Sentob
Sentob — Navoiy viloyatining Nurota tumaniga qarashli qishloq. Tuman markazidan 120 kilometr, Aydarko‘ldan 30 kilometr uzoqlikda joylashgan. Oʻsimlik va hayvonot dunyosiga ham boy[1]. „Sintob“ so‘zi sanskrit tilidan olingan bo‘lib, „katta soy“ degan maʼnoni anglatadi. Aholisi 3000 dan ziyod. Ular asosan tojik tilida gapirishadi[2].
Sentob | |
---|---|
qishloq | |
40°34′0″N 65°41′0″E / 40.56667°N 65.68333°E G OKoordinatalari: 40°34′0″N 65°41′0″E / 40.56667°N 65.68333°E G O | |
Mamlakat | Oʻzbekiston |
viloyat | Navoiy viloyati |
tuman | Nurota tumani |
Aholisi (2023) |
3 000 |
Vaqt mintaqasi | UTC+5 |
Telefon kodi | +998 |
Avtomobil kodi | 85 |
|
Diqqatga sazovor joylari tahrir
Qishloqda Sentob suv ombori, Qadimiy karvonsaroylar, „Xo‘ja Porsho“, „Xo‘ja Maxmad Savrato“ ziyoratgohlari, Zardushtiylik dini oʻchoqlaridan biri boʻlgan qadimiy ibodatxona, „Chashmai ako“ bulog‘i, qadimiy qalʼalar mavjud. Qoya toshlarga ishlangan V-VI asrlarga oid petrogliflar, tog‘ tepasidagi ko‘hna qo‘rg‘on qoldiqlari, XI-XVIII asrlarga oid toshga o‘yilgan yozuvlar hamda qishloqning eng yuqori nuqtasida joylashgan Fozilmon ko‘li qishloqning diqqatga sazovor joylaridandir. Sentob qishlog‘idan 12 km uzoqlikdagi „Qora tog‘“ qoyatoshlarida ko‘plab ko‘hi uslubiga oid arab grafikasidagi yozuvlar, Qurʼon oyatlardan fragmentlar hamda qadimiy qo‘rg‘onlarni uchratish mumkin[3].
Turizm tahrir
2023-yilning mart oyida qishloqqa rasman „turizm qishlogʻi“ maqomi berilgan. Sintobga ilk sayyoh 2006-yilda Niderlandiyadan kelgan. Keyinchalik yevropalik turistlar oqimi kuchaygan. Nurota tumani hokimi Azamat Fayziyevning maʼlumotiga koʻra qishloqqa muntazam ravishda Angliya, Fransiya, Avstriya, Rossiya va boshqa davlatlardan sayyohlar tashrif buyurishmoqda[4]. Bir oyda qishloqqa 100 — 150 dan ortiq sayyoh tashrif buyuradi[5]. Sentob qishlog‘ida 20 ta oilaviy mehmon uyi va 3 ta hostel faoliyat ko‘rsatmoqda. Shuningdek, 15 dan ortiq turistik xizmat yo‘lga qo‘yilgan[6].
Manbalar tahrir
- ↑ „Navoiy viloyati Nurota tumani Sentob qishlog‘i fotosayohat“. Navoiy Tourism.uz. 2023-yil 21-iyunda asl nusxadan arxivlangan. Qaraldi: 21-iyun 2023-yil.
- ↑ „Navoiyning Shveysariyasi. Sintob qishlog‘idan fotoreportaj“. Daryo.uz. Qaraldi: 21-iyun 2023-yil.
- ↑ „Navoiy viloyati Nurota tumani Sentob qishlog‘i fotosayohat“. Navoiy Tourism.uz. 2023-yil 21-iyunda asl nusxadan arxivlangan. Qaraldi: 21-iyun 2023-yil.
- ↑ „Sentob sayyohlarning sevimli maskaniga aylanadi“. UzA.uz. Qaraldi: 21-iyun 2023-yil.
- ↑ „Сентоб – райский уголок полный колорита, душевного тепла и гармонии“. nuz.uz. Qaraldi: 21-iyun 2023-yil.
- ↑ „Navoiydagi Sentob qishlog‘iga rasman «turizm qishlog‘i» maqomi berildi“. Kun.uz. Qaraldi: 21-iyun 2023-yil.