Vikipediya

Danny Ings

Angliyalik futbolchi

Daniel William John Ings (1992-yil 23-iyulda tug'ilgan) — ingliz professional futbolchisi, Angliya Premyer-ligasining West Ham United klubi hujumchisi.

Danny Ings
Ings West Ham United safida
Shaxsiy maʼlumot
Toʻliq ismi Daniel William John Ings[1]
Tavallud sanasi 23-iyul 1992-yil (1992-07-23) (32 yosh)[2]
Tavallud joyi Winchester, Angliya
Boʻyi 1.78 m[3]
Ampluasi Hujumchi
Klub maʼlumoti
Joriy klub
 West Ham United
Raqami 18
Yoshligida aʼzo boʻlgan klublar
Netley Central Sports
Southampton
Itchen Tyro
2008–2009 AFC Bournemouth
Professional faoliyati*
Yillar Jamoa Isht. (Gol.)
2009–2011 AFC Bournemouth 27 (7)
2010 → Dorchester Town (ijara) 9 (4)
2011–2015 Burnley 122 (38)
2015–2019 Liverpool 14 (3)
2018–2019 → Southampton (ijara) 24 (7)
2019–2021 Southampton 67 (34)
2021–2023 Aston Villa 48 (13)
2023– West Ham United 40 (4)
Milliy terma jamoa
2013–2015 Angliya U21 13 (4)
2015–2020 Angliya 3 (1)
*Professional klublardagi gollari (ichki chempionat)
(28-sentyabr uchun)

Klublardagi faoliyati

tahrir

Dastlabki faoliyati

tahrir

Ings Winchester, Hampshireda tug'ilgan va Netley shahrida o'sgan[4]. U Netley Abbey boshlang'ich maktabida, Hamble Community Sports kolleji va Brockenhurst kollejida ta'lim olgan[5].

Ings mahalliy Southampton klubida o'ynashni orzu qilgan, biroq bo'yi kichik deb jamoaga qabul qilinmagan[6]. U baribir Netley Central Sportsdan Southamptonga o'tgan, ammo keyinchalik klubdan chiqarib yuborilgan[7]. Shundan so'ng Ings Itchen Tyro klubida o'ynagan[8].

AFC Bournemouth

tahrir

U 2008-yil may oyida AFC Bournemouth bilan ikki yillik shartnoma imzolagan. Danny o'sha paytda Hamble Community Sports kollejida o'qiyotgan edi[9][9]. Ings o'zining professional debyutini 2009-yil 6-oktabrda Northampton Townga qarshi, Futbol Ligasi Kubogi o'yinida, ikkinchi bo'limda zaxiradan tushib amalga oshirgan. O'yin 2-1 hisobida mag'lubiyat bilan yakunlangan[10] . U ikkinchi mavsumda qorin sohasi jarohati sabab uzoq muddat maydonga tusha olmagan[11]. Ings 2010-yil yozigacha yoshlar jamoasida qolgan va uch oylik qisqa muddatli shartnoma imzolagan[12]. 2010-yil sentabrida esa shartnomasini 2010-2011-yilgi mavsum oxirigacha uzaytirgan[7].

2010-yil sentabrida u dastlab bir oylik ijara asosida Dorchester Town klubiga yuborilgan. Ings 2010-yil 11-sentabrda Ebbsfleet Unitedga qarshi o‘yinda debyut qilgan va jamoa safidagi ilk golini urgan[13]. Uning ikkinchi goli 2010-yil 24-sentabrda Mangotsfield Unitedga qarshi Angliya kubogida 4-1 hisobidagi g‘alabada penaltidan kiritilgan. 2010-yil 6-oktabrda uning ijarasi yana bir oyga uzaytirilgan[14]. 2010-yil 16-oktabrda u Lewesga qarshi 2-0 hisobidagi g'alabali o'yinda ikkinchi golni urgan. Ings Staines Townga qarshi 2-1 hisobidagi g‘alabali o'yinda birinchi golni urgan[15]. 2010-yil noyabrda, yana bir oylik uzaytirilgan ijara muddati davomida Weston-super-Marega qarshi 3-1 hisobidagi g‘alabada yana gol urgan va jamoani keyingi bosqichga olib chiqqan[16]. 2010-yil 23-noyabrda Bournemouthdagi jarohatlar tufayli ijaradan qaytarilgan[17].

2010-yil 30-noyabrda Ings jamoa bilan 2012-yilgacha uzaytirilgan yangi shartnoma imzolagan[18]. U o‘zining liga debyutini 2010-yil 28-dekabrda Milton Keynes Donsga qarshi Liga 1 o‘yinida boshlagan va birinchi bo‘limda Steve Fletcher bilan almashtirilgan[19]. U muntazam ravishda asosiy tarkibda o‘ynay boshlagan va o‘zining ilk professional golini 2011-yil 1-fevralda Swindon Townga qarshi kechgan va 3-2 hisobidagi g‘alaba bilan yakunlangan o‘yinda kiritgan[20]. Ingsning yaxshi o'yini uni klub bilan 2013-yilgacha yangi shartnoma imzolashiga olib kelgan[7]. 2011-yil 26-fevralda u Dagenham & Redbridgega qarshi o'tkazilgan va 2-1 hisobidagi g‘alaba bilan yakunlangan o‘yinda bosh bilan gol urgan[21] . 1-aprel kuni u Peterborough Unitedga qarshi 3-3 hisobida durang o‘yinda yana gol kiritgan[22]. Aprel oyida u uchta o'yinda to'rtta gol urgan[23]. U shuningdek Notts Countyga qarshi 2-0 hisobidagi g‘alabada gol urgan[24]. U birinchi dublini Yeovil Townga qarshi 2-2 hisobida yakunlangan o‘yinda urgan[25]. Ingsning Bournemouth uchun so‘nggi goli jamoaning mavsumdagi so‘nggi o‘yinida Huddersfield Townga qarshi yarim final pley-off o'yinida kiritilgan, ammo o'sha o'yinda Bournemouth penaltilar seriyasida mag'lub bo'lgan[26].

2011-yil yozida Celtic, Liverpool va Newcastle United kabi klublar Ings bilan bog'langan. Premyer-liganing Fulham klubi ham Ings uchun 400 ming funt sterlinglik taklifni bildirgan, ammo Bournemouth bu taklifni rad etgan. 2011-yil iyul oyida u 12 oy ichida beshinchi shartnomasini imzolagan va klubdagi eng yuqori maosh oluvchilar qatoriga kirgan. U mavsum oldi tayyorgarliklarida qatnashgan va 2011-2012-yilgi mavsumning birinchi o‘yinida Charlton Athleticga qarshi uchrashuvda qatnashgan. Ushbu o'yinda jamoa 3:0 hisobida mag'lubiyatga uchragan. O'sha o‘yinda u klub uchun so‘nggi marta maydonga tushgan[27].

Burnley

tahrir
 
Ings Burnley safida. 2012-yil

2011-yil 15-avgustda Ings Chempionship klubiga aylangan Burnley bilan 4 yillik shartnoma imzolagan. Transfer qiymati oshkor etilmagan, lekin taxminan 1 million funt atrofida ekanligi taxmin qilingan[28]. U Bournemouthning oldingi murabbiyi Eddie Howe bilan qayta birlashgan. Murabbiy ham o'sha yil boshida Burnleyga o'tgan edi.

Ings o‘zining debyutini 2012-yil 14-fevralda Barnsleyga qarshi o‘tkazgan[29]. U birinchi marta asosiy tarkibda 2012-yil 10-mart kuni Crystal Palacega qarshi o‘yinda maydonga tushgan[30]. U Burnley safidagi ilk golini 2012-yil 31-mart kuni Portsmouthga qarshi o‘yinda kiritgan. O'sh o'yinda uning jamoasi hisobida g‘alaba qozongan[31]. Keyingi o‘yinda u yana gol urgan[32]. Mavsumning oxirgi o‘yinida u 30 metrlik zarbadan so'ng Bristol City darvozasiga gol kiritgan[33].

U 2012–2013-yilgi mavsumni asosiy tarkibda boshlagan. Bu uning Southamptonga sotilgan hujumchi Jay Rodriguezning o‘rnini egallagani sababli edi[34][35]. Afsuski, mavsum oldi so‘nggi o‘yinida Ings yana jiddiy tizza jarohatini olgan. Ushbu jarohat sababli u uzoq muddat o'ynay olmagan[36].

2013–2014-yilgi mavsumda jamoaning eng yaxshi to‘purari bo'lgan Charlie Austinning Queens Park Rangersga transferidan keyin Ings asosiy hujumchisi bo'lgan[37]. U mavsumning dastlabki uchta liga o‘yinida ikkita gol urgan, shuningdek Liga kubogida ham gol kiritgan[38]. Oktabr oyida Ings Chempionshipda oyning eng yaxshi futbolchisi deb topilgan[39].

2014-yil mart oyida Ings Chempionshipda yilning eng yaxshi futbolchisi mukofotini qo‘lga kiritdgan. Ushbu sovrin uchun jangda u Leeds United hujumchisi Ross McCormack va Leicester City yarim himoyachisi Danny Drinkwaterni ortda qoldirgan[40]. Ings 2013–2014- yilgi mavsumni 22 ta gol bilan yakunlagan va Burnleyni Premyer-ligaga chiqishiga yordam bergan[41].

2014-yil 19-avgustda Ings Premyer-ligadagi debyutini Chelseaga qarshi o‘tkazgan. Uning jamoasi o'sha o'yinda 3-1 hisobida mag'lub bo‘lgan[42]. U Premyer-ligadagi ilk golini 2014-yil 26-oktabrda Evertonga qarshi o‘yinda kiritgan. O‘yin esa 1-3 hisobida yakunlangan[43].

2014-yil 22-noyabrda Ings Stoke Cityga qarshi o‘yinda Burnleyning ikkala golini ham urgan va jamoasiga 2-1 hisobida g‘alaba keltirgan. Bu g‘alaba ularning Premyer-ligadagi ilk safar g‘alabasi edi[44]. U Burnley safidagi 100-o'yinini 2014-yil 13-dekabrda Southamptonga qarshi o'yinda amalga oshirgan. Ushbu o'yinda Burnley 1-0 hisobida g‘alaba qozongan[45].

2015-yil yanvar va fevral oylarida Ings Premyer-liganing oltita o‘yinida beshta gol urgan, jamoasiga Newcastle United va West Bromwich Albion bilan durangga erishishida, Queens Park Rangersni esa mag‘lub etishida yordam bergan[46]. May oyida u Hull City va Aston Villaga qarshi o‘yinlarda jamoasiga 1-0 hisobidagi g‘alaba keltiruvchi gollarni urgan va mavsumni 35 o‘yinda 11 ta gol bilan yakunlagan[47].

Liverpool

tahrir
 
Ings Liverpool safida. 2015-yil

2015-yil 8-iyun kuni Liverpool Ings bilan shaxsiy shartnoma tuzganini va tibbiy ko‘rikdan o‘tish sharti bilan kelishuvni e’lon qilgan[48], shuningdek, 24 yoshgacha bo‘lgan o‘yinchilar uchun Burnleyga to‘lanadigan rivojlanish to‘lovi ikki klub o‘rtasida kelishilishi yoki tribunal tomonidan hal qilinishi kerak edi[49]. Tribunal qarori bilan to‘lov Futbol Bo‘yicha Kompensatsiya Qo‘mitasi tomonidan belgilangan[50]. 2016-yil 28-aprelda masala nihoyat hal bo‘lgan. Liverpool Burnleyga rekord miqdordagi to‘lov to‘lashi kerak edi: 6,5 million funt miqdorida dastlabki to‘lov va qo‘shimcha 1,5 million funt o‘yinchi faoliyati bilan bog‘liq bonuslar. Keyinchalik, Burnley 20% ulushni qo‘lga kiritgan va Ingsning Southamptonga sotilishidan tushgan £18 milliondan qo‘shimcha £3,6 million ishlab olgan[51].

Ings o‘zining debyutini 2015-yil 29-avgust kuni West Hamga qarshi o‘tkazgan. O‘yin 3–0 hisobida Liverpoolning mag‘lubiyati bilan yakunlangan[52]. Danny 2015-yil 17-sentabrda Bordeauxga qarshi UEFA Yevropa Ligasida klub safidagi ilk xalqaro o‘yinini o‘tkazgan. O'sha o'yinda u Divock Origi o‘rniga ikkinchi bo‘limda maydonga tushgan. O'yin esa 1-1 hisobidagi durang bilan yakunlangan[53]. Uch kun o‘tib, u Norwich Cityga qarshi o‘yinda, tanaffusda Christian Benteke o‘rniga maydonga tushgan va uch daqiqa ichida Liverpool safidagi ilk golini urgan. O‘yin 1-1 hisobida yakunlangan[54]. 2015-yil 4-oktabrda u derbida Evertonga qarshi o‘yinida yana gol urgan va o‘yin 1-1 hisobida yakunlangan[55].

2015-yil 15-oktabr kuni yangi murabbiy Jürgen Klopp qo‘l ostidagi birinchi mashg‘ulotida Ings chap tizzasining shikastlanishi tufayli mavsum oxirigacha safdan chiqqan[56]. Ammo Ings kutilganidan tezroq tuzalgan va mavsumning so‘nggi o‘yinida, West Bromwich Albionga qarshi 1-1 hisobidagi durangda zaxiradan maydonga tushgan[57]. Ings 2016–2017-yilgi mavsumni tiklanish uchun zaxira jamoada boshlagan. 2016-yil 25-oktabrda u Liga kubogida Tottenham Hotspurga qarshi o‘yinda o‘ng tizzasidan jarohat olgan, bu esa uni yana 9 oygacha maydondan chetlashishiga olib kelgan[58]. U muvaffaqiyatli operatsiya qilingan va 9-noyabr kuni Melvudda reabilitatsiyani boshlagan[59].

2017-yil 19-sentabrda Ings jarohatdan so‘ng 11 oy ichida birinchi o‘yinda maydonga tushdi va Liga kubogida Leicester Cityga qarshi o‘yinda ikkinchi bo‘limda zaxiradan maydonga tushgan[60]. 2018-yil 21-aprelda u jarohatdan so‘nggi ilk golini West Bromga qarshi o‘yinda urgan. Bu uning 2015-yildan keyingi ilk goli va Jürgen Klopp qo‘l ostidagi birinchi goli bo'lgan[61].

Southampton

tahrir
 
Ings Southampton safida. 2018-yil

2017–2018-yilgi mavsumda Roberto Firmino, Mohamed Salah va Sadio Mané kabi hujumchilarning yaxshi o‘yin ko‘rsatishi sababli Ingsning o'yin vaqti kamayib ketgan va shundan so'ng u 2018-yilning yozida Liverpoolni tark etishga qaror qilgan. Ings universal o'yinchiligi sababli murabbiy uni qo‘yib yuborishni xohlamagan edi[62]. Ings 2018-yil 9-avgustda Premyer-liganing Southampton klubiga dastlabki mavsum oxirigacha ijara asosida qo‘shilgan[63], keyinchalik 2019-yil 1-iyulda doimiy transferga aylantirilgan. Shartnoma qiymati 18 million funtga baholangan, shuningdek, o‘yin ko‘rsatkichlariga qarab qo‘shimcha 2 million funt qo‘shilishi mumkin edi[64][65]. 2018-yil 12-avgustda u Burnleyga qarshi o‘yinda ikkinchi bo‘limda zaxiradan maydonga tushibgan[66]. Besh kundan keyin u Evertonga qarshi o‘yinda ilk marotaba asosiy tarkibda maydonga tushgan. Ushbu o'yinda uning jamoasi 2-1 hisobida mag'lubiyatga uchragan. Keyingi o‘yinda esa Crystal Palacega qarshi o‘yinda debyut golini urgan va Southamptonga mavsumdagi birinchi g‘alabani keltirgan. O‘yin esa 2-0 hisobida yakunlangan[67][68].

2020-yil 16-iyulda Ings 2019–2020-yilgi mavsumda o‘zining Premyer-ligadagi 20-golini Brighton & Hove Albionga qarshi o‘yinda kiritgan. U Southampton tarixida Matt Le Tissier va James Beattie kabi futbolchilardan keyin Premyer-ligada 20 ta gol urgan uchinchi o‘yinchiga aylangan[69]. 2020-yil 26-iyulda u mavsumning so‘nggi kuni Sheffield Unitedga qarshi o‘yinda penaltini muvaffaqiyatli amalga oshirgan va jamoasiga 3-1 hisobida g‘alaba keltirgan. Shu tariqa, Ings mavsumni Premyer-ligada 22 ta gol va barcha musobaqalarda jami 25 ta gol bilan yakunlagan. U Arsenal hujumchisi Pierre-Emerick Aubameyang bilan birgalikda Premyer-liga Oltin Butsa sovrini uchun ikkinchi o‘rinni egallagan. U faqat bitta gol hisobiga Leicester City hujumchisi Jamie Vardydan ortda qolgan[70].

2021-yil 4-yanvarda Ings sobiq klubi Liverpoolga qarshi o‘yinda o‘zining Premyer-ligadagi 50-golini urdigan. O'yin esa Southamptonning 1-0 hisobidagi g'alabasi bilan yakunlangan[71]. 2021-yil 14-yanvarda Southampton murabbiyi Ralph Hasenhüttl Ingsning COVID-19 testi ijobiy chiqqanini e'lon qilgan[72]. Natijada Ings Southamptonning Leicesterga qarshi o‘yinini o‘tkazib yuborgan[73]. COVID-19 dan tuzalgandan so'ng Ings 2021-yil 11-fevralda Angliya kubogining 5-bosqichida Wolverhampton Wanderersga qarshi 2-0 hisobidagi g‘alabali o'yindagi birinchi golni urgan[74].

Aston Villa

tahrir

Ings 2021-yil 4-avgustda Premyer-liganing Aston Villa klubi bilan noma’lum miqdordagi to‘lov evaziga uch yillik shartnoma imzolagan. BBC Sport xabariga ko‘ra bu to‘lov 25 million funt sterlingga baholangan[75]. U o‘zining debyut o‘yinida, 2021-yil 14-avgust kuni Watfordga qarshi safarda 3–2 hisobida mag‘lubiyatga uchragan o‘yinda penaltidan gol urgan[76]. Bir hafta o‘tib, 21-avgustda Newcastle Unitedga qarshi uy o‘yinida velosiped uslubidagi zarbasi bilan gol urgan. Bu gol Villa Parkda 2020-yil fevraldan beri tomoshabinlar oldida urilgan birinchi gol edi[77] Bu zarba Ingsga avgust oyining Eng yaxshi goli mukofotini taqdim etgan[78]. Ushbu gol, shuningdek, Aston Villaning mavsum eng yaxshi goli sifatida klubning mavsumiy mukofotlari marosimida tan olingan[79].

West Ham United

tahrir

2023-yil 20-yanvarda Ings Premyer-liganing boshqa bir klubi, West Ham United bilan 12 million funt sterling evaziga shartnoma imzolagan. Agar West Ham mavsum oxirida quyi ligaga tushib ketmasa, bu summa 15 million funtgacha oshishi mumkin edi[80]. 2023-yil 25-fevralda Ings Nottingham Forestga qarshi o‘yinda o‘zining West Ham safidagi dastlabki gollarini urgan va o‘yin 4–0 hisobida yakunlangan[81].

Xalqaro faoliyati

tahrir

2013-yil 3-oktabrda Ings murabbiy Gareth Southgate tomonidan Angliya U-21 terma jamoasiga chaqirilgan[82]. Bir hafta o‘tib, San-Marino bilan safarda bo‘lib o‘tgan o‘yinda zaxiradan maydonga tushib debyut qilgan[83][84]. 2013-yildan 2015-yilgacha u U-21 terma jamoasida 13 ta o‘yinda qatnashgan va to‘rtta gol urgan[85].

2015-yil 1-oktabrda Ings murabbiy Roy Hodgson tomonidan Angliya milliy terma jamoasiga chaqirilgan. Bu chaqiruv UEFA Yevro-2016 saralash bosqichining so‘nggi o‘yinlariga — Estoniya va Litvaga qarshi o‘yinlar bo'lgan[86]. U o‘zining to‘liq xalqaro debyutini 2015-yil 12-oktabrda Litvaga qarshi o‘yinda o‘tkazgan. U 59-daqiqada Harry Kanenning o‘rniga maydonga tushgan va Angliyaning 3–0 hisobidagi g‘alabasiga hissa qo‘shgan[87].

Ingsning ikkinchi o‘yini 2020-yil 5-sentabrda bo‘lib o‘gan. U UEFA Millatlar ligasida Islandiyaga qarshi safardagi o'yinda 68-daqiqada zaxiradan maydonga tushgan[88]. U o‘zining birinchi xalqaro golini 2020-yil 8-oktabrda Uelsga qarshi o‘yinda velosiped uslubidagi zarbasi bilan kiritgan va o‘yin 3–0 hisobida yakunlangan[89][90].

Manbalar

tahrir
  1. ↑ Andoza:Hugman
  2. ↑ „D. Ings: Summary“. Soccerway. Perform Group. Qaraldi: 2019-yil 3-noyabr.
  3. ↑ „Danny Ings“. West Ham United F.C.. Qaraldi: 2023-yil 21-yanvar.
  4. ↑ „Burnley FC player profiles: Danny Ings“. Burnley F.C.. 2015-yil 25-mayda asl nusxadan arxivlangan. Qaraldi: 2015-yil 25-may.
  5. ↑ „Former students Danny Ings and Sam Vokes go head-to-head in Premier League action“. Brockenhurst College. Qaraldi: 2021-yil 28-fevral.
  6. ↑ „Burnley striker and ex-Saint Danny Ings takes aim at hometown club“. Qaraldi: 2016-yil 26-iyun.
  7. ↑ 7,0 7,1 7,2 Perrett, Neil. „Cherries: Boss Lee offers Ings brand new contract“ (2011-yil 15-iyul). Qaraldi: 2012-yil 14-sentyabr.
  8. ↑ Hart, Simon. „The rise and rise of Danny Ings“ (2014-yil 26-aprel). Qaraldi: 2020-yil 1-yanvar.
  9. ↑ 9,0 9,1 Wadley, Ian. „New intake for coach Joe“ (2008-yil 14-may). Qaraldi: 2009-yil 16-oktyabr.
  10. ↑ „Northampton 2–1 Bournemouth“. BBC Sport (2009-yil 6-oktyabr). Qaraldi: 2009-yil 16-oktyabr.
  11. ↑ Wadley, Ian. „Cherries: Hot-shot Ings can only get better“ (2011-yil 3-fevral). Qaraldi: 2012-yil 14-sentyabr.
  12. ↑ Wadley, Ian. „Cherries: Howe has high hopes for star Ings“ (2010-yil 1-dekabr). Qaraldi: 2012-yil 14-sentyabr.
  13. ↑ Summers, Adan „Ings and out for Magpies“. Dorchester Town F.C. (2010-yil 11-sentyabr). 2013-yil 20-aprelda asl nusxadan arxivlangan. Qaraldi: 2012-yil 14-sentyabr.
  14. ↑ Capel, Ky „Ebbing away“. Dorchester Town F.C. (2010-yil 11-sentyabr). 2013-yil 20-aprelda asl nusxadan arxivlangan. Qaraldi: 2012-yil 14-sentyabr.
  15. ↑ „Mangoes crushed by Magpies“. Dorchester Town F.C. (2010-yil 25-sentyabr). 2013-yil 20-aprelda asl nusxadan arxivlangan. Qaraldi: 2012-yil 14-sentyabr.
  16. ↑ Capel, Ky „Loanee Danny extends Magpies stay“. Dorchester Town F.C. (2010-yil 6-oktyabr). 2013-yil 20-aprelda asl nusxadan arxivlangan. Qaraldi: 2012-yil 14-sentyabr.
  17. ↑ Capel, Ky „Magpies' cup dream is over“. Dorchester Town F.C. (2010-yil 9-oktyabr). 2013-yil 20-aprelda asl nusxadan arxivlangan. Qaraldi: 2012-yil 14-sentyabr.
  18. ↑ Perrett, Neil. „Cherries: Ings signs contract extension“ (2010-yil 30-noyabr). Qaraldi: 2012-yil 14-sentyabr.
  19. ↑ „MK Dons 2–0 Bournemouth“. BBC Sport (2010-yil 28-dekabr). Qaraldi: 2012-yil 14-sentyabr.
  20. ↑ „Bournemouth 3–2 Swindon“. BBC Sport (2011-yil 1-fevral). Qaraldi: 2012-yil 14-sentyabr.
  21. ↑ „Dag & Red 1–2 Bournemouth“. BBC Sport (2011-yil 26-fevral). Qaraldi: 2012-yil 14-sentyabr.
  22. ↑ „Peterborough 3–3 Bournemouth“. BBC Sport (2011-yil 1-aprel). Qaraldi: 2012-yil 14-sentyabr.
  23. ↑ „Bournemouth 1–2 Tranmere“. BBC Sport (2011-yil 9-aprel). Qaraldi: 2012-yil 14-sentyabr.
  24. ↑ „Notts County 0–2 Bournemouth“. BBC Sport (2011-yil 16-aprel). Qaraldi: 2012-yil 14-sentyabr.
  25. ↑ „Yeovil 2–2 Bournemouth“. BBC Sport (2011-yil 23-aprel). Qaraldi: 2012-yil 14-sentyabr.
  26. ↑ „Huddersfield 3–3 Bournemouth“. BBC Sport (2011-yil 18-may). Qaraldi: 2012-yil 14-sentyabr.
  27. ↑ „Charlton 3–0 Bournemouth“. BBC Sport (2011-yil 6-avgust). Qaraldi: 2012-yil 14-sentyabr.
  28. ↑ „Burnley sign Bournemouth striker Danny Ings“. BBC Sport (2011-yil 15-avgust). Qaraldi: 2012-yil 14-sentyabr.
  29. ↑ „Burnley 2–0 Barnsley“. BBC Sport (2012-yil 14-fevral). Qaraldi: 2012-yil 14-sentyabr.
  30. ↑ „Burnley 1–1 Crystal Palace“. BBC Sport (2012-yil 10-mart). Qaraldi: 2012-yil 14-sentyabr.
  31. ↑ „Portsmouth 1–5 Burnley“. BBC Sport (2012-yil 31-mart). Qaraldi: 2012-yil 14-sentyabr.
  32. ↑ „Burnley 1–3 Birmingham“. BBC Sport (2012-yil 3-aprel). Qaraldi: 2012-yil 14-sentyabr.
  33. ↑ „Burnley 1–1 Bristol City“. BBC Sport (2012-yil 28-aprel). Qaraldi: 2012-yil 14-sentyabr.
  34. ↑ Black, Dan. „Photos: Altrincham 1, Burnley 4“ (2012-yil 23-iyul). Qaraldi: 2012-yil 14-sentyabr.
  35. ↑ „Bury 0 Burnley 1“. Burnley F.C. (2012-yil 14-avgust). 2012-yil 27-avgustda asl nusxadan arxivlangan. Qaraldi: 2012-yil 14-sentyabr.
  36. ↑ „Burnley's Danny Ings faces up six months out with knee injury“. BBC Sport (2012-yil 13-avgust). Qaraldi: 2012-yil 14-sentyabr.
  37. ↑ „Charlie Austin: QPR sign Burnley striker for undisclosed fee“. BBC Sport (2013-yil 1-avgust). Qaraldi: 2013-yil 1-avgust.
  38. ↑ „York 0–4 Burnley“. BBC Sport (2013-yil 6-avgust). Qaraldi: 2015-yil 8-iyul.
  39. ↑ „Ings named Player of the Month“. The Football League (2013-yil 8-noyabr). 2014-yil 18-avgustda asl nusxadan arxivlangan.
  40. ↑ „Danny Ings named Sky Bet Championship Player of the Year“. The Football League (2014-yil 17-mart). 2015-yil 12-fevralda asl nusxadan arxivlangan.
  41. ↑ „Exclusive – Ings on Burnley in the Premier League and his England hopes“. TalkSport. Qaraldi: 2015-yil 1-iyun.
  42. ↑ „Premier League: Burnley v Chelsea – In pictures“ (2014-yil 19-avgust).
  43. ↑ „Danny Ings nets his first Premier League goal for Burnley“. The Football Association (2014-yil 26-oktyabr).
  44. ↑ Emons, Michael. „Stoke 1–2 Burnley“. BBC Sport (2014-yil 22-noyabr). Qaraldi: 2014-yil 23-noyabr.
  45. ↑ Sanghera, Mandeep. „Burnley 1–0 Southampton“. BBC Sport (2014-yil 13-dekabr). Qaraldi: 2015-yil 11-yanvar.
  46. ↑ „Man Utd 3–1 Burnley“. BBC Sport (2015-yil 11-fevral).
  47. ↑ „10 Danny Ings“. Burnley F.C.. 2015-yil 25-mayda asl nusxadan arxivlangan.
  48. ↑ „Reds agree deal to sign Danny Ings“. Liverpool F.C. (2015-yil 8-iyun). Qaraldi: 2015-yil 8-iyun.
  49. ↑ Hughes, David. „Danny Ings to Liverpool: Reds may have to pay record £8m tribunal fee to secure free agent“ (2015-yil 29-may). Qaraldi: 2015-yil 8-iyun.
  50. ↑ „The Football League | About Us | Regulations | Regulations Detail | APPENDIX 5“. The Football League. 2011-yil 12-mayda asl nusxadan arxivlangan. Qaraldi: 2015-yil 4-avgust.
  51. ↑ Hunter, Andy. „Liverpool must pay record £8m to Burnley for Danny Ings, tribunal rules“ (2016-yil 28-aprel).
  52. ↑ „Liverpool 0–3 West Ham“. BBC Sport (2015-yil 29-avgust). Qaraldi: 2015-yil 30-avgust.
  53. ↑ „Liverpool manager Brendan Rodgers buoyed by young team“. BBC Sport. Qaraldi: 2015-yil 18-sentyabr.
  54. ↑ Jennings, Patrick „Liverpool 1–1 Norwich City“. BBC Sport (2015-yil 20-sentyabr). Qaraldi: 2015-yil 21-sentyabr.
  55. ↑ „Everton 1–1 Liverpool“. BBC Sport (2015-yil 4-oktyabr). Qaraldi: 2015-yil 5-oktyabr.
  56. ↑ „Danny Ings: Liverpool striker out for season with knee injury“. BBC Sport (2015-yil 15-oktyabr). Qaraldi: 2015-yil 15-oktyabr.
  57. ↑ Sport, Mike Henson BBC. „West Bromwich Albion 1–1 Liverpool“. BBC Sport. Qaraldi: 2016-yil 15-may.
  58. ↑ „Danny Ings: Liverpool striker to miss rest of the season because of injury“. BBC Sport (2016-yil 2-noyabr).
  59. ↑ Shaw, Chris „Danny Ings returns to Melwood to begin rehab“. Liverpool F.C. (2016-yil 9-noyabr). Qaraldi: 2016-yil 9-noyabr.
  60. ↑ „Islam Slimani strike seals Leicester win as Liverpool crash out of Carabao Cup“ (2017-yil 20-sentyabr). Qaraldi: 2017-yil 20-sentyabr.
  61. ↑ „West Brom facing relegation despite fightback against Liverpool“. BBC Sport (2018-yil 21-aprel). Qaraldi: 2018-yil 21-aprel.
  62. ↑ Joyce, Paul. „Danny Ings interview: At Liverpool I would go home, sit with my dogs and feel upset. I moved to Southampton to be happy“ (2018-yil 1-sentyabr). Qaraldi: 2018-yil 16-dekabr.
  63. ↑ „Transfer news: Liverpool's Danny Ings joins Southampton on loan“. BBC Sport (2018-yil 9-avgust). Qaraldi: 2018-yil 9-avgust.
  64. ↑ „Danny Ings: Southampton sign Liverpool striker for £20m“. BBC Sport. Qaraldi: 2019-yil 2-iyul.
  65. ↑ Bascombe, Chris; Wilson, Jeremy. „Danny Ings completes £20m Southampton move“ (2018-yil 9-avgust). 2022-yil 12-yanvarda asl nusxadan arxivlangan. Qaraldi: 2018-yil 10-avgust.
  66. ↑ „Danny Ings makes debut as Saints draw at home to Burnley“. Eurosport (2018-yil 12-avgust). Qaraldi: 2018-yil 6-sentyabr.
  67. ↑ „Saints beaten despite Ings's first goal“. Southampton F.C. (2018-yil 18-avgust). Qaraldi: 2018-yil 6-sentyabr.
  68. ↑ MacInnes, Paul. „Danny Ings stuns Crystal Palace as Southampton claim first league win“ (2018-yil 1-sentyabr). Qaraldi: 2018-yil 6-sentyabr.
  69. ↑ „Brighton need a point from their last two games to stay in the Premier League after Danny Ings' 20th league goal of the season denied them victory at Southampton.“. BBC (2020-yil 16-iyul). Qaraldi: 2020-yil 21-iyul.
  70. ↑ „Southampton overturned a half-time deficit for only the second time this season to end their Premier League campaign with victory over Sheffield United.“. BBC (2020-yil 26-iyul). Qaraldi: 2020-yil 26-iyul.
  71. ↑ „Southampton 1–0 Liverpool“. BBC Sport (2021-yil 4-yanvar).
  72. ↑ „Ings tests positive for COVID-19“. Daily Echo (2021-yil 14-yanvar).
  73. ↑ „Leicester City 2-0 Southampton“. BBC Sport (2021-yil 16-yanvar). Qaraldi: 2021-yil 27-yanvar.
  74. ↑ „'We want to go for the FA Cup' - Hasenhuttl“. BBC Sport. Qaraldi: 2021-yil 12-fevral.
  75. ↑ „Danny Ings: Aston Villa sign England striker from Southampton“. BBC Sport (2021-yil 4-avgust). Qaraldi: 2021-yil 5-avgust.
  76. ↑ „Watford vs Aston Villa LIVE!“. Sky Sports. Qaraldi: 2021-yil 14-avgust.
  77. ↑ Howarth, Matthew „Aston Villa 2 Newcastle United 0“. BBC Sport (2021-yil 21-avgust). — „Danny Ings scored a superb acrobatic volley on his Aston Villa home debut...“. Qaraldi: 2021-yil 21-avgust.
  78. ↑ „Ings wins August's Budweiser Goal of the Month award“. Premier League (2021-yil 10-sentyabr). Qaraldi: 2021-yil 10-sentyabr.
  79. ↑ „Sensational. @IngsDanny's bicycle kick against Newcastle United is your Goal of the Season for 2021/22.“ (en). @AVFCOfficial on Twitter (2022-yil 12-may). Qaraldi: 2022-yil 12-may.
  80. ↑ „West Ham sign Ings from Aston Villa in £15m deal“. BBC Sport (2023-yil 20-yanvar). Qaraldi: 2023-yil 20-yanvar.
  81. ↑ „Ings double helps West Ham to big win over Forest“. BBC Sport.
  82. ↑ "Liverpool winger Raheem Sterling in England Under-21 squad" BBC Sport. 3 October 2013. Retrieved 20 November 2013.
  83. ↑ "San Marino U21s 0–4 England U21s: Harry Kane nets hat-trick" BBC Sport. 10 October 2013. Retrieved 20 November 2013.
  84. ↑ "England U21 9–0 San Marino" BBC Sport. 19 November 2013. Retrieved 20 November 2013.
  85. ↑ „Danny Ings“. The Football Association. 2015-yil 21-dekabrda asl nusxadan arxivlangan. Qaraldi: 2015-yil 25-iyun.
  86. ↑ „England call up Dele Alli and Danny Ings for final two Euro 2016 qualifiers“. Qaraldi: 2016-yil 27-aprel.
  87. ↑ McNulty, Phil „Lithuania 0 England 3“. BBC Sport (2015-yil 12-oktyabr). Qaraldi: 2015-yil 13-oktyabr.
  88. ↑ McNulty, Phil „Nations League: Iceland 0–1 England“. BBC Sport (2020-yil 5-sentyabr). Qaraldi: 2020-yil 6-sentyabr.
  89. ↑ Hytner, David. „Calvert-Lewin scores on fine England debut to set up victory over Wales“ (2020-yil 8-oktyabr).
  90. ↑ McNulty, Phil. „England 3–0 Wales“. BBC Sport (2020-yil 8-oktyabr). Qaraldi: 2020-yil 9-oktyabr.

Havolalar

tahrir
 
 Vikiomborda Danny Ings
haqida turkum mavjud
  • Profile the West Ham United F.C. saytida


"https://uz.wikipedia.org/w/index.php?title=Danny_Ings&oldid=5345073" dan olindi