Dilshod Hamroyev
Dilshod Ilhom oʻgʻli Hamroyev (ruscha: Хамроев, Дильшод Ильхом оглы; 11-iyul 1995-yil, Navoiy) – Oʻzbekistonlik sobiq futbolchi, darvozbon pozitsiyasida oʻynagan. FIFA U-20 Jahon chempionati 2015 va AFC U-23 Osiyo chempionati 2018 musoboqalari ishtirokchisi.
| Shaxsiy maʼlumot | |||
|---|---|---|---|
| Toʻliq ismi | Dilshod Ilhom oʻgʻli Hamroyev | ||
| Tavallud sanasi | 11-iyul 1995-yil | ||
| Tavallud joyi | Navoiy Oʻzbekiston | ||
| Ampluasi | Darvozabon | ||
| Klub maʼlumoti | |||
Joriy klub | Faoliyatini yakunlagan | ||
| Professional faoliyati* | |||
| Yillar | Jamoa | Isht. | (Gol.) |
| 2013—2015 | Qizilqum | 0 | (0) |
| 2016 | Obod | 21 | (-34) |
| 2017 | Bunyodkor | 0 | (0) |
| 2017 | → Navbahor | 4 | (-5) |
| 2018 | Soʻgʻdiyona | 14 | (-21) |
| 2018—2020 | Navbahor | 5 | (-6) |
| 2021 | Dinamo Samarqand | 1 | (-2) |
| Milliy terma jamoa | |||
| 2014—2015 | Oʻzbekiston U-20 | 6 | (0) |
| 2016—2018 | Oʻzbekiston U-23 | 8 | (0) |
| *Professional klublardagi gollari (ichki chempionat) | |||
Futbolchilik faoliyati
tahrirDilshod Navoiy futboli maktabi tarbiyalanuvchisidir. Futbolchilik faoliyatini 2013-yilda „Qizilqum“ klubida boshlagan. 2016-yilgi mavsumda Toshkentnning „Obod“ klubi bilan shartnoma imzolagan. 2017-yilgi mavsum oldidan Toshkentning boshqa bir jamoasi, „Bunyodkor“ klubi bilan shartnoma imzolagan. 2017-yil 3-avgust sanasida Namanganning „Navbahor“ klubi tarkibiga Bunyodkor jamoasidan ijara asosida oʻtgan[1]. 2018-yilgi mavsum oldidan Jizzaxning „Soʻgʻdiyona“ jamoasi tarkibiga oʻtgan. 2018-yilgi mavsum yozgi transfer oynasida „Navbahor“ klubi bilan shartnoma imzolagan[2]. 2020-yilgi mavsum yakunida shartnomasi yakuniga yetgan Hamroyev „Navbahor“ jamoasini tark etgan[3][4]. Ikki yarim mavsum davomida „Navbahor“ klubi tarkibida 5 ta oʻyinda ishtirok etib 6 ta gol oʻtkazib yuborgan. 2021-yilgi mavsum oldidan Oʻzbekiston Pro ligasi ishtirokchisi Samarqandning „Dinamo“ jamoasi bilan shartnoma imzolagan. 2021-yilgi mavsum yozgi transfer oynasida „Dinamo“ jamoasi tark etgan va keyinchalik professional futbolda koʻrinish bermagan[5].
Terma jamoa
tahrirDilshod bir qator yosh toifalarida Oʻzbekistonning asosiy darvozabonlaridan biri boʻlgan[6]. 2015-yilgi FIFA U-20 Jahon chempionatida Oʻzbekiston U-20 terma jamoasi sharafini hinmoya qilgan[7]. 2018-yil Xitoyda oʻtkazilgan AFC U-23 Osiyo chempionatida Oʻzbekiston olimpiya terma jamoasi tarkibida ishtirok etgan va chempionlikbi qoʻlga kiritgan[8].
Yutuqlar
tahrir- Oʻzbekiston Superligasi uchinchi oʻrin: 2018
Xalqaro
tahrir- AFC U-23 osiyo Kubogi chempioni: 2018
Manbalar
tahrir- ↑ „"Navbahor" bir qator yangi futbolchilar bilan shartnoma imzoladi“ (2017-yil 3-avgust).
- ↑ „Transferlar oynasi – «Navbahor»“ (2018-yil 7-iyul).
- ↑ „“Navbahor”ni ikki nafar futbolchi tark etdi“ (2020-yil 14-dekabr).
- ↑ „"Navbahor" darvozaboni erkin agentga aylandi“ (13 dek 2020).
- ↑ „«Dinamo» Ro‘zimboy Ahmedov bilan kelishuvga erishdi, tarkibni 4 futbolchi tark etdi“ (2021-yil 19-iyul).
- ↑ „O‘zbekiston OTJ dastlabki o‘rtoqlik o‘yinida Keniyaga mag‘lub bo‘ldi“ (2018-yil 23-mart).
- ↑ „JCH-2015 qahramonlari: Ular hozir qayerda?“ (2021-yil 4-fevral).
- ↑ „Prezident sovg‘asi: 26ta Malibu Chempionlarga topshirildi (video)“ (2018-yil 29-yanvar).
Havolalar
tahrir- Dilshod Hamroyev (Wayback Machine saytida 2023-12-22 sanasida arxivlangan) OʻzPFL saytida futbolchi profili
- Dilshod Hamroyev Transfermarkt saytida futbolchi profili
- Dilshod Hamroyev Soccerway saytida futbolchi profili