Oʻrdaklar sarguzashti

Ushbu sahifa nomi mavzuning rasmiy tarjimasidir. Iltimos, uni oʻzgartirmang.

Oʻrdaklar sarguzashti (inglizcha: DuckTales) Amerika animatsion teleserialidir. Disney Television Animation studiyasi mahsuloti. Serial 1987-yilning 18-sentabrida Disney Channel telekanalida birinchi marta efirga uzatilgan. Serialning yakuniy qismi 1990-yilning 28-noyabrida efirga uzatilgan. Bu vaqt davomida serial 4 ta mavsumga boʻlinib, hammasi boʻlib 100 qism tayyorlangan. Serial gʻoyasi Carl Barks yaratgan „Uncle Scrooge“ komiksiga asoslangan. Serial boshida yangraydigan mashhur qoʻshiq Mark Mueller tomonidan yozilgan.

Oʻrdaklar sarguzashti
Janri	Sarguzasht komediya
Qaysi asarga asoslangan	Uncle Scrooge –Carl Barks
Yaratuvchi(lar)	Jymn Magon
Ovoz berganlar	Alan Young Russi Taylor Chuck McCann Terry McGovern Frank Welker Hal Smith Joan Gerber Hamilton Camp June Foray Peter Cullen Brian Cummings Tony Anselmo
Tematik musiqa bastakori	Mark Mueller
Bastakor(lar)	Ron Jones Tom Chase Steve Zuckerman
Qismlar boshidagi musiqa	„DuckTales“ (Jeff Pescetto)
Qismlar oxiridagi musiqa	„DuckTales“
Mamlakat	AQSh
Til	inglizcha
Mavsumlar soni	4
Qismlar soni	100 + 1 film
Ishlab chiqarish
Prodyuser(lar)	Jymn Magon (1–2-mavsum) Bob Hathcock (2–4-mavsum) Alan Zaslove (4-mavsum) Fred Wolf (1-mavsum) Tom Ruzicka (1-mavsum) Hamproduserlar: Ken Koonce (2–4-mavsum) David Weimers (2–4-mavsum) Alan Burnett (3-mavsum)
Qism davomiyligi	22 daqiqa
Studiya(lar)	Walt Disney Television Animation
Efirga uzatilishi
Telekanal	Syndication
Tarixi
Oʻxshash koʻrsatuv(lar)	DuckTales (2017-21) Darkwing Duck (1991—1992)

Serialdagi voqealar Calisota shtatining Duckburg (talaffuzi: Dakburg) nomli oʻrdaklar shahrida boʻlib oʻtadi. Voqealar markazida Scrooge McDuck ismli milliarder, ammo hasis oʻrdak va uning uch jiyani — Huey, Dewey va Louiening boshdan kechirgan sarguzashtlari yotadi.

Shuningdek, Oʻrdaklar sarguzashti asosida 1990-yilda DuckTales the Movie: Treasure of the Lost Lamp nomli toʻliq metrajli animatsion film ham ishlangan. Bundan tashqari, multserialning 2017—2021-yillarda efirga uzatilgan ayni nomli rebut versiyasi ham ishlangan.

Qismlar

Fasl		Qismlar		Efirga uzatish tarixi
				Birinchi qism	Oxirgi qism
	1	65		18-sentyabr, 1987-yil(1987-09-18)	1-yanvar, 1988-yil(1988-01-01)
	2	10		24-noyabr, 1988-yil(1988-11-24)	26-mart, 1989-yil(1989-03-26)
	3	18		18-sentyabr, 1989-yil(1989-09-18)	11-fevral, 1990-yil(1990-02-11)
	Film			3-avgust, 1990-yil(1990-08-03)
	4	7		10-sentyabr, 1990-yil(1990-09-10)	28-noyabr, 1990-yil(1990-11-28)

Asosiy qahramonlar

• Scrooge McDuck (Alan Young ovoz bergan) — jahondagi eng badavlat oʻrdak, Duckburg shahrining obroʻli oʻrdaklaridan. Oʻta hasis, doim boyligini yanada oshirish payida yuradi. Asli shotlandiyalik. Yoshligida Amerikaga kelgan.
• Huey, Dewey va Louie Duck (uchchalasiga ham Russi Taylor ovoz bergan) — Donald Duckning jiyanlari. Donald harbiy-dengiz flotiga qoʻshilganda, ularni amakisi Scroogega qoldirib ketadi. Huey, Dewey va Louie tashqi koʻrinish jihatdan bir xil boʻlib, uchchalasi ham bir xil futbolka va kepka kiyishadi. Ularni faqat kiygan futbolka va kepkalari ranglariga qarab ajratish mumkin. Huey qizil, Dewey koʻk, Louie esa yashil tusli futbolka va kepka kiyadi.
• Webby Vanderquack (Russi Taylor ovoz bergan) — sevimli qoʻgʻirchogʻi qoʻlidan tushmaydigan koʻngilchan oʻrdak-qiz. Beakley xonimning nevarasi. Hayvonlarni yoqtiradi. Odatda pushti rangli koʻylak kiyadi.
• Launchpad McQuack (Terry McGovern ovoz bergan) — Scrooge McDuckning uchuvchisi. Parvozlari odatda falokat bilan yakunlanadi.
• Bentina Beakley (Joan Gerber ovoz bergan) — Scrooge McDuck xonadonida uy xizmatchisi. Webbyning ona tomondan buvisi.
• Aka-uka Beaglelar — itlardan iborat katta oila. Doim banklarni tunashga harakat qilishadi.
• Flintheart Glomgold (Hal Smith ovoz bergan) — Scrooge McDuckning azaliy dushmani, jahondagi ikkinchi eng badavlat oʻrdak. Doim eng badavlat oʻrdak boʻlishga intiladi.

Havolalar

• Rasmiy sayti
• DuckTales IMDbda