Neapol universiteti
Neapol universiteti – Italiyaning qadimgi universitetlaridan biri. 1224-yil Neapol shahrida Sitsiliya qirolligining davlat universiteti sifatida tashkil etilgan. Tibbiyot, matematika, fizika, tabiiy fanlar, farmakologiya, muhandislik, meʼmorlik, agronomiya, veterinariya, huquq, iqtisodiyot, filologiya, falsafa va boshqa sohalar boʻyicha mutaxassislar tayyorlaydi. 100 mingdan ortiq talaba taʼlim oladi. Kutubxonasi (1615-yil tashkil etilgan)da 1 mlnga yaqin asar saqlanadi[1].
| Shiori | Ilmlarni singdirish va bilimlarni tarqatish |
|---|---|
| Asos solingan sanasi | 1224-yil 5-iyun |
| Rektori | Professor Matteo Lorito |
| Talabalari | 71799 nafar (2022) |
| Bakalavriat | 42287 nafar (2022) |
| Magistratura | 29512 nafar (2022) |
Tarixi
tahrirNeapol universiteti Federiko II Sitsiliya qiroli va Muqaddas Rim imperatori Fridrix II tomonidan 1224-yil 5-iyunda tashkil etilgan. Bu dunyodagi eng qadimgi oliy taʼlim va tadqiqot muassasasi hisoblanadi. Eng mashhur talabalaridan biri Rim-katolik dinshunosi va faylasufi Tomas Akvinskiy.
Binolari
tahrirUniversitet asosiy kompusga ega emas. Kollejlari, boʻlimlari, turar joy va boshqa obyektlari Neapol va Portiki shaharlarida joylashgan. Universitet ulkan meʼmoriy merosga ega[2][3].
Shifoxonasi
tahrirAzienda Ospedaliera Universitaria Federico II (Federico II Universitet kasalxonasi) nomi bilan tanilgan muassasa, xalq tilida Neapol poliklinikasi deb ataladi. Shifoxona 1972-yilda tashkil etilgan boʻlib, poliklinika – shifoxona majmuasi sifatida faoliyat yuritadi. Poliklinika ham sogʻliqni saqlash ehtiyojlariga xizmat qilish bilan birgalikda universitetda oʻqitish bino vazifasini bajaradi. Darhaqiqat, Federik universiteti tibbiyot va jarrohlik fakultetining oʻquv binolari ushbu muassasada joylashgan.
Manbalar
tahrir- ↑ OʻzME. Birinchi jild. Toshkent, 2000-yil
- ↑ Il patrimonio architettonico dell'Ateneo Fridericiano. Napoli: Arte Tipografica Editrice, 7 August 2023. ISBN 978-88-87375-60-2.
- ↑ „Patrimonio immobiliare dell'ateneo“.