Arnasoy tumani – Jizzax viloyatidagi tuman, 1975 yil 26 noyabrda tashkil etilgan. Shimoliy va shimoli-g‘arbda Forish, janubida Zafarobod, janubi-sharqda Paxtakor, sharqda Do‘stlik, shimoli-sharqda Mirzacho‘l tumanlari bilan chegaradosh. Maydoni 0,49 ming km². Aholisi 40,0 mingdan ortiq kishi (1999). Arnasoy tumanida 6 Qishloq fuqarolari yig‘ini (Do‘stlik, Zarafshon, Usmon Yusupov, Cho‘lquvar, Yangibo‘ston, G‘alaba) bor. Markazi – G‘oliblar qishlog‘i.Tabiati. Tuman relefi asosan te-kislik va pasttekisliklardan iborat. Yer yuzasi shimoliy va shimoli-g‘arbdan janubiy va janubi-sharqqa tomon asta-sekin ko‘tarila boradi. Iqlimi keskin kontinental. Yanvarning o‘rtacha temperaturasi – G, – 5°, iyul-niki 30° gacha. Yiliga o‘rtacha 150 – 300 mm yog‘in tushadi. Arnasoy tumanining shimoliy qismida Aydar ko‘li joylashgan. Tuprog‘i aso-san bo‘z-qo‘ng‘ir tuproq, shimoli-sharqiy qismida qisman sho‘rxoklar bor. Tumanning cho‘l joylarida chala butalar, sak-sovul, efemer va efemeroidlar o‘sadi. Kemiruvchilardan qo‘shoyoq, yumronqoziq, quyon; sudralib yuruvchilardan kaltake-sak, ilonlar; yirtqichlardan bo‘ri, tulki, bo‘rsiq; hasharotlardan chayon, falanga; qushlardan to‘rg‘ay, so‘fito‘rg‘ay, boyo‘g‘li yashaydi. Arnasoy tumani hududida Arnasoy davlat ornitologiya buyurtma hududi tashkil etilgan.Aholisi: asosan, o‘zbeklar; shuning-dek rus, qozoq, tojik, tatar va boshqa millat vakillari ham yashaydi. Aholi zichligi 1 km²ga o‘rtacha 16 kishi.Xo‘jaligi. Arnasoy tumani xo‘jaliklari paxtachilik, g‘allachilik, polizchilik, chorvachilik, baliqchilikka ixtisoslashgan. Paxta tozalash zavodi, 5 paxta tayyorlash punkti bor. Arnasoy tumanida 7 jamoa xo‘jaligi, 11 tokchilik xo‘jaligi mavjud. 20 ming ga yerga paxta, 5 ming ga yerga g‘alla, qariyb 1000 ga yerga sabzavot ekiladi; tokzor va bog‘lar 1000 ga ni tashkil qiladi.1996/97 o‘quv yilida 11 umumiy taʼ-lim maktabida 4 mingdan ziyod o‘quvchi taʼlim oldi. 15 bolalar bog‘chasida qariyb 2100 bola tarbiyalanmoqda. 4 klub, 2 madaniyat markazi, 10 kutubxo-na, 2 kasalxona, 2 ambulatoriya bo‘lib, 50 vrach, 150 dan ziyod o‘rta maʼlumotli tib-biy xodim ishlaydi. "Arnasoy tongi" tuman gazetasi 1977 yildan chiqadi.[1]

Arnasoy tumani
Арнасайский район
tuman
Tarkibida Jizzax viloyati
Maʼmuriy markazi Gʻoliblar
Asos solingan sanasi 1975
Rasmiy tillar Oʻzbek
Aholi 37 900
Dinlar tarkibi musulmonlar
Arnasoy tumani xaritada
Soat mintaqasi UTC+5

ManbalarTahrirlash

  1. "Arnasoy tumani" OʻzME. A-harfi Birinchi jild. Toshkent, 2000-yil