Nikolay Yegay

Nikolay Yegay, shuningdek, Nikolay Den Munovich Yegay (1926-yil 14-oktyabr, Mixaylovka qishlogʻi, Primorsk oʻlkasi – 1987-yil, Qozogʻiston SSR, Jambul) – Oʻzbekiston SSR, Toshkent viloyati, Quyi Chirchiq tumani Budyonniy nomidagi kolxoz aʼzosi, Sotsialistik Mehnat Qahramoni (1953).

Ilya Kim
Tavalludi	14-oktyabr 1926-yil Mixaylovka qishlogʻi, Primorsk oʻlkasi
Vafoti	1987-yil Qozogʻiston SSR, Jambul
Fuqaroligi	SSSR
Partiyasi	KPSS
Mukofotlari

Hayoti

Nikolay Yegay 1926-yil 14-oktyabrda Mixaylovka qishlogʻida (hozirgi Primorsk oʻlkasi) dehqon oilasida tugʻilgan. 1937-yilda ota-onasi bilan Oʻrta Osiyoga surgun qilinadi. Mehnat faoliyatini 1942-yilda boshlagan. Toshkent viloyati Quyi Chirchiq tumani Budyonniy nomidagi kolxozda oddiy kolxozchi, mudir boʻlib ishlagan. Ulugʻ Vatan urushi yillarida frontga jalb qilingan. Komi Avtonom Sovet Sotsialistik Respublikasida daraxt kesish ishlarida ishlagan (1943—1946).

1946-yilda Toshkent viloyatiga qaytib, Quyi Chirchiq tumani Budyonniy nomidagi kolxozda mudirlik faoliyatini davom ettirdi. 1949-yilda mehnat yutuqlari uchun u Lenin ordeni bilan taqdirlangan.

1952-yilda Nikolay Yegay jamoasi 12 gektar maydondan 74,6 sentner yashil jut poyasini yigʻib oldi. SSSR Oliy Kengashi Prezidiumining 1953-yil 21-dekabrdagi farmoni bilan u Lenin ordeni va "Oʻroq va Bolgʻa" oltin medali hamda Sotsialistik Mehnat Qahramoni unvoni bilan taqdirlangan.

1956-yilda Chirchiq shahridagi Kimyo-mexanika texnikumini tamomlagan. Jambul shahridagi superfosfat zavodida usta (1956—1957), Jambuldagi 3-sonli yoʻl uchastkasida mexanik (1957) boʻlib ishlagan. 1957-yilda Uzoq Sharqqa koʻchib oʻtdi va u yerda Xabarovsk viloyatidagi yogʻoch zavodida ish boshladi (1957—1959). Keyinchalik u Chechen-Ingush Avtonom Sovet Sotsialistik Respublikasining Sunja viloyati madaniyat xodimi, don qabul qilish punktida brigadir boʻlib ishlagan (1959—1963). 1962-yilda u Sovet Ittifoqi Kommunistik partiyasi aʼzoligiga qabul qilindi.

1963-yilda Qoraqalpogʻiston Avtonom Sovet Sotsialistik Respublikasiga koʻchib oʻtdi. Xoʻjayli tumani 166-qurilish trestining qurilish uchastkasi boshligʻi, Qoʻngʻirot tumani SMU-21 qurilish uchastkasida prorab boʻlib ishlagan (1963—1965). 1965-yildan Ukraina SSRning Donetsk viloyatida yashab, Proletar tumanidagi Teplichniy sovxozida brigadir boʻlib ishlagan.

1965-yilda Qozogʻiston SSRga koʻchib oʻtgan, u yerda Jambuldagi superfosfat zavodida mexanik (1965-1967), Olmaota viloyati Kaskelen tumanidagi „Olatau“ va „Drujba“ sovxozlarida ishchi boʻlib ishlagan.

1973-yilda Zaporojye viloyati Volnyanskiy tumani Gnarovskaya nomidagi sovxozda sabzavotchilar brigadasida ishchi boʻlib ishlagan. Keyin yana Jambulga qaytib keladi va u yerda operator, superfosfat zavodida usta (1973—1975), „Ximprom“ ishlab chiqarish birlashmasi 5-sonli sexda usta (1975—1978), „Kazximremstroymontaj“ trestining 4-SMU katta ustasi (1978—1982), „Ximprom“ ishlab chiqarish birlashmasi 4-sonli sex katta ustasi (1982—1986) boʻlgan.

1987-yilda Jambulda vafot etgan. Jambulda dafn etilgan.

Mukofotlari

• Sotsialistik Mehnat Qahramoni
• Lenin ordeni – ikki marta (1949, 1953)