Yevropa stol tennisi ittifoqi

Yevropa stol tennisi ittifoqi
Turi	sport tashkiloti
Ishga tushgan sanasi	1957
Joylashuvi	Lyuksemburg
Hududiy xizmati	Yevropa
Prezidenti	Igor Levitin
Vebsayti	ettu.org

Yevropa stol tennisi ittifoqi – Yevropada stol tennisi sportining boshqaruv organi hisoblanadi. Yevropa stol tennisi ittifoqi Xalqaro stol tennisi federatsiyasi tomonidan tan olingan yagona tashkilot hisoblanadi. Yevropa stol tennisi ittifoqi Yevropa darajasida stol tennisi bilan bogʻliq barcha masalalar, shu bilan birga uning 58 aʼzo assotsiatsiyalari tomonidan nazorat qilinadigan hududlarda sportni rivojlantirish va targʻib qilish, stol tennisi boʻyicha qitʼa musobaqalarini, xususan Yevropa chempionatlarini tashkil etish bilan shugʻullanadi^[1].

Tarixi

Stol tennisi boʻyicha jahon chempionatini 1957-yildan boshlab ikki yilda bir marta oʻtkaziladigan musobaqaga aylantirish toʻgʻrisidagi qaroridan keyin, Xalqaro stol tennisi federatsiyasi alohida Yevropa stol tennisi assotsiatsiyalarini keyingi juft yillarda Yevropa chempionatini oʻtkazishni koʻrib chiqishni taklif qildi. Shundan keyin 1957-yil 13-mart kuni Stokgolmda oʻsha yilgi Jahon chempionatida boʻlib oʻtgan uchrashuvda Avstriya, Belgiya, Bolgariya, Chexoslovakiya, Sharqiy Germaniya, Finlandiya, Fransiya, Vengriya, Lyuksemburg, Gollandiya, Portugaliya, Ispaniya, Shvetsiya, SSSR, Uels, Gʻarbiy Germaniya va Yugoslaviya assotsiatsiyalari tomonidan Yevropa stol tennisi Ittifoqi tashkil etildi. Yetti kishidan iborat kengash saylandi, ular orasida fransuz Jean Belot birinchi rais sifatida saylandi va birinchi stol tennisi boʻyicha Yevropa chempionati 1958-yilda Budapeshtda boʻlib oʻtdi.

1960-yilda Yevropa stol tennisi ittifoqi yigʻilishida Yevropa klublari jamoalari uchun musobaqa joriy etishni qaror qildi va 1961-yil boshida erkaklar uchun birinchi Yevropa klublar chempionlari kubogi boʻlib oʻtdi. Uch yil oʻtgach ayollar musobaqasi ham qoʻshildi. 1964-yilda Yevropa stol tennisi ittifoqi Yevropadagi yoshlar musobaqalari uchun mas’uliyatni oʻz zimmasiga oldi va 1970-yilda yosh oʻyinchilar uchun asosiy musobaqa Yoshlar o‘rtasidagi Yevropa chempionati deb qayta nomlandi. 1971-yilda tajribaviy turnir oʻtkazildi. Unda Yevropaning eng yuqori oʻn ikki reytingdagi tennischilari boshqa barcha raqiblar bilan uchrashuvchi musobaqa tizimida bellashdilar. Bu tadbir keyinchalik har yili „Yevropa Top-12“ nomi bilan oʻtkaziladigan boʻldi.

1984-yilda Nancy Evans Yevropa stol tennisi ittifoqidagi 27 yillik faoliyatidan soʻng nafaqaga chiqdi. Uning ajoyib xizmatlari eʼtirof etilib, u Yevropa stol tennisi ittifoqining umrbod faxriy aʼzosi etib tayinlandi.

1991 va 1995-yillar oraligʻida Yevropa stol tennisi ittifoqiga aʼzo assotsiatsiyalar soni keskin 37 tadan 52 taga koʻpaydi. Bu asosan Chexoslovakiya, shuningdek, sobiq Sovet Ittifoqi va Yugoslaviyaning parchalanishi va uning tarkibiga kirgan davlatlarning stol tennisi assotsiatsiyalarining arizalari tufayli roʻy berdi. 1998-yilda erkaklar klub jamoalari uchun Yevropa Chempionlar Ligasi tashkil etildi (ayollar Chempionlar Ligasi esa 2005-yilda tashkil etildi). 1999-yilda Yevropa stol tennisi ittifoqi Xalqaro stol tennisi federatsiyasi bilan birinchi televizion shartnomasini imzoladi, bu esa Chempionlar Ligasi oʻyinlarini Yevrosport kanalida jonli efirga uzatish imkonini berdi^[2].

2000-yilda stol tennisi boʻyicha Yevropa chempionatini 2003-yildan boshlab toq sonli yillarga oʻzgartirish toʻgʻrisida qaror qabul qilindi. Bu Xalqaro stol tennisi federatsiyasining har yili toq yillardagi individual musobaqalar va juft yillardagi jamoaviy musobaqalar oʻrtasida navbatma-navbat oʻtkaziladigan stol tennisi boʻyicha jahon chempionatlarini oʻtkazishni boshlash toʻgʻrisidagi qaroriga javoban qabul qilingan qaror edi. 2007-yildan boshlab Yevropa chempionati har yili oʻtkazaladigan musobaqaga aylandi va 2016-yildan boshlab chempionatda juft yillarda yakkalik va juftlik musobaqalari, toq yillarda jamoaviy musobaqalar oʻtkaziladigan boʻldi^[3].

Rossiyaning 2022-yilda Ukrainaga bostirib kirishi ortidan Yevropa stol tennisi ittifoqi Ijroiya kengashi Xalqaro Olimpiya qoʻmitasi (XOQ) tavsiyalariga binoan rossiyalik va belaruslik oʻyinchilar hamda rasmiylarni Yevropa stol tennisi ittifoqi tadbirlaridan chetlatdi. 2022-yil mart oyida tashkilotning rossiyalik prezidenti Igor Levitin oʻz vakolatlarini ixtiyoriy ravishda toʻxtatib qoʻydi^[4].

Aʼzolar uyushmalari

2022-yilning sentyabr oyida Yevropa stol tennisi ittifoqining 58 ta aʼzo uyushmasi boʻlgan va quyidagilarni oʻz ichiga olgan^[5]:

Albaniya – Albaniya stol tennisi federatsiyasi
Andorra – Andorra stol tennisi federatsiyasi
Armaniston – Armaniston stol tennisi federatsiyasi
Avstriya – Avstriya stol tennisi assotsiatsiyasi
Ozarbayjon – Ozarbayjon stol tennisi federatsiyasi
Belarus – Belarus stol tennisi federatsiyasi
Belgiya – Belgiya stol tennisi federatsiyasi
Bosniya va Gersegovina – Bosniya va Gersegovina stol tennisi federatsiyasi
Bolgariya – Bolgariya stol tennisi federatsiyasi
Xorvatiya – Xorvatiya stol tennisi assotsiatsiyasi
Kipr Respublikasi – Kipr stol tennisi assotsiatsiyasi
Chexiya – Chexiya stol tennisi assotsiatsiyasi
Daniya – Daniya stol tennisi assotsiatsiyasi
Angliya – Angliya stol tennisi assotsiatsiyasi
Estoniya – Estoniya stol tennisi assotsiatsiyasi
Finlandiya – Finlandiya stol tennisi assotsiatsiyasi
Fransiya – Fransiya stol tennisi federatsiyasi
Gruziya – Gruziya stol tennisi federatsiyasi
Germaniya – Germaniya stol tennisi assotsiatsiyasi
Gibraltar – Gibraltar stol tennisi assotsiatsiyasi
Gretsiya – Gretsiya stol tennisi assotsiatsiyasi
Grenlandiya – Grenlandiya stol tennisi federatsiyasi
Guernsey – Guernsey stol tennisi assotsiatsiyasi
Vengriya – Vengriya stol tennisi assotsiatsiyasi
Islandiya – Islandiya stol tennisi assotsiatsiyasi
Irlandiya – Irlandiya stol tennisi assotsiatsiyasi
Isroil – Isroil stol tennisi assotsiatsiyasi
Italiya – Italiya stol tennisi federatsiyasi
Jersey – Jersey stol tennisi assotsiatsiyasi
Kosovo – Kosovo stol tennisi federatsiyasi
Latviya – Latviya stol tennisi federatsiyasi
Lixtenshteyn – Lixtenshteyn stol tennisi assotsiatsiyasi
Litva – Litva stol tennisi federatsiyasi
Lyuksemburg – Lyuksemburg stol tennisi federatsiyasi
Shimoliy Makedoniya – Shimoliy Makedoniya stol tennisi assotsiatsiyasi
Malta – Malta stol tennisi assotsiatsiyasi
Moldova – Moldova stol tennisi federatsiyasi
Monako – Monako stol tennisi federatsiyasi
Chernogoriya – Chernogoriya stol tennisi assotsiatsiyasi
Niderlandiya – Gollandiya stol tennisi assotsiatsiyasi
Norvegiya – Norvegiya stol tennisi assotsiatsiyasi
Polsha – Polsha stol tennisi federatsiyasi
Portugaliya – Portugaliya stol tennisi federatsiyasi
Ruminiya – Ruminiya stol tennisi federatsiyasi
Rossiya – Rossiya stol tennisi federatsiyasi (oʻyinchilar va rasmiy shaxslar tadbirlarda qatnashish taqiqlangan)
San Marino – San Marino stol tennis federatsiyasi
Shotlandiya – Shotlandiya stol tennisi federatsiyasi
Serbiya – Serbiya stol tennisi assotsiatsiyasi
Slovakiya – Slovakiya stol tennisi assotsiatsiyasi
Sloveniya – Sloveniya stol tennisi assotsiatsiyasi
Ispaniya – Ispaniya stol tennisi federatsiyasi
Shvetsiya – Shvetsiya stol tennisi assotsiatsiyasi
Shveysariya – Shveysariya stol tennisi federatsiyasi
Turkiya – Turkiya stol tennisi federatsiyasi
Ukraina – Ukraina stol tennisi federatsiyasi
Uels – Uels stol tennisi assotsiatsiyasi

Shon-sharaflar zali

2015-yil sentabr oyida Yevropa stol tennisi ittifoqi Yevropadagi stol tennisi sportiga ajoyib hissa qoʻshgan chempionlar, afsonaviy oʻyinchilar va boshqa shaxslarni sharaflash maqsadida „Yevropa stol tennisi shon-shuhrat zali“ni taqdim etdi^[6]. Quyidagi odamlar Shon-sharaflar zaliga kiritilgan^[7]:

Richard Bergmann

Angelica Rozeanu

Jan-Ove Waldner

2015

2016

2017

2019

Yana qarang

Osiyo stol tennisi ittifoqi

Manbalar

↑ „ETTU Handbook“. European Table Tennis Association. 2016-yil 29-avgustda asl nusxadan arxivlangan. Qaraldi: 2016-yil 8-sentyabr.
↑ „ETTU History“. European Table Tennis Union. Qaraldi: 2016-yil 11-sentyabr.
↑ „ETTU Congress approves new regulations for European Championships 2016 and 2017“. European Table Tennis Union. Qaraldi: 2016-yil 11-sentyabr.
↑ „Moura tells ETTU Congress Russian and Belarusian ban "best course to take"“. www.insidethegames.biz (2022-yil 20-avgust).
↑ „Member Associations“. European Table Tennis Association. Qaraldi: 2016-yil 7-sentyabr.
↑ „About: European Table Tennis Hall of Fame“. ETTHoF. Qaraldi: 2016-yil 8-sentyabr.
↑ „European Table Tennis Hall of Fame“. ETTHoF. Qaraldi: 2016-yil 8-sentyabr.

Havolalar

[1] „ETTU Handbook“. European Table Tennis Association. 2016-yil 29-avgustda asl nusxadan arxivlangan. Qaraldi: 2016-yil 8-sentyabr.

[2] „ETTU History“. European Table Tennis Union. Qaraldi: 2016-yil 11-sentyabr.

[3] „ETTU Congress approves new regulations for European Championships 2016 and 2017“. European Table Tennis Union. Qaraldi: 2016-yil 11-sentyabr.

[4] „Moura tells ETTU Congress Russian and Belarusian ban "best course to take"“. www.insidethegames.biz (2022-yil 20-avgust).

[5] „Member Associations“. European Table Tennis Association. Qaraldi: 2016-yil 7-sentyabr.

[6] „About: European Table Tennis Hall of Fame“. ETTHoF. Qaraldi: 2016-yil 8-sentyabr.

[7] „European Table Tennis Hall of Fame“. ETTHoF. Qaraldi: 2016-yil 8-sentyabr.

[1]

[2]

[3]

[4]

[5]

[6]

[7]