Jiyda (qoʻshiq)
„Jiyda“ („Jiyda gullaganda“ deb ham nomlanadi) — „Bojalar“ oʻzbek musiqiy guruhi ijro etgan qoʻshiq. 2004-yil eʼlon qilingan[manba kerak]. Guruh repertuaridagi eng keng tanilgan taronalarning biri. Guruh aynan shu qoʻshiq ortidan Oʻzbekistonda hamda qoʻshni mamlakatlarda shuhrat qozongan[1]. Qoʻshiq soʻzini ham, kuyini ham oʻzbek reperi „Radius 21“ (haqiqiy ismi Shahzod Gʻulomov) yozgan. Qoʻshiq 2007-yil suratga olingan hamda „Bojalar“ aʼzolari Jahongir Poziljonov bilan Moʻmin Oripov hamda „Radius 21“ rol oʻynagan „Boyvachcha“ filmi soundtrekiga kiritilgan[2].
| „Jiyda“ | |
|---|---|
| „Bojalar“ qoʻshigʻi | |
| Chiqarilgan sanasi | 2004 |
| Janr | pop musiqa |
| Davomiyligi | 3:40 |
| Matn muallif(lar)i | „Radius 21“ |
| Bastakor(lar) | Radius 21 |
| Klipi | |
| „Jiyda“ YouTubeda | |
„Bojalar“ guruhining boshqa aksar qoʻshigʻi kabi, „Jiyda“ ham hazil sheʼrga bastalangan. Qoʻshiq pop-musiqa janrida boʻlib, lya minor tonalligida yozib olingan[3]. „Jiyda“ qoʻshigʻi uchun guruh aʼzolari Jahongir Poziljonov hamda Oripov ishtirokida qishloq manzaralari aks etgan klip suratga olingan. Qoʻshiqning remiksi hamda bolalar ijro etgan versiyalari guruhning 2015-yil eʼlon qilingan „Buxoro“ nomli terma albomiga kiritilgan[4].
„Jiyda“ qoʻshigʻi guruh aʼzosi Moʻmin Oripov vafot etishidan oldin yozib olingan taronalarning biridir. 2015-yil marhum Oripovning oʻgʻli Bilolxoʻja Oripov qoʻshiqni kaver qilgan[5]. Shuningdek, yosh xonandalar Daler va Aziz „Jiyda“ qoʻshigʻiga kaver yozgan. Mazkur versiya uchun olingan klip 2013-yil YouTubega yuklanganidan keyin 2022-yil avgustiga qadar 6 million martadan oshiq koʻrilgan[6]. 2020-yil Tohir Sodiqov „Jiyda“ qoʻshigʻi soʻzini oʻzgartirib, kaver qilgan.
Manbalar
tahrir- ↑ „'Божалар' гуруҳи автоҳалокатга учраган“. BBC Uzbek (29-iyun 2009-yil). Qaraldi: 13-avgust 2022-yil.
- ↑ „Boyvachcha (oʻzbek film)“. YouTube (5-mart 2016-yil). Qaraldi: 13-avgust 2022-yil.
- ↑ Atayev, Nodir „Akkord zinalari“. Gitara chalishni oʻrganamiz. Qaraldi: 27-noyabr 2022-yil.
- ↑ „Buxoro“. Spotify. Qaraldi: 27-noyabr 2022-yil.
- ↑ Shayxov, Qamariddin. „Билолхўжа Орипов отасининг қўшиғини куйлади“. Qalampir (29-noyabr 2015-yil). Qaraldi: 13-avgust 2022-yil.
- ↑ „Bojalar - Jiyda (Daler va Aziz)“. YouTube (26-iyun 2013-yil). Qaraldi: 13-avgust 2022-yil.
