Amr Diyab

Amr Diyab (1961-yil 11-oktyabr — hozirgacha) — misrlik qoʻshiqchi, bastakor va aktyor boʻlib, eng mashhur arablar Top 30 taligidan joy olgan.

Amr Diyab
Tavalludi	1961-yil 11-oktabr Port-Said, Misr
Janrlar	arabcha pop, inglizcha pop
Faoliyat yillari	1983–hozirgacha
Fuqaroligi	Misr
Turmush oʻrtogʻi	Shereen Reda va Dina El Sherbiny
Amplua	Qoʻshiqchi, bastakor va aktyor
Veb-sayt	amrdiab.net

Hayoti

Amr Diyab(arabcha عمرو عبد الباسط عبد العزيز دياب) Misrning Port-Said shahrida oʻrtahol musulmon oilasida dunyoga kelgan. 1986-yilda Qohira sanʼat akademiyasining musiqa yoʻnalishini tamomlab, bakalavr diplomini qoʻlga kiritgan. 1994-yilda misrlik aktrisa Sharin Reda bilan turmush qurgan. Hozirda 4 nafar farzandi bor.

Faoliyati

Uning „Ya Toriq“ deb nomlangan ilk musiqiy albomi 1983-yilda muxlislarga taqdim etilgan. Shundan soʻng uning „Gʻonniy min qolbik“(1984), „Ya halva“(1985), „Hala hala“(1986), „Habibi“(1991), „Nur ul-ayn“(1996), „Allim qolbiy“(2003), „Allayla“(2013) va „Sahron“(2020) kabi albomlari chiqqan. Amr Diyab oxirgi albomini "Ya ana ya la"ni 2021-yilda tamomlagan. Bundan tashqari Amr Diyab bir qancha kinolarda ham rol ijro etgan. Quyida ularning nomi va suratga olingan yili keltiriladi:

• „Sajiynatani“ 1988-yil;
• „Afariyt“ 1990-yil;
• „Ays krim fiy jlim“ 1992-yil;
• „Dohk va laʼb“ 1993-yil

Diskografiyasi

• „Ya Toriq“(1983)
• „Gʻonniy min qolbik“(1984)
• „Hala hala“(1985)
• „Habibi“(1986)
• „Nur ul-ayn“(1991)
• „Allim qolbiy“(2003)
• „Allayla“(2013)
• „Sahron“(2020)
• „Ya ana ya la“(2021)

Mukofotlari

1996-yilda „Nur ul-ayn“ albomi tufayli Jahon musiqa mukofotini qoʻlga kiritgan. Aynan shu mukofot bilan 1997-2001-2007-2014-2020-yillarda qayta-qayta taqdirlangan. 2009-2010-yillarda esa Afrikaning musiqa boʻyicha taʼsis etilgan 6 ta mukofotiga erishgan. 2016-yilga kelib dunyo boʻyicha eng koʻp mukofotga ega boʻlgan qoʻshiqchi sifatida Ginnes rekordlar kitobiga kiritilgan.

Manbalar

1. amrdiab.net
2. Amr Diab World (arxiv)
3. Amr Diyab IMDbda 

Havolalar

„Egypt’s megastar Amr Diab to perform live in Riyadh on February 24“ (21-fevral 2022-yil). Qaraldi: 10-dekabr 2022-yil.