Vikipediya

Shodmon Vohidov

Vikipediyada shunday familiyali boshqa shaxslar haqida ham maqolalar mavjud, qarang: Vohidov.

Shodmon Huseyinovich Vohidov – (1961-yil, 19-dekabr, Panjikent, Tojikiston SSR, SSSR) – taniqli tojikistonlik manbashunos olim, tarix fanlari doktori (1998), professor. Shodmon Vohidov Buxoro amirligi, Xiva va Qoʻqon xonliklari tarixiga oid bir qator asarlar tarjimoni va Oʻrta Osiyo madaniyati hamda tarixiga oid asarlar muallifi[1].

Shodmon Vohidov

Shodmon Vohidov Buxoro arkida joylashgan Subhonqulixon jomeʼ masjidi oldida. 2023-yil
Tavalludi 19.12.1961
Panjikent, Tojikiston SSR, SSSR
Fuqaroligi  Tojikiston
Millati tojik
Sohasi tarix, manbashunoslik
Ish joylari Alisher Navoiy nomidagi Adabiyot muzeyi
Oʻzbekiston Milliy universiteti Tarix fakulteti
Oʻzbekiston Fanlar akademiyasi Abu Rayhon Beruniy nomidagi Sharqshunoslik instituti
Toshkent davlat sharqshunoslik universitetida
Panjikent pedagogika instituti

Tarjimayi holi tahrir

Shodmon Vohidov 1961-yil 19-dekabrda Panjikent shahrida tugʻilgan[2]. 1984-yil Tojikiston davlat universiteti tarix fakultetini tamomlagan. 1984-yildan boshlab Toshkent shahrida yashab, uzoq yillar Oʻzbekiston Fanlar akademiyasi Abu Rayhon Beruniy nomidagi Sharqshunoslik institutida faoliyat yuritgan[2]. U 1984–1986-yillar SSSR qurolli kuchlari safida harbiy xizmatni oʻtagan. Toshkentdagi Oʻzbekiston SSR Ichki ishlar vazirligiga qarashli Oliy kurslarda ofitser-tarjimon sifatida faoliyat yuritgan. 1987–1990-yillarda Oʻzbekiston SSR FA Hamid Sulaymonov nomidagi qoʻlyozmalar institutida aspirant sifatida oʻqigan[2].

Ilmiy faoliyati tahrir

Shodmon Vohidov Buxoro amirligi, Xiva va Qoʻqon xonliklari tarixiga oid bir qator asarlar tarjimoni hamda Oʻrta Osiyo madaniyati va tarixiga oid asarlar muallifidir. Uning „Kitoblar, kutubxonalar, kataloglar“ (oʻzbek va rus tillarida) „Tarixiy meros“ (oʻzbek va rus tillarida), „Oʻzbekiston tarixi arab yozuvidagi manbalarda“ (oʻzbek, ingliz va rus tillarida) ilmiy turkumlaridagi bir nechta kitoblari nashr etilgan[1]. Olim ilmiy faoliyati davomida 20 dan ortiq asarlarni tarjima qilib, ilmiy muomalaga kiritgan[2]. U 30 ga yaqin kitob, risola va monografiyalar, 100 dan ortiq ilmiy maqolalar yozgan[1]. Shodmon Vohidov 1990-yilda „Avaz Muhammad Attor Xuqandiy va uning „Tarixi jahonnomayi“ asari (tadqiqot, tarjima va izohlar)“ mavzusida nomzodlik dissertatsiyasini yoqlagan. U 1998-yilda esa „Qoʻqon xonligida tarixnavislikning rivojlanishi (XIX asr–XX asrning boshlari)“ mavzusida doktorlik dissertatsiyasini himoya qilgan[2]. Shodmon Vohidov Alisher Navoiy nomidagi Adabiyot muzeyi, Oʻzbekiston Milliy universiteti Tarix fakulteti, Oʻzbekiston Fanlar akademiyasi Abu Rayhon Beruniy nomidagi Sharqshunoslik instituti, Toshkent davlat sharqshunoslik universitetida ilmiy faoliyat yuritgan. U Fransiyaning ITM (MSH) qoshidagi Denni Didro grantini qoʻlga kiritgan. Osiyo va Yevropa davlatlarida boʻlib oʻtgan bir qator ilmiy konferensiyalarda ishtirok etgan[3].

Asosiy ilmiy ishlari va tarjimalari tahrir

  1. Қўқон тарихчилари Фазлий ва Мушриф. – Тошкент, 1996. – 24 б.
  2. Низомулмулк. Сиёсатнома ёки Сияр ул-мулук. – Тошкент, 1997. (Ҳаммуаллиф). – 182 б.
  3. Джамал ал-Карши. Ал-Мулхакат би-с-Сурах. Введение, перевод с арабского и персидского, текст, факсимиле и комментарии и указатели. – Алматы: Дайк-Пресс, 2005. (Ҳаммуаллиф).– 410 с.
  4. Абд ал-Кадир ибн Мухаммад Амин. Маджма ал-ансаб ва-л-ашджар. Введение, перевод с арабского-персидского и тюркского, текст, факсимиле автографа, комментарии и указатели. – Алматы: Дайк-Пресс, 2005. (Ҳаммуаллиф). – 692 с.
  5. Муизз ал-ансаб. Введение, перевод, факсимиле Парижского списка, комментарии и указатели. - Алматы: Дайк-Пресс, 2006. (Ҳаммуаллиф). – 670 с.
  6. Марказий Осиё давлатларида бошқарув тарихидан. – Тошкент: Янги аср авлоди, 2006. (Ҳаммуаллиф).– 80 б.
  7. Садр-и Зия и его библиотека. Из истории книги и книжной культуры в Бухаре начала ХХ века. Книги, библиотека, каталоги. Т.1. – Ташкент: Янги аср авлоди, 2007. – 352 с.
  8. Исмоилхон Фақирий. Баёзи Фақирий. – Тошкент: Адолат, 2006. (Ҳаммуаллиф). – 200 б.
  9. Фитрат. Раҳбари нажот. – Тошкент: Маънавият, 2001.
  10. Фитрат. Оила ёки бошқариш тартиблари. – Тошкент: Маънавият, 1998, 2000. – 120 б.
  11. Une sourse meconnue pour letude de la production de livres a la cour de Muhammad Rahim Khan II (Khiva, fin XIXe s/). In: A.Muminov. F.Richard et M.Szuppe (eds). Patrimoine manuscript et vie intellectuelle de l Asie centrale islamque. [Cahiers d Asie Centrale 7], IFEAC – Edisud. – Tachkent- Aix-en-Provence, 1999.-P.175-193.
  12. Les particularizes paleographiques et codicologiques des fonds particuliers de Rawnaqi et Faqiri (Shahrisabx, Uzbekistan). // Manuckripta Orintalia. – St Peterburg, 2003. – P.52-56.
  13. The histori of the Idhqiyya Brotherhoods Secred riliks. II. The katta Langar (New Fragments). // Manuckripta Orintalia. – St Peterburg, 2002.

Manbalar tahrir

  1. ↑ 1,0 1,1 1,2 „Мир Араб олий мадрасасида машҳур тарихчи олим Шодмон Воҳидов иштирокида маънавий-маърифий тадбир ўтказилди“. mirarab.uz. Qaraldi: 2023-yil 29-dekabr.
  2. ↑ 2,0 2,1 2,2 2,3 2,4 Ўзбекистон тарихчилари 2012, s. 69.
  3. ↑ Ўзбекистон тарихчилари 2012, s. 70.

Adabiyotlar tahrir

  • Ўзбекистон тарихчилари. I жилд (биобиблиографик маълумотнома). Тошкент: Fan va texnologiya, 2012 — 246 bet. 

Havolalar tahrir 

"https://uz.wikipedia.org/w/index.php?title=Shodmon_Vohidov&oldid=4094808" dan olindi