Payariq

Payariq (1991-yilgacha Narimonovka posyolkasi) — Samarqand viloyati Payariq tumanidagn shahar (1991-yildan), tuman markazi. Nurota togʻlari yon bagʻrida joylashgan. Oʻrtacha 610 m balandlikda.. Yaqin temir yoʻl stansiyasi — Ulugʻbek (40 km). Viloyat markazi (Samarqand)gacha —43 km. Aholisi 11,5 ming kishi (2003).

Payariq
shahar
39°59′21″N 66°50′45″E
Mamlakat	Oʻzbekiston
viloyat	Samarqand viloyati
tuman	Payariq tumani
Aholisi	11 500
Vaqt mintaqasi	UTC+5

P. oʻrnida 1880-yillarda Rossiyadan koʻchib kelib oʻrnashib olganlarning qishlogʻi boʻlgan va dastlab Fedorovka, Katalas deb atalgan. P. nomi tuman hududidan oʻtgan „Pay“ arigʻi nomidan olingan. P.da tuman hokimiyati binosi, maʼmuriy va davlat idoralari, ishlab chiqarish korxonalari, avtokorxona, MTP, bozor, 3 ta umumiy taʼlim maktabi, qishloq xoʻjaligi kasb-hunar kolleji, tibbiyot va iqtisodiyot kollejlari, madaniyat uyi, markaziy kutubxona, madaniyat va istirohat bogʻi bor. Markaziy kasalxona, tez tibbiy yordam boʻlimi, poliklinika, dorixonalar, optika doʻkonlari mavjud.