Xayriddin Sultonov

Sultonov Xayriddin Madriddinovich (1956.15.1, Toshkent viloyati Qibray tumani Tuzel qishlogʻi) — yozuvchi, publitsist.

Xayriddin Sultonov
3–Oʻzbekiston Respublikasi Prezidentining ijodiy ishlar boʻyicha davlat maslahatchisi
Mansab davri 2002-yil 4-noyabr —
Prezident	Islom Karimov Shavkat Mirziyoyev
Oʻtmishdoshi	Asqar Meliboyev
Shaxsiy maʼlumotlari
Tavalludi	19-yanvar 1956-yil (1956-01-19) Toshkent
Mukofotlari

Biografiyasi

• Toshkent universitetining jurnalistika fakultetini tugatgan (1978).
• "Guliston" (1974—80) va "Yoshlik" (1982—85) jurnalilarida adabiy xodim, boʻlim mudiri, Gʻafur Gʻulom nomidagi Adabiyot va sanʼat nashriyotida muharrir (1980—82), bosh muharrir (1985-93).
• 1993 yildan Oʻzbekiston Respublikasi Prezidenti devonida masʼul xodim,
• 2001 yildan Prezidentning Davlat maslahatchisi.

Ijodi

S. oʻzining ocherk, hikoya va qissalarida, asosan, zamondoshlari hayotiga murojaat etib, ularning ruhiy olamidagi insoniy goʻzallikni, sodda, pokiza, mehnatkash kishilarning yaxlit obrazlarini yaratgan. S. tarixiy mavzularga ham murojaat etib, Navoiy, Ulugʻbek, Bobur, Abdulla Qodiriyga bagʻishlangan asarlar yezdi ("Boburning tushlari", qissa va xikoyalar). Bobur nomidagi Xalqaro ilmiy ekspeditsiya aʼzolari bilan birga qilgan safari taassurotlari asosida esa "Boburiynoma" maʼrifiy romanini yaratdi. S. mazkur asari bilan oʻzbek adabiyotida maʼrifiy roman janrini boshlab berdi. Asarlari nafis lirizm, tasvir madaniyati, tilining mayin, shirali va ranginligi bilan ajralib turadi. S. dramaturgiya va kinodramaturgiya sohalarida ham qalam tebratib, "Changak", Abdulla Qodiriyga bagʻishlangan "Moziydan bir sahifa" videofilmlari, shuningdek, yozuvchining romani asosida koʻp seriyali "Mehrobdan chayon" videofilmi ssenariysini yaratdi. Uning "Tushlarimda koʻrib yigʻlayman" va "Yozning yolgʻiz yodgori" ssenariylari asosida badiiy filmlar suratga olingan. "Sarhovuzning boʻylarida" (1992) pyesasi muallifi. A.SentEkzyuperi, Yu.Nagibin va V.Shukshinning hikoya hamda qissalarini oʻzbek tiliga tarjima qilgan. Ikkinchi chaqiriq Oʻzbekiston Respublikasi Oliy Majlisi deputata. "Shuhrat" medali (1996), "Mehnat shuhrati" ordeni bilan mukofotlangan (2003).