Saidahmad Laqayev
Saidahmad Norjigitovich Laqayev (1952-yil 9-mart, Payariq tumani, Samarqand viloyati, Oʻzbekiston SSR, SSSR) – sovet va oʻzbek fizika-matematika fanlari doktori, professor, Oʻzbekiston Fanlar akademiyasi aʼzosi. Germaniyaning DAAD fondi granti sovrindori. Boxum Rur universitetida ilmiy tadqiqotlar olib borgan (1996). Doʻstlik ordeni (2021-yil)[1] hamda Oliy taʼlim aʼlochisi koʻkrak nishoni (2023-yil) sohibi[2].
| Saidahmad Norjigitovich Laqayev | |
|---|---|
 | |
| Tavalludi |
1952-yil 9-mart Payariq tumani, Samarqand viloyati, Oʻzbekiston SSR, SSSR |
| Fuqaroligi |
 SSSR →  Oʻzbekiston |
| Kasbi | matematika va fizika oʻqituvchisi |
| Ish joylari |
Samarqand davlat universiteti Mexanika-matematika fakulteti dotsent, professor va kafedra mudiri (1978) Toshkent davlat universiteti doktoranti (1988—1991) Samarqand davlat universiteti Matematika fakulteti |
| Institutlar | Samarqand davlat universiteti |
| Taʼlimi |
Samarqand davlat universitetining Mexanika-matematika fakulteti (1963—1973) Moskva davlat universiteti (1975–1978) Sankt-Peterburg davlat universiteti |
| Ilmiy darajasi | Dotsent, professor (1993-yil) |
| Akademik rahbarlari | Moskva davlat universiteti professori Robert Minlos va Andrey Kolmogorov |
| Mashhur ishlari | OʻzFA Samarqand Matematik fizika boʻlimiga aspirantura va doktorantura |
| Mukofotlari |
 |
1994–2012-yillarda universitetda faoliyat koʻrsatish bilan birga Oʻzbekiston Respublikasi Fanlar akademiyasi Samarqand davlat universitetida Matematik fizika boʻlimiga rahbarlik qildi hamda aspirantura va doktoranturani ochgan. 2017-yildan Oʻzbekiston Respublikasi Fanlar akademiyasining akademigi[⇨].
Tarjimayi holi
tahrirSaidahmad Laqayev 1952-yil 9-martda Samarqand viloyatining Payariq tumanida xizmatchi oilasida tavallud topgan. Millati oʻzbek. 1958–1968-yillarda oʻzi tugʻilib oʻsgan tumandagi 45-sonli oʻrta maktabda tahsil olgan va uni oltin medalga tamomlagan. 1968-yilda Samarqand davlat universitetining Mexanika-matematika fakultetiga oʻqishga kirgan va uni 1973-yilda muvaffaqiyatli tamomlagan. 1973–1975-yillarda Moskva davlat universiteti (MDU) professori Robert Minlos rahbarligida stajirovkada boʻldi hamda 1975–1978-yillarda Moskva davlat universitetining Mexanika-matematika fakultetida akademik Andrey Kolmogorov rahbarligidagi matematika boʻlimi aspiranturasida tahsil olgan. Robert Adolfovich Minlos rahbarligida zamonaviy matematik fizika (kvant mexanikasi, statistik fizika va maydonlar nazariyasi)ni oʻrgangan. 1981-yil noyabr oyida Moskva davlat universiteti Mexanika-matematika fakulteti ixtisoslashgan ilmiy kengashida (kengash raisi akademik A. N. Kolmogorov) fizika-matematika fanlari nomzodi ilmiy darajasini olish uchun dissertatsiyani muvaffaqiyatli himoya qilgan[3].
Faoliyati
tahrir1978-yilda Samarqand davlat universiteti Mexanika-matematika fakultetida assistent, keyinchalik dotsent, professor va kafedra mudiri lavozimlarida ishlgan. 1988–1991-yillarda Toshkent davlat universiteti doktoranti sifatida dokoranturani Moskva davlat universiteti Mexanika-matematika fakulteti Funksiyalar nazariyasi va funksional analiz kafedrasida tahsil olgan. 1992-yilda Sankt-Peterburg davlat universitetida akademik S. P. Merkurev raisligidagi „Matematik fizika“ ixtisosligi boʻyicha fizika-matematika fanlari doktori ilmiy darajasini olish uchun dissertatsiyani muvaffaqiyatli himoya qildi va 1993-yil professor ilmiy unvonini olgan. 1994–2012-yillarda universitetda faoliyat koʻrsatish bilan birga Oʻzbekiston Respublikasi Fanlar akademiyasi Samarqand davlat universitetida Matematik fizika boʻlimiga rahbarlik qildi hamda aspirantura va doktoranturani ochgan[4]. 2021-yil O‘zbekiston Respublikasi Doʻstlik ordeni va 2023-yil Oliy taʼlim aʼlochisi koʻkrak nishoni bilan taqdirlangan[5].
Mukofotlari
tahrir- Doʻstlik ordeni (2021-yil)
- Oliy taʼlim aʼlochisi koʻkrak nishoni (2023-yil)
Manbalar
tahrir- ↑ „AKADEMIK SАIDАXMАT NORJIGITOVICH LAQAYEV “DO‘STLIK” ORDENI BILAN TAQDIRLANDI“ (buxdu.uz). 2024-yil 6-iyunda asl nusxadan arxivlangan. Qaraldi: 2024-yil 6-iyun.
- ↑ „Fizika-matematika fanlari doktori, professor, Akademik“ (samdu,uz). Qaraldi: 2024-yil 6-iyun.
- ↑ „«Matematik fizika va funksional analiz» kafedrasi mudiri Laqayev Saidaxmad Norjigitovich“ (samdu.uz). Qaraldi: 2024-yil 6-iyun.
- ↑ „LАQАEV SАIDАXMАT NORJIGITOVICH“ (mehnat.uz). Qaraldi: 2024-yil 6-iyun.
- ↑ „O`zbekiston Respublikasi mustaqilligining o`ttiz yilligi munosabati bilan Prezident mukofoti bilan taqdirlandi.“ (darakchi.uz). 2024-yil 6-iyunda asl nusxadan arxivlangan. Qaraldi: 2024-yil 6-iyun.