Oʻzbekiston stadioni
Oʻzbekiston Stadioni Oʻzbekiston tumanida Yaypan shahrida[1] joylashgan boʻlib,Turon jamoasining uy stadioni hisoblanadi.
| Sobiq nom(lar)i | Mexnat stadioni |
|---|---|
| Joyi | Yaypan, Oʻzbekiston |
| Qachon ochilgan | 1975-yil |
| Qachon taʼmirlangan | 2018-2022-yillari |
| Egasi | Turon futbol klubi |
| Operator | Oʻzbekiston Futbol Federatsiyasi |
| Yuzasi | tabiiy chim, grass |
| Hajmi | 8.000 (futbol) |
| Maydon oʻlchami | 112m x 72m |
| Maydon egalari | |
| Turon futbol klubi, Oʻzbekiston milliy terma jamoasi | |
Oʻzbekiston tumani hokimi Qahramon Joʻrayevning tashabbusiga koʻra klub uy oʻyinlarini oʻtkazadigan stadionga „Oʻzbekiston“ nomi berilgan va oʻyingoh holati zamonaviy koʻrinishga keltirilgan[2].
Tarixi
tahrirStadion Oʻzbekiston Tumanida joylashgan boʻlib, 1970-yillarda qurilgan, sobiq nomi „Mehnat“ stadionidir. Stadionda „Olimjon Akbarov“ va „Mehnat“ kabi mahalliy jamoalar toʻp surgan. Bugungi kunda mahalliy Turon jamoasining uy stadioni hisoblanadi. Oʻzbekiston stadioni 2018-yildan boshlab keng taʼmirlash ishlari boshlangan[3]. Maydon sifati OFK va FIFA talablariga javob beradigan darajaga keltirilgan. 2021—2022 yillarda taʼmirlash ishlaridan[4] soʻng FIFA standartlariga javob beradigan holatga keltirilgan[5]. Stadionda yuqori darajadagi uchrashuvlardan 2022-yilgi Oʻzbekiston Superkubogi bahsi oʻtkazilgan[6][7]. Bugungi kunda stadion 8000 yaqin muxlisni oʻz bagʻriga sigʻdira oladi.
Tavsifi
tahrirStadionda Germaniyalik mutaxassislar tajribasi asosida ishlab chiqilgan darvoza uskunasi hamda zamonaviy uslubdagi zaxira oʻrindiqlari keltirib oʻrnatilgan[8]. 2021-yilgi mavsumda ilk bor Oʻzbekiston Superligasida ishtirok etayotgan „Turon“ futbol klubining uy oʻyingohi hisoblanadigan „Oʻzbekiston“ arenasi FIFA standartlariga mos xolga keltirilgan. Xususan oʻyingohda 4x8 m oʻlchamda ulkan „UZLED“ elektron monitori hamda yorugʻlik darajasi 2000 lyuks boʻlgan „Philips“ svetodiod yoritish tizimlari oʻrnatilgan, shuningdek 3500 oʻrinli qoʻshimcha tribunalar qurib bitkazilgan. „Oʻzbekiston“ stadionida muxlislar va mehmonlar uchun zamonaviy 140 oʻrinli VIP sektor, video operatorlar, suxandon hamda matbuot xizmati xodimlari uchun maxsus shinam joylar mavjud[9].
Manbalar
tahrir- ↑ „Yaypanda Stadionni ta'mirlanishi 2017“ (2017-yil 22-iyul). 2022-yil 9-avgustda asl nusxadan arxivlangan. Qaraldi: 2022-yil 9-avgust.
- ↑ https://www.europlan-online.de/stadion-uzbekistan/stadion-65738.html
- ↑ „"Турон" бугун Суперлигада дебют қилади. Жамоа уй учрашувларини қабул қиладиган стадион дербига тайёр“ (2021-yil 10-mart). 2022-yil 9-avgustda asl nusxadan arxivlangan. Qaraldi: 2022-yil 9-avgust.
- ↑ „"Турон" жамоаси стадион майсаларини янгиламоқда“ (09 янв 2020). 2022-yil 11-avgustda asl nusxadan arxivlangan. Qaraldi: 2022-yil 11-avgust.
- ↑ „Яйпандаги “Ўзбекистон” ўйингоҳи ФИФА стандартларига мос аренага айланмоқда. Стадион сиғими 5 минг ўринга кўпайтирилади (Фото)“ (2021-yil 27-yanvar). 2022-yil 5-oktyabrda asl nusxadan arxivlangan. Qaraldi: 2022-yil 9-avgust.
- ↑ „"Paxtakor" o'z tarixida ikkinchi bor Superkubokni qo'lga kiritdi yoxud Samarqanddagi scenariy takrorlandi“ (2022-yil 27-fevral). 2022-yil 9-avgustda asl nusxadan arxivlangan. Qaraldi: 2022-yil 9-avgust.
- ↑ „Superkubok-2022. Yaypandagi stadiondan super eksklyuziv GALEREYA“. 2023-yil 2-aprelda asl nusxadan arxivlangan. Qaraldi: 2023-yil 2-aprel.
- ↑ „Фарғона вилояти ҳокими Яйпандаги “Ўзбекистон” стадионида олиб борилаётган реконструкция ишлари билан танишди“ (27 янв 2021). 2022-yil 11-avgustda asl nusxadan arxivlangan. Qaraldi: 2022-yil 11-avgust.
- ↑ „Яйпаннинг "Турон" клуби уй стадионида қурилиш деярли якунланди“ (25 апр 2020). 2022-yil 11-avgustda asl nusxadan arxivlangan. Qaraldi: 2022-yil 11-avgust.