Vadim Makarov

Makarov Vadim Vilyevich(1966-yil 27-avgust, Samarqand, Oʻzbekiston SSR, SSSR) – rus harbiy generali, general-mayor. Rossiya Federatsiyasi Qahramoni.

Makarov Vadim Vilyevich
Tavalludi	27-avgust 1966-yil (1966-08-27) Samarqand, Oʻzbekiston SSR, SSSR
Fuqaroligi	SSSR→ Rossiya
Unvoni	general-mayor
Jang/urush	Qorabogʻ mojarosi, Birinchi Chechen urushi
Mukofotlari	Rossiya Federatsiyasi Qahramoni

Biografiyasi

Makarov Vadim Vilyevich 1966-yil 27-avgust kuni Oʻzbekiston SSR tarkibidagi Samarqand viloyatida tugʻilgan. 1983-yil Samarqand shahridagi oʻrta taʼlim maktablarining biridagi 8-sinfgacha tahsil oldi. Shundan soʻng, Qozon harbiy maktabiga qabul qilinib, tahsilini davom ettirgan. Harbiy maktabni tamomlagandan soʻng, Sovet armiyasida xizmat qilgan. Vadim Makarov 1987-yil Ulyanovsk oliy tank qoʻmondonligi bilim yurtiga qabul qilingan. Sovet Ittifoqining Germaniya, Shimoliy Kavkaz hamda Leningrad harbiy okruglarida xizmat qilgan. U tank guruhlariga rahbarlik qilgan. Vadim Makarov shu bilan birgalikda Qorabogʻ mojarosida ham qatnashgan. 1994-yil 11-dekabr kuni boshlanib, 1996-yil 31-avgustgacha davom etgan Birinchi Chechen urushi davrida kapitan Vadim Makarov 83-tank batalyoniga qoʻmondonlik qildi. Birinchi Chechen urushi yakunida batalyon bironta ham tankka zarar yetmadi. Chechen urushi janglari mobaynida Vadim Makarov unga qarata oʻq uzilganligi sababli katta karohat oldi. Shifoxonalarning davolanish taklifini rad etib, jangda qatnashishni davom ettirdi. Vadim Makarov 1997-yilda Moskva shahri havo kuchlarida batalyon komandirining tarbiyaviy ishlar boʻyicha oʻrinbosari sifatida xizmat qilgan.

2001-yilda Qurolli Kuchlar akademiyasini tamomlagan.

Mukofotlari

Rossiya Federatsiyasi Prezidentining 1997-yil 14-iyundagi farmoni bilan, Vadim Makarov maxsus topshiriqni bajarishdagi jasorati va qahramonligi uchun „Rossiya Federatsiyasi Qahramoni“ oliy ordeni bilan taqdirlandi.