2013-yilgi Osiyo yoshlar oʻyinlari

II Osiyo o'smirlar o'yini
Mamlakat	45
Ishtirok etgan sportchilar	2404
Voqealar	16 sport 122 ta medallar jamg'armasi
Ochilish marosimi	16-avgust
Yopilish marosimi	24-avgust
Asosiy joy	Nanjing Olympic Sports Center Gymnasium
Vebsayt	nanjing2013.org
	← Singapur 2009 O'smirlar Osiyo o'yinlari Toshkent 2025 O'smirlar Osiyo o'yinlari →

2013-yilgi Osiyo yoshlar oʻyinlari yoki AYG 2013 (xitoycha: 2013年亚洲青年运动会), rasmiy ravishda 2-oʻsmirlar Osiyo oʻyinlari (xitoycha: 第二届亚洲青年运动会) va odatda Nankin 2013 (xitoycha: 南京2013), 2013-yil 16-24 avgust kunlari Xitoyning Nankin shahrida boʻlib oʻtdi.

Sport inshoatlari

Nankin Olimpiya sport markazi — suv sporti, yengil atletika sport turlaridan bellashuvlar oʻtkazildi. Nankin sport instituti — badminton sport turini qabul qildi, Nankin xalqaro koʻrgazma markazi esa qilichbozlik, ogʻir atletika boʻyicha musobaqalar oʻtkazildi. Vutaishan sport markazining Vutayshan stadionida esa — Futbol, 3x3 basketbol va yana bir Vutaishan gimnaziyasida esa Stol tennisidan gʻoliblar aniqlab olindi. Qingliangshan sport maktabida esa Futbol, Jiangning sport markazi esa Futbol, gandbol jamoaviy sport turlaridan bellashuvlar oʻtkazildi. Zhongshan xalqaro golf klubi Golf musobaqalariga mezbonlik qildi. Nankin Texnologiya Universiteti sport zali Gandbol, Longjiang gimnaziyasi esa dzyudo, taekvondo bahslarini oʻtkazdi. Yoshlar Olimpiya sport parki Regbi maydoni — regbi sport turidan bellashuvlar boʻlib oʻtgan boʻlsa, Xitoy Tennis Akademiyasida Tennis sport turidan gʻoliblar aniqlandi.

Maskot

2012-yilning 31-oktyabr kuni Nankin shahrida 2013-yilgi Osiyo oʻyinlarining maskotining taqdimoti boʻlib oʻtdi. Maskot Yuan Yuan deb ataladi, u Tszyansuda topilgan eng qadimgi oliy primat Eosimias sinensis tasviriga asoslangan edi^[1].

Sport

Rasmiy maʼlumotlarga koʻra, 16 ta sport turi boʻyicha jami 112 ta tadbir oʻtkazilgan, bu avvalgi Singapurda oʻtkazilgan musobaqadan 6 taga koʻp boʻldi. Nankin 2013 Osiyo Oʻmirlar oʻyinida Basketbol (3x3), suzish (suvga sakrash, suzish), yengil atletika, badminton, qilichbozlik, futbol, golf, gandbol, dzyudo, regbi, kamondan oʻq uzish, stol tennisi, taekvondo, tennis va ogʻir atletika sport turlaridan medallar jamgʻarmasi oʻynaldi.

Ishtirokchi davlatlar

2013-yilgi Osiyo oʻyinlarida 45 tadan 2404 nafar sportchi ishtirok etdi^[2]. Oʻyinlarning rasmiy veb-saytiga koʻra, hindistonlik sportchilar Olimpiya bayrogʻi ostida oʻyinlarda qatnashishgan, chunki 2012-yil dekabr oyida Hindiston Olimpiya assotsiatsiyasi siyosiy aralashuv tufayli toʻxtatilgan edi^[3].