Kuchak madrasasi

Kuchak madrasasi — Buxoro madrasasi. Hozirgi kunda madrasa saqlanib qolmagan. Kuchak madrasasi XVI asrning ikkinchi yarmida Soʻzangaron guzarida, Buxoro xonligida hukmronlik qilgan Abdullaxon II davrida, Kuchak oʻgʻlon tomonidan bunyod etilgan. Soʻzangaron guzari manbalarda Kuchak oʻgʻlon guzari deb ham nomlangan. Madrasa toʻgʻrisida shoir Mutribiy Samarqandiy Asiriyga bagʻishlagan maʼlumotlarida keltirib oʻtgan. Tadqiqotchi olim Abdusattor Jumanazarov ushbu madrasaga oid bir qator vaqf hujjatlarini oʻrgangan boʻlib, madrasa bilan bogʻliq maʼlumotlar keltirgan. Vaqf hujjatlarining birida madrasada faoliyat olib borayotgan mulla Shahobiddin va uning maoshi 7 tilla boʻlganligi toʻgʻrisida maʼlumot berilgan. Bundan tashqari Sadr mufti askar Mir Badriddin arznomasida Kuchak madrasasida dars bergan mulla Abdulloh toʻgʻrisida ham maʼlumot keltirilgan boʻlib, maoshi 7 tillani tashkil etgan. Kuchak oʻgʻlon shayboniy Abdullaxon IIning sadoqatli odamlaridan biri boʻlgan. Kuchak oʻgʻlon 1583-yil Andijon va Fargʻonada shayboniy Mahdi sulton va Hodi sultonga qarshi olib borilgan kurashlarda Abdullaxon II ga katta yordam beradi. Bu davrda Kuchak oʻgʻlon 60 yoshni qarshilagan edi. U jasur, kuchli va saxovatli boʻlish bilan birga ilm-fanga katta eʼtibor qaratgan. Sadri Ziyo Abdulloh kotib madrasasida 10 ta hujralar boʻlganligini yozib qoldirgan. Kuchak madrasasi XX asrning boshlarida vayron boʻlgan. Kuchak madrasasi 10 ta hujradan iborat boʻlgan. Ushbu madrasa Oʻrta Osiyo meʼmorchiligi uslubida bunyod etilgan. Madrasa pishiq gʻisht, yogʻoch, tosh va ganchdan qurilgan.

Madrasa
Kuchak madrasasi
Mamlakat	Oʻzbekiston
Hudud	Buxoro viloyati
Shahar	Buxoro
Maktab yoʻnalishi	sunniy
Mulkdor	Kuchak oʻgʻlon
Meʼmoriy uslub	Markaziy Osiyo meʼmorchiligi
Binokorlik tashabbuschisi	Kuchak oʻgʻlon
Holati	Saqlanib qolmagan
Hujralar soni	10 ta
Qurilish materiali	Pishiq gʻisht