Yuta

Yuta — AQShning gʻarbiy qismidagi shtat. Maydon 219,9 ming km². Aholisi 2,31 mln. kishi (2002). Maʼmuriy markazi — Solt Leyk Siti (Salt Lake City) shahri. AQSh ittifogʻiga 4 yanvar 1896 yilda kirgan. Hududining katta qismini togʻ tizmalari (eng baland joyi 4123 m) va chuqur daralar bilan kesilgan choʻl landshaftli yassitogʻlik egallaydi. Sharqda Qoyali togʻlarga tutashib ketgan. Yanvarning oʻrtacha temperaturasi —2° dan —4° gacha, iyulniki 17—20°. Yillik yogʻin 250–400 mm. Asosiy daryosi — Kolorado. Koʻl koʻp; eng yirigi — Katta Shoʻr koʻl. Aholi, asosan, vohalarda yashaydi. Xoʻjaligida konchilik va qishloq xoʻjaligi yetakchi. Yuta mahsulotlarining 75%ni chorvachilik beradi. Sugʻoriladigan yerlarda qand lavlagi, sabzavotlar yetishtiriladi. Foydali qazilmalardan neft, tabiiy gaz, toshkoʻmir, mis, polimetallar, oltin, temir va uran rudalari qazib olinadi. Asosiy sanoat tarmoqlari: rangli va qora metallurgiya. Neftni qayta ishlash, kimyo, oziq-ovqat, radioelektronika sanoati korxonalari mavjud. Raketa, qishloq xoʻjaligi jihozlari ishlab chiqariladi.

Yuta Utah
Yuta bayrogʻi Yuta tamgʻasi
Shtat laqabi: Asalari qutisi shtati (Beehive State)
Poytaxt	Salt Lake City
Eng yirik shaharlar	Salt Lake City West Valley City Provo
Maydon    - Butun    - % suv	AQSh: 13-oʻrinda 219,887 km² 3.25 %
Aholi    - Butun (2011)    - Zichlik    - Senat oʻrinlari    - Elektoral ovozlari	AQSh: 34-oʻrinda 2,469,585 10.5 kishi/km² 3 5
YShM    - YShM    - YShM/kishi	AQSh: 33-oʻrinda $82,611 mil. $34,127
Ittifoqqa kirish    - Sana	45-boʻlib 4 yanvar 1896
Vaqt	UTC-7 (MST) / -5 (EST)
Qisqartma	UT [49]
Shtat guli	Sego lily (Calochortus gunnisonii)
Shtat daraxti	Blue Spruce (Picea pungens)