Qayrat Umbetov
Qayrat Jarilqasin oʻgʻli Umbetov (qozoqcha: Қайрат Жарылқасынұлы Үмбетов, 1977-yil 10-sentyabr, Chirchiq, Toshkent viloyati, OʻzSSR) – qozoq harbiy xizmatchisi, general-mayor, Qozogʻiston Xalq Qahramoni (2016)[1], Qozogʻiston Respublikasi Milliy gvardiyasi „Оңтүстік“ mintaqaviy qoʻmondonligi shtab boshligʻi
| Qayrat Jarilqasin oʻgʻli Umbetov | |
|---|---|
.jpg) | |
| Asl ismi | qozoqcha: Қайрат Жарылқасынұлы Үмбетов |
| Tavalludi |
10-sentyabr 1977-yil Chirchiq, Toshkent viloyati, OʻzSSR |
| Fuqaroligi |
 SSSR (1977–1991) Oʻzbekiston (1991–2001) Qozogʻiston (2001–) |
| Qoʻshin turlari | Qozogʻiston Milliy gvardiyasi |
| Xizmatdagi yillari | 2002-yil 3-maydan |
| Unvoni |
 General-mayor |
| Mukofotlari |
      |
| Bilimi | Chirchiq oliy tank komandir-muhandislik bilim yurti |
| Xizmat qilgan mamlakati |
Qozogʻiston |
Tarjimai holi tahrir
1977-yil 10-sentabrda Oʻzbekiston SSR Toshkent viloyati Chirchiq shahrida tugʻilgan.
1994-yilda Chirchiq oliy tank komandir-muhandislik bilim yurti qoʻmondonlik-taktika fakulteti birinchi kursiga oʻqishga kirdi.
1998-yilda oʻqishni tamomlagan Qayrat Umbetov „leytenant“ harbiy unvoni bilan ofitser sifatida xizmat qila boshladi.
2001-yil 14-dekabrda Qozogʻiston Respublikasi Prezidentining farmoni bilan u Qozogʻiston Respublikasi fuqaroligini oldi.
2002-yil 3-maydan Qozogʻiston Respublikasi Milliy gvardiyasi ofitseri sifatida xizmat qilgan.
2022-yil 31-maydan Milliy gvardiya Bosh qoʻmondoni oʻrinbosari etib tayinlangan[2].
Qozogʻiston Prezidenti Qosim-Jomart Toʻqayevning 2023-yil 5-maydagi farmoni bilan unga general-mayor harbiy unvoni berilgan[3].
Qaragʻandadagi hodisa tahrir
2016-yil 7-aprel kuni Qaragʻanda viloyatining Qarabas qishlogʻidagi 6505-harbiy qism alohida o'qchi rotasi harbiy oʻquv mashgʻulot maydonida harbiy qism shtab boshligʻi, polkovnik Qayrat Umbetov muddatli harbiy xizmatchilar bilan granata uloqtirish mashqlari paytida oʻz hayotini xavf ostiga qoʻyib, yosh askar Abzal Sultankulovni tanasi bilan yopib olgan va uni oʻlimdan qutqargan. Jabrlanganlar zudlik bilan Abay shahridagi shifoxonaga yetkazilgan. Ikkalasi ham granata parchasidan jarohatlangan – askar oyogʻidan, Umbetov esa yelka va oyogʻidan jarohat olgan. Maʼlum boʻlishicha, askar jangovar mashqlarni bajarayotib, RGD-5 granatasini yetarlicha kuch bilan uloqtirolmagan. Harbiy burchni bajarishda ko‘rsatgan jasorati va fidoyiligi uchun Qozog‘iston Respublikasi Milliy gvardiyasi Bosh qo‘mondoni polkovnik Qayrat Umbetovni davlat mukofotiga ko‘rsatishga qaror qilgan[4].
Olgan mukofotlari tahrir
- Qozogʻiston Xalq Qahramoni unvoni hamda „Oltin Yulduz“ oliy nishoni va „Otan“ (oʻzbekcha: Vatan) ordeni[5];
- „Qozogʻiston Respublikasi Qurolli Kuchlarining 10 yilligi“ yubiley medali;
- „Qozogʻiston Respublikasi Qurolli Kuchlarining 20 yilligi“ yubiley medali;
- 2 va 3-darajali „Buyuk xizmatlari uchun“ medallari
Manbalar tahrir
- ↑ „Участие в церемонии вручения государственных наград“. 2016-yil 3-dekabrda asl nusxadan arxivlangan. Qaraldi: 2016-yil 27-dekabr.
- ↑ „Народный герой назначен заместителем главнокомандующего Нацгвардией“. tengrinews.kz. 2022-yil 31-mayda asl nusxadan arxivlangan. Qaraldi: 2022-yil 31-may.
- ↑ „О присвоении высших воинских и специальных званий, классных чинов“. akorda.kz (2023-yil 5-may). Qaraldi: 2022-yil 5-may.
- ↑ „Полковник прикрыл своим телом солдата при взрыве гранаты в Карагандинской области“ (ru). Tengrinews.kz. Qaraldi: 19-noyabr 2023-yil.
- ↑ Qozogʻiston Respublikasi Prezidentining 2016-yil 3-maydagi 244-sonli qarori
