Narva

Narva (est. Narva, nemicha: Narwa — Estoniyadagi shahar. Narva daryosining chap sohilida, uning Fin qoʻltigʻiga quyilish joyidan 14 km uzoqlikda. Temir yoʻl stansiyasi. Aholisi 57 650 kishi. Shahar sanoatining asosiy tarmoqlari — energetika, toʻqimachilik, qurilish materiallari ishlab chiqarish. Narva yaqinida mahalliy slanetsda ishlaydigan Boltiq boʻyi GRES, Estoniya GRES ishlab turibdi. GES bor. Yirik ip gazlama korxonasi — Krengolm manufakturasi, yogʻochsozlik, mashinasozlik, metallsozlik, oziq-ovqat va boshqa sanoat korxonalari faoliyat koʻrsatadi. Narva koʻprik orqali Ivangorod (Leningrad viloyati) bilan bogʻlangan. Politexnikum, tarix muzeyi mavjud. Shahar ilk bor 1171 yilgi Novgorod solnomasida Rugodiv nomi bilan tilga olingan. Daniya, Shvetsiya Livon ordeni tasarrufida boʻlgan. 1704 yilda rus qoʻshinlari tomonidan ishgʻol qilindi. 1919 yildan Narva Estoniya tarkibida. Shaharda tarixiy meʼmoriy yodgorliklardan: qasr (13—15-asrlar), shahar istehkomlari (14-asr), ratusha (17-asr) saqlangan.

Shahar Narva Narva Bayroq Gerb Mamlakat EstoniyaEstoniya Uezd Ida-VirumaaIda-Virumaa Koordinatalari 59°22′0″N 28°11′0″E Mer Eduard East Asos solingan 1223 Ilk eslatilishi 1171 Avvalgi nomlari Rugodiv Qachondan beri shahar XIV asr Maydoni 84,54 km² Rasmiy tili eston tili Aholisi 57 650 nafar (2013) Milliy tarkibi ruslar – 82,02 % estonlar – 3,86 % ukrainlar – 2,55 % beloruslar – 2,13 % finlar – 0,74 % tatarlar – 0,49 % boshqalar – 8,21 % Konfessiyaviy tarkibi pravaslavlar, lyuteranlar Vaqt mintaqasi UTC+2 Telefon kodi +37235 Rasmiy sayti http://www.narva.ee (est.) (rus.) (ingl.)