Gulobod

Gulobod — Oʻzbekiston Respublikasi Samarqand viloyatidagi qishloq (1985-yildan). Samarqand tumani markazi. Gulobod Samarqand shahridan 12 km, Katta Oʻzbekiston traktining oʻng yoqasida. Aholisi 10 mingdan ziyod (1998). Gulobodda Oʻzbekiston—Eron, Oʻzbekiston—Amerika va Oʻzbekiston—Germaniya qoʻshma korxonalari tashkil etilgan. Korxonalarda chinni, mebel, kiyim-kechak, sut mahsulotlari va b. isteʼmol mollari ishlab chiqariladi. Gulobodda tuman hokimiyati binosi, bank, moliya, davlat arxivi, agrokombinat, litsey, kollej, 38-oʻrta maktab, aloqa boʻlimi, savdo shaxobchalari, stadion bor. Ikkinchi jahon urushi hamda Afgʻonistondagi urushda qurbon boʻlgan shu tumanlik fuqarolar xotirasiga yodgorlik, Jomiy va Navoiylarga haykal oʻrnatilgan. Qishloq markazida xiyobonlar, atrofida 1,5 ming ga maydonda bogʻ barpo qilingan.

Gulobod
shahar
39°34′42″N 66°55′13″E
Mamlakat	Oʻzbekiston
viloyat	Samarqand viloyati
tuman	Samarqand tumani
Asos solingan	1926 yil 29-sentyabr
Aholisi	11 910
Vaqt mintaqasi	UTC+5
Telefon kodi	+99866612
Gulobod Gulobod