Temir xotin

„Temir xotin“ — Sharof Boshbekovning shu nomli asari boʻyicha, rejissor Isamat Ergashevning 1990-yilda suratga olingan kinofilmi. Film qishloq hayotidagi tashvishlarni yoritadi.

Temir Xotin
Rejissyor(lar)	Isamat Ergashev
Prodyuser(lar)	Isamat Ergashev
Ssenariynavis(lar)	Sharof Boshbekov Mahmud Toʻychiyev
Rollarda	Murod Rajabov Dilorom Egamberdiyeva Jamshid Zokirov Gʻani A'zamov
Bastakor(lar)	Farrux Zokirov Rustam Ilyosov
Kinematografiya	Rifqat Ibrohimov
Distribyutor	Oʻzbekfilm
Chiqarilgan sanasi	Toshkent, 1990-yil
Mamlakat	Oʻzbekiston
Til	oʻzbekcha

Syujeti

Mexanizator Qoʻchqor aka oddiy qishloq hayoti kechiradi. Bir kuni uyga odatdagidek ichib kelib, toʻpolon qilganidan soʻng, uning xotini bolalarni koʻtarib, uydan ketadi („saboq“ boʻlsin, deya). Shu kuni Qoʻchqor akaning uyiga uning tanishi boʻlmish shaharlik muhandis-robotexnik Olimtoy keladi. Olimtoy shu qishloqqa paxta teruvchi ginoid-robotni olib kelib, sinov ishlarini boshlamoqchi boʻladi. Qoʻchqor akaga robot yoqib qoladi, unga „Alomat“ degan ism qoʻyadi. Hatto u bilan oila qurish uchun doʻsti Dasayevni olib kelib, unga nikoh oʻqittiradi. Bu orada Alomat qishloqlik odamlar hayotini tahlil qilib, zo‘riqishga uchraydi va yuqori kuchlanishli transformatorga ulanib, xudkushlik qiladi. Olimtoy buni Qoʻchqor akadan koʻradi, u robotni oʻta mushkul ishlar bilan qiynab yuborganini taʼkidlaydi. Qoʻchqor aka bu ayblovlarni rad etadi, Alomatga har oʻzbek ayoli qiladigan kundalik ishining yarmini ham yuklamaganini aytadi.

Rollarda

Aktyor	Rol
Murod Rajabov	Qoʻchqor aka bosh qahramon Qoʻchqor aka
Dilorom Egamberdiyeva	Alomat robot Alomat
Dilorom Qambarova	Qumri xotini Qumri
Jamshid Zokirov	Olimtoy robototexnik Olimtoy
Nabi Rahimov	kinoartist kinoartist
Gʻani Aʼzamov	Dasayev mulla Dasayev

Tasviriy guruh

Tasviriy guruh

Abbos Toʻlaganov, Bobur Rahmonov

Saundtrek

"Oq va qora", Farrux Zokirov va Yalla ansambli, Yulduz Usmonova.

Texnik maʼlumotlar

• „Oʻzbekfilm“ davlat aksiyadorlik kompaniyasi tomonidan suratga olingan.
• Badiiy film, rangli.