Dahbed — Samarqand viloyati Oqdaryo tumanidagi shaharcha (1978 y.dan). D. Miyonkoʻlning sharqida, Oqdaryoning chap sohilida joylashgan. Dahbed nomi fors. dah — oʻn, bed — tol dan deb talqin qilinadi. Dahbed yaqin temir yoʻl stansiyasi — Zarafshondan 9 km. Aholisi 7400 kishi (2000). Paxta qabul qilish punkti, MTP, xususiy tikuvchilik korxonasi, mexanizatsiyalashgan koʻchma qurilish korxonasi bor. Dahbedni Katta Oʻzbekiston trakti kesib oʻtgan. D.da tarixiy obidalardan Maxdumi Aʼzam majmuasi (16-asr; 1996—98 y.larda taʼmirlangan) saqlangan. 3 umumiy taʼlim maktabi, Samarqand mexanika iqtisodiyot kolleji, kasb-hunar maktabi, 2 kutubxona, madaniyat markazi mavjud.[1]

ManbalarTahrirlash

  1. "Dahbed" OʻzME. D-harfi Birinchi jild. Toshkent, 2000-yil