Vikipediya:WikiStipendiya III marafoni/Qoidalar va baholash tartibi

Qoidalar tahrir

Marafonga Vikipediyada roʻyxatdan oʻtgan foydalanuvchilardan tashkil topgan guruhlar qatnasha oladi.
Jamoalarni marafonga qabul qilish butun marafon mobaynida davom etadi.
Jamoa tarkibi tasdiqlanib, jamoalar roʻyxatiga qoʻshilishi bilan ularning ballari hisoblana boshlaydi.
Jamoa aʼzolari soni 5 nafarni tashkil etadi.
Jamoalar maʼlum OTM talabalari, professional taʼlim muassasalari va maktab oʻquvchilari, „Wikiklub“lar aʼzolari negizida, shuningdek, koʻngilli yoshlar tashabbusi bilan tashkil qilinishi mumkin (jamoa aʼzolarining bir taʼlim muaassasida oʻqishi va, umuman, talaba boʻlishi ham talab qilinmaydi).
Jamoa aʼzoligi uchun yosh chegaralanmagan.
Avvalgi mavsum sovrindorlari (birinchi mavsum kuchli uchligi, beshligi va oʻnligi, shuningdek, ikkinchi mavsum oyliklar gʻoliblari (birinchi, ikkinchi va uchinchi oʻrin sohiblari)), oʻzbekcha vikipediyaning amaldagi va sobiq administratorlari bitta jamoada bir nafardan ortiq boʻlishi mumkin emas.
Marafonda hakamlik qiluvchi administratorlar hamda hakamlar safiga qoʻshilgan koʻngilli foydalanuvchilar, shuningdek, tashkiliy jamoa aʼzolari marafon ishtirokchisi boʻla olmaydi.
Jamoa aʼzolari oʻz tarkibini marafon boshlanganidan soʻng har yigirma kunda (bir turda ikki marta) tashkiliy jamoaga yuborish orqali yangilashlari mumkin. Har bir oʻzgarish jarayonida tarkibni koʻpi bilan ikki kishiga almashtirish imkoni mavjud.

Marafon mobaynida ishtirokchilardan fotosuratlar yuklashi, yangi maqolalar yaratishi, tahrir qilishi hamda tarjima maqolalar yaratishi talab qilinadi.
Bunda berilgan talablarga mos ravishda yaratilgan bitta yangi maqolaning qiymati talablar mos keladigan beshta tahrir hamda oʻnta tarjima maqolaga tenglashtirilib, koʻpi bilan 10 foizga ushbu balans buzilishiga yoʻl qoʻyilishi mumkin.
Maqolalar balansi yuqoridagiga mos kelmagan jamoa oromgohga borish huquqini qoʻlga kirita olmaydi. Oromgohga borish huquqini qoʻlga kirita olmagan jamoalarning marafonda ishtiroki cheklanmaydi. Bunday jamoalarda keyingi turlarda qayta ishtirok etish imkoni mavjud.
Marafon yoki har bir tur davomida hech bir jamoa maʼlum maqola yoki maqolalar turkumini jamoa mulki sifatida eʼtirof etishi mumkin emas. Maqolalarga dahl qilish bilan bogʻliq holatda nizoli holat keltirib chiqargan jamoa yoki jamoalarning ayni maqola yoki maqolalar turkumiga oid qilgan barcha tahrirlari nol ballga tenglashtiriladi.

Fotosuratlar uchun bir tur davomidagi hajm 45 ta fotosurat boʻlishi talab qilinadi.
Fotosuratlarning barchasi commons.wikimedia.org talablariga muvofiq yuklanishi hamda mualliflik huquqlari qoidalariga zid boʻlmasligi lozim.
Fotosuratlar hajmi koʻrsatilgan miqdordan kam boʻlgan taqdirda jamoaning boshqa qismlardagi ishlari hisobga olinmaydi.
Yuklanayotgan fotosuratlarning barchasi toʻgʻri turkumlangan boʻlishi eʼtiborga olinadi.
Fotosuratlar selfi yoki bir guruh shaxslarning tayyorgarlik bilan tushirilgan shaklda boʻlmasligi shart, tasvirlarda suvbelgilar va shu kabi tasvirni qayta ishlash davomida kiritilgan qoʻshimcha elementlar boʻlmasligi kerak. Fotosuratlarda aks etgan yosh bolalarning yuzi aniq koʻrinmasligi qatʼiy qoida sifatida talab etiladi.

Yangi maqolaning chop etilgan holatidagi hajmi 200 soʻzdan kam boʻlmasligi kerak.
Har bir qoʻshimcha 100 ta soʻz uchun ball beriladi.
Maqolaning dolzarb mavzusi uchun qoʻshimcha ball beriladi.

Barcha shartlarni qoniqtiruvchi (kamida 400 ta soʻz, nufuzli manbalar, qoidaga mos ravishda rasmiylashtirish, toʻliq va uslubiy/imloviy xatolarsiz tarjima qilingan) maqolalarga 10 ball beriladi;
400 soʻzdan keyin qoʻshilgan har 200 soʻz uchun qoʻshimcha 10 balldan beriladi;
Maqolada ogohlantiruvchi andozalar koʻrsatilgan boʻlsa, -3 jarima ball beriladi;
Maqola boshqa foydalanuvchi yoki bot tomonidan yaxshi holatga keltirilgan boʻlsa, -5 jarima ballgacha beriladi;
Hakamlar tomonidan har bir tarjima maqola uchun (maqolaning toʻgʻri tuzilishi, nufuzli manbalar koʻrsatilganligi, rasmlar nomlanishi, grafiklar, jadvallar, turkumlar) qoʻshimcha ball berilishi mumkin;

Jamoalar tomonidan tahrir qilinadigan maqolalar 2024-yil yanvar oyidan oldin yaratilgan boʻlishi eʼtiborga olinadi.
Tahrirlangan maqolalar tarkibiga kamida 100 soʻz qoʻshilgan taqdirda qabul qilinadi. Tahrir qilingan maqolada bilgiquti mavjud boʻlishi, u kamida 2 ta manbaga ega boʻlishi hamda turkumlashtirilgan boʻlishi lozim.
Tahrirlangan maqola soʻzlarining soni ball uchun yetmasa va u hakam(lar) tomonidan qabul qilinmasa, keyinchalik maqola ball berish uchun yetarli holatga keltirilgan taqdirda ham berilgan baho hakamlar tomonidan qayta koʻrib chiqilmaydi. ????

Yangi yaratilgan yoki tarjima qilingan maqola tur davom etgan davrda maʼlum bir statusga erishsa, hakamlar tomonidan berilgan ballning 100 foizi miqdorida qoʻshimcha ball beriladi.
Bir guruhning statusli maqola uchun qoʻygan nomzodlari ketma-ket ikki marta status ololmasa, guruhga -2 jarima ball beriladi.

Hakamlar tomonidan qabul qilingan qarorlar, berilgan ballar muhokama qilinmaydi, qoʻyilgan ballar qayta koʻrib chiqilmaydi.
Hakamlar hayʼati oʻzaro kelishgan holda yuzaga kelgan vaziyatga koʻra ish tutib, qoidalarga oʻzgartirish kiritishi mumkin.

Tanlovda ishtirok etish ushbu shartlarga toʻliq rozilik bildirganingizdan darak beradi.

Paramarafonda ishtirok etish uchun ishtirokchilardan nogironligi toʻgʻrisidagi guvonhnomani koʻrsatishi soʻraladi.
…