuu koʻli, Akayu
Mahalliy festivallar
tahrir
- Eboshiyama parki gilos gullari festivali, Akayu, aprel oyining oxiridan may oyining boshigacha davom etadi
- Sosho parkidagi atirgullar festivali, Miyauchi, iyun
- Kumano-taisha festivali, Miyauchi, 24-25-iyul
- Uzum yigʻish festivali, diqqatga sazovor uzumzorlarni koʻrish, Akayu, avgust-oktyabr
- Nanʼyo vino festivali, Hygeia parki, Miyauchi, avgust
- Akayu onsen furosato festivali, Akayu, sentyabr oyining ikkinchi hafta oxiri
- Xrizantema qoʻgʻirchoqlari festivali, Miyauchi, oktyabr oyining oʻrtalaridan noyabr oyining oʻrtalariga qadar
Qardosh shaharlar
tahrir
Nanyang, Henan, Xitoy[12] 1988-yil 6-oktyabrdan buyon
Nanʼyoning taniqli odamlari
tahrir- Kyoko Inoue, professional kurashchi
- Megumi Ikeda, qilichboz
- Toyotarō Yuki, bankir, siyosatchi
Manbalar
tahrir- ↑ Nanʼyō City official statistics (yaponcha)
- ↑ climate data[sayt ishlamaydi]
- ↑ Nanʼyō population statistics
- ↑ Isabella Lucy Bird, Unbeaten tracks in Japan: An account of travels in the interior including visits to the aborigines of Yezo and the shrine of Nikko (1888) online.
- ↑ Andrew Elliott, „'A perspective close to our ownʼ: footsteps travel and the Japanese reception of Isabella Bird’s Unbeaten Tracks in Japan, 1996-2016.“ Studies in Travel Writing (2017) 21#1: 1-16.
- ↑ „Profile“ (yaponcha). Nanyo City Government. Qaraldi: 23-yanvar 2019-yil.
- ↑ „Sakai Winery“.
- ↑ „Oura Winery“. 2021-yil 20-sentyabrda asl nusxadan arxivlangan. Qaraldi: 2022-yil 24-oktyabr.
- ↑ „Suto Winery“.
- ↑ „Azuma Sake Brewery“.
- ↑ „Okitama Times“. 2007-yil 16-yanvarda asl nusxadan arxivlangan. Qaraldi: 7-noyabr 2006-yil.
- ↑ „International Exchange“. List of Affiliation Partners within Prefectures. Council of Local Authorities for International Relations (CLAIR). 2015-yil 22-dekabrda asl nusxadan arxivlangan. Qaraldi: 21-noyabr 2015-yil.