Vikipediya

Barys Astana

Barys xokkey klubi (qozoqcha: Барыс хоккей клубы), shuningdek, Barys Astana[1][2][3] yoki HC Barys deb ataladi[4] — Qozogʻistonning Ostona shahrida joylashgan professional xokkey jamoasi. „Barys Astana“ xokkey klubi Kontinental xokkey ligasining (KHL) asoschi jamoalaridan biridir. „Barys Astana“ xokkey klubi ligada Sharqiy konferensiyaning Chernishev divizionida oʻynaydi. „Barys Astana“ xokkey klubining uy arenasi „Baris Arena“ boʻlib, u yerda 2015—2016-yilgi KHL mavsumidan beri oʻynaydi. 2015-yilgacha jamoa 2001-yildan boshlab 14 mavsum Qozogʻiston sport saroyida uy oʻyinlarini oʻtkazgan edi. „Barys Astana“ xokkey klubining hozirgi bosh murabbiyi Yuri Mikhailis, prezidenti esa Boris Ivanishchevdir. Jamoa Qozog'iston milliy xokkey terma jamoasi uchun tayanch klub boʻlib xizmat qiladi[5].

„Barys Astana“ xokkey klubi 1999-yilda xokkey boʻyicha Qozogʻiston chempionati ishtirokchisi sifatida tashkil etilgan. Milliy musobaqaning 10 mavsumida „Barys Astana“ xokkey klubi 2007—2008 va 2008—2009-yillarda ikkita chempionlikni qoʻlga kiritdi. 2004-yilda „Barys Astana“ xokkey klubi Rossiya xokkey tizimiga qabul qilindi va Pervaya liganing uchinchi bosqichida ishtirok eta boshladi. „Barys Astana“ xokkey klubining 2007-yilda Ural-Gʻarbiy Sibir zonasida erishgan gʻalabasi Vysshaya ligaga koʻtarilishiga olib keldi. Vysshaya ligada bir mavsum oʻynaganidan soʻng, „Barys Astana“ xokkey klubi 2008-yilda yangi tashkil etilgan Kontinental xokkey ligasiga qoʻshildi.

Tarixi

tahrir

1999—2008: Dastlabki yillar

tahrir

"Barys Astana" xokkey klubi 1999-yil 26-noyabrda Ostona shahar kengashi tomonidan qabul qilingan qaror asosida tashkil etilgan[6]. Jamoa yarim professional darajada har yili Ostona shahar hokimi sovrini uchun havaskorlar turnirida ishtirok etayotgan ishqiboz xokkeychilar va chempionatning boshqa jamoalaridan kelgan professional xokkeychilardan tashkil etilgan edi. Jamoaning nomi „Barys“ Qozog'iston milliy ramzidan olingan boʻlib, qor qoploni deb tarjima qilinadi[7][8]. Nikolai Myshagin „Barys Astana“ xokkey klubi tarixidagi birinchi bosh murabbiyga aylandi. Myshagin boshqaruvi ostida „Barys Astana“ xokkey klubi xokkey boʻyicha Qozogʻiston chempionatining dastlabki uch mavsumida kumush medallarni qoʻlga kiritdi. 2003—2004-yilgi mavsumda „Barys Astana“ xokkey klubi oʻsmirlar xokkey jamoalari tarkibiga kiritilib, xokkey boʻyicha Qozogʻiston oʻsmirlar milliy terma jamoasiga tayanch klub sifatida xizmat qila boshladi. 2004-yilda „Barys Astana“ xokkey klubi Rossiya xokkey tizimiga qabul qilindi. Shundan soʻng, „Barys Astana“ xokkey klubi Pervaya ligada debyut qildi. Shu bilan birga klub parallel ravishda Qozogʻiston xokkey chempionatida ikkinchi jamoani saqlab qoldi. „Barys Astana“ xokkey klubining Rossiyadagi debyuti qiziqarli boʻldi. Jamoa ligada ancha yaxshi oʻynadi. „Barys Astana“ xokkey klubi Pervaya ligada uch mavsum oʻynab, oʻzi oʻynagan Ural-Gʻarbiy Sibir zonasida mos ravishda uchinchi, ikkinchi va birinchi oʻrinlarni egalladi. 2007-yilda „Barys Astana“ xokkey klubi birinchi oʻrin bilan Vysshaya ligaga yoʻl oldi.

Qozog'iston xokkey chempionati 1999—2009

Pervaya liga 2004—2007
Vysshaya liga 2007—2008

Kontinental xokkey ligasi 2008-yildan hozirgacha

„Barys Astana“ xokkey klubi Vysshaya ligasida bir mavsum oʻynadi. Yakunda „Barys Astana“ xokkey klubi ligadagi 14 ta xokkey klubi orasida ikkinchi oʻrinni egalladi. Shundan soʻng, „Barys Astana“ xokkey klubi pley-off bosqichiga chiqdi. Oʻsha yili „Barys Astana“ xokkey klubi xokkey boʻyicha Qozogʻiston chempionatida gʻolib chiqdi.

2008—2011: KHLdagi birinchi mavsum

tahrir
 
Vitali Yeremeyev va Jonas Junland 2011-yilda Amurga qarshi oʻyinda

2008-yilda „Barys Astana“ xokkey klubi yangi tashkil etilgan Kontinental xokkey ligasiga qoʻshilish uchun ariza topshirdi. Liga rahbariyati „Barys Astana“ xokkey klubiga ruxsat berdi. Shundan soʻng, klub yangi ligaga qoʻshilgan birinchi qozoq jamoasiga aylandi. „Barys Astana“ xokkey klubi KHLdagi birinchi oʻyinini 2008-yil 3-sentyabrda „Neftekhimik Nizhnekamsk“ xokkey klubiga qarshi uchrashuvda (2:1 hisobida gʻalaba) oʻtkazdi[9]. „Barys Astana“ xokkey klubi oʻn bir kundan soʻng Rossiyaning amaldagi chempioni „Salavat Yulaev Ufa“ xokkey klubini 3:2 hisobida magʻlubiyatga uchratib, birinchi uy oʻyinini qayd etdi[10]. „Barys Astana“ xokkey klubi oʻzining birinchi mavsumini ligada umumiy hisobda 15-oʻrin bilan yakunladi. „Barys Astana“ xokkey klubi 2009-yilning 26-fevralida navbatdagi mavsumning soʻnggi kunida „Vityaz Chekhov“ xokkey klubini 6:4 hisobida magʻlub etib, pley-off yoʻllanmasini qoʻlga kiritdi[11]. Gagarin kubogi pley-off oʻyinining birinchi bosqichida „Barys Astana“ xokkey klubi „Ak Bars Kazan“ xokkey jamoasi bilan toʻqnash keldi. „Ak Bars Kazan“ xokkey klubi „Barys Astana“ xokkey klubini uch oʻyin natijasiga koʻra magʻlub etib, ikkinchi bosqichga yoʻl oldi. Kevin Dallman mavsumni 28 gol va 30 golli uzatma (58 ochko) bilan liganing eng yaxshi toʻpurari sifatida yakunladi. Shuningdek, u 217 ta gol bilan gol urish boʻyicha liga yetakchisi boʻldi[12]. Ayni paytda „Barys Astana“ xokkey klubi xokkey boʻyicha Qozogʻiston chempionatining ketma-ket ikkinchi gʻolibligini qoʻlga kiritdi.

2009—2010-yilgi mavsumda „Barys Astana“ xokkey klubi oldingiga qaraganda juda yaxshi mavsumni oʻtkazdi. Ushbu mavsumda Veteran Jozef Stümpel 52 ochko bilan jamoaning eng yaxshi toʻpurari boʻldi. Muxlislarning sevimlisi Kevin Dallman ham ushbu mavsumda 14 gol va 27 golli uzatmani amalga oshirdi. „Barys Astana“ xokkey klubi pley-offning birinchi bosqichida "Ak Bars Kazan" xokkey klubiga yana uchta oʻyinda magʻlub boʻldi[13]. „Barys Astana“ xokkey klubi 2010—2011-yilgi mavsumni yangi bosh murabbiy sifatida Andrei Khomutov bilan boshladi. Ammo jamoaning avvalgi menejeri Andrei Shayanov jamoada murabbiy yordamchisi sifatida qoldi. Ushbu mavsumda „Barys Astana“ xokkey klubi pley-offning birinchi bosqichida "Ak Bars Kazan" xokkey klubiga qarshi maydonga tushdi. „Ak Bars Kazan“ xokkey klubi yana „Barys Astana“ xokkey klubi ustidan 4:0 hisobida magʻlub boʻlmay, ketma-ket gʻalaba qozondi.

2011—2017: BBD liniyasi yillari

tahrir
 
Vladimir Krikunov KHLning 2012-2013-yilgi mavsumida „Barys Astana“ xokkey klubini boshqargan

2011-yilgi mavsumda „Barys Astana“ xokkey klubi Dastin Boyd va Nigel Dawes bilan shartnoma imzolaganini eʼlon qildi. Ular keyinchalik Brandon Bochenski bilan birga BBD (Bochenski-Boyd-Dawes) liniyasini tashkil qilishdi[14]. 2011—2012-yilgi mavsum boshida „Barys Astana“ xokkey klubi sakkiz oʻyinda yettita magʻlubiyatdan soʻng, Andrei Khomutovni isteʼfoga chiqardi[15]. Andrei Shayanov uning oʻrnini egalladi va „Barys Astana“ xokkey klubini Sharqiy konferensiyada oltinchi oʻringa olib chiqdi. „Barys Astana“ xokkey klubi Sharqiy konferensiya chorak finalida yetti oʻyin natijasiga koʻra uchinchi oʻrindagi Magnitogorskning „Metallurg Magnitogorsk“ xokkey jamoasiga magʻlub boʻldi[16].

2012—2013-yilgi NHL lokavti paytida „Barys Astana“ xokkey klubi Ryan Mcdonagh, Victor Hedman va Nik Antropovlarni qoʻlga kiritish orqali kuchaydi. Vladimir Krikunov yangi bosh murabbiy etib tayinlandi. „Barys Astana“ xokkey klubi mavsumni 23-18-5-6 hisobida 85 ochko bilan yakunladi. 2013-yilgi Gagarin kubogi pley-offining birinchi bosqichida „Barys Astana“ xokkey klubi Chelyabinskning „Traktor Chelyabinsk“ xokkey jamoasini ketma-ket 3:4 hisobida magʻlub etdi. Mavsumdan soʻng Krikunov jamoani tark etishga qaror qildi. Chunki u „Barys Astana“ xokkey klubi bilan parallel ravishda Qozogʻiston milliy xokkey jamoasini boshqarishdan bosh tortdi.

2013-yilgi mavsum oraligʻida „Barys Astana“ xokkey klubi Ari-Pekka Selinni yangi bosh murabbiy etib tayinladi[17]. 2013-yilning 4-iyulida „Barys Astana“ xokkey klubi Ostona shahridagi asosiy sport jamoalarini birlashtirish maqsadida „Samruk-Kazina“ (Suveren jamgʻarmasi tomonidan qoʻllab-quvvatlanadigan tashkilot) jamgʻarmasi yangi tashkil etilgan „Astana“ sport klubiga rasman qoʻshildi[18]. Koʻpgina erkin agentlarni isteʼfoga chiqargan „Barys Astana“ xokkey klubi 2013-yildagi mavsumda unchalik yaxshi natijalarga erisha olmadi. „Barys Astana“ xokkey klubi 2013-yilning 19-iyunida jamoa darvozabon Ari Ahonen bilan bir yillik shartnoma imzoladi[19]. „Barys Astana“ xokkey klubi himoyasini kuchaytirish uchun Michael Lundin, Maxim Semyonov va Evgeni Blokhin bilan shartnoma imzoladi[20][21]. 2013-yilning 8-avgustida erkin agent Nik Antropov „Barys Astana“ xokkey klubi bilan ikki yillik shartnoma imzoladi[22]. 2013-yilning 8-sentyabrida, mavsumning ochilish oʻyinida, „Barys Astana“ xokkey klubi „Severstal Cherepovets“ xokkey klubini 10:1 hisobida magʻlub etdi.  Mavsum davomida „Barys Astana“ xokkey klubi Cam Barker va Zach Hamill bilan bir mavsumlik shartnoma imzoladi[23][24]. „Barys Astana“ xokkey klubi Sharqiy konferensiyani ikkinchi oʻrindagi natija bilan yakunladi. 2014-yilgi Gagarin kubogi pley-off oʻyinining birinchi bosqichida „Barys Astana“ xokkey klubi KHL tarixida ilk bor „Avtomobilist Yekaterinburg“ xokkey klubini 4:0 hisobida magʻlub etib, ikkinchi bosqichga yoʻl oldi. Lekin „Barys Astana“ xokkey klubi Sharqiy konferensiya yarim finalida „Salavat Yulaev Ufa“ xokkey klubiga 2:4 hisobida magʻlub boʻldi.

2014-yilning 5-mayida „Barys Astana“ xokkey klubi Kevin Dallman bilan 3 yillik shartnoma imzolangani maʼlum boʻldi. 2014-yil 18-iyun kuni ishdan boʻshatilgan Ari-Pekka Selin oʻrniga Andrei Nazarov „Barys Astana“ xokkey klubiga yangi bosh murabbiy boʻlishi haqida xabar berildi[25].

Arenalar

tahrir
 
Barys Arena, Barysning hozirgi uyi

"Barys Astana" xokkey klubi tashkil etilgan paytda Qozogʻiston sport saroyi endigina qurilishini boshlagan edi. Ostonada xokkey maydonchalarining yoʻqligi „Barys Astana“ xokkey klubini vaqtincha boshqa joyga koʻchirishga majbur qildi. Oʻzining dastlabki ikki mavsumida jamoa Temirtau, Olmaota va Oʻskemen arenalarida joylashgan edi. Qozogʻiston sport saroyi 2001-yil 6-martda Qozog'iston prezidenti Nursulton Nazarboyev tomonidan „Yesil Petropavlovsk“ xokkey klubiga qarshi oʻyinda ochilgandi. Ushbu xokkey arenasi 4070 oʻringa moʻljallangan. 2011-yil sentyabr oyida liga rahbariyati Qozogʻiston sport saroyini ligadagi eng yomon arenalardan biri deb topdi[26]. Keyinroq, „Barys Astana“ xokkey klubi tashkilotchisi Qozogʻiston temir yoʻli (2015-yilda ochilgan yangi 11 578 oʻrinli) yangi Barys Arenani qurishga qaror qildi[27].

Jamoa identifikatori

tahrir

Logotip va trikotaj dizayni

tahrir

Jamoa ranglari Qozogʻiston bayrogʻini ifodalovchi koʻk, oltin rang va oq ranglaridir. „Barys Astana“ xokkey klubining logotipi rasman qor qoplonining boshidir. Ushbu logotip oxirgi marta 2022-yilda yangilandi. Qoplon tasviri ichida Ostonadagi Tinchlik va totuvlik saroyi va Hazrati Sulton masjidi, shuningdek, Barys Arena sport majmuasi kabi mashhur obidalarni ifodalovchi yashirin belgilar mavjud. 2022-yilda taqdim etilgan trikotaj kiyimlari ham xuddi shunday dizaynga ega boʻlib, uy formalari toʻq-koʻk rangda, yenglari, paypoqlari va pastki qismida tilla va oq chiziqlar bilan anʼanaviy „qoʻshqar-muiz“ naqshini ifodalaydigan belgilar mavjud. „Barys Astana“ xokkey klubining mehmon uchrashuvidagi liboslari oq rangda, oltin va toʻq koʻk rangli chiziqlar kiyimlarning yenglari, paypoqlari va pastki qismida joylashtirilgan. Ikkala futbolkaning chap yelkasida Qozogʻiston bayrogʻi joylashgan.

Maskot

tahrir
 
Barsik oʻyin vaqtida muxlislarga futbolkalar uloqtiradi

„Barys Astana“ xokkey klubinng maskoti — antropomorfik qor qoploni Barsik. Barsik orqa tomonida oʻz ismi va „99“ raqamlari tushirilgan „Baris“ formasini kiyadi. U olomonni hayajonda ushlab turadi, avtograflar qoʻyadi, tanaffus paytida koʻngilochar tadbirlarda qatnashadi, muz ustida konkida uchadi, futbolkalarni uloqtiradi. 2014-yilgi KHL Yulduzlar oʻyinidagi Maskotlar tanlovi oldidan Barsik terisini yanada qorli koʻrinishga oʻzgartirdi. Oldingi Barsik terisi esa koʻproq leopardga oʻxshardi.

Ak Bars Kazan bilan raqobat

tahrir

"Barys Astana" xokkey klubining Kontinental xokkey ligasidagi eng katta raqibi "Ak Bars Kazan" xokkey klubidir. Jamoalar oʻrtasidagi raqobat koʻpincha muxlislar va ommaviy axborot vositalari orasida mushuk derbisi deb ataladi. Ikkala jamoa ham qor qoplonini anglatadigan bir xil nomga ega. „Barys Astana“ xokkey klubi qozoq togʻ qor qoploni, „Ak Bars Kazan“ xokkey klubi esa leoparddir. Shuning uchun jamoalar logotiplari bir-biriga oʻxshaydi[28]. Jamoalar KHLning dastlabki uchta mavsumida birinchi pley-off bosqichida oʻynagan va „Ak Bars Kazan“ xokkey klubi har yili „Barys Astana“ klubini magʻlubiyatga uchratgan.

Muntazam mavsum natijalari

tahrir
Mavsum Oʻyin Gʻalaba Magʻlubiyat Qoʻshimcha vaqtlardagi gʻalaba Qoʻshimcha vaqtlardagi magʻlubiyat Ochko Gollar(safar uchrashuvi) Gollar (uy uchrashuvi) Natija va diviziya Pley-off oʻyinlari
2017—2018 56 19 25 5 7 74 148 164 5-oʻrin, Chernishev Saralashdan oʻta olmadi
2018—2019 62 28 14 10 10 86 190 149 1-oʻrin, Chernishev Konferensiya yarim finalida yutqazdi, 1-4 (Avangard Omsk)
2019—2020 62 31 16 7 8 84 156 137 1-oʻrin, Chernishev Konferensiya chorak finalida gʻalaba qozondi, 4-1 (Magnitogorsk Metallurg)



Pley-off oʻyinlari COVID-19 pandemiyasi tufayli bekor qilindi
2020—2021 60 20 22 11 7 69 147 157 3-oʻrin, Chernishev Konferensiya chorak finalida magʻlub boʻldi, 2-4 (Magnitogorsk Metallurg)
2021—2022 47 14 21 8 4 48 127 138 4-oʻrin, Chernishev Konferensiya chorak finalida magʻlub boʻldi, 1-4 (Magnitogorsk Metallurg)

Oʻyinchilar va xodimlar

tahrir

Joriy roʻyxat

tahrir

  2022-yil 4-avgust holatiga koʻra[29][30]

Raqam Davlat Oʻyinchi Pozitsiyasi Yoshi Klubga qabul qilingan yili Tavallud joyi
42   Stanislav Alexandrov Hujumchi 20 2022 Ostona, Qozogʻiston
96   Alikhan Asetov Qanot hujumchisi 26 2015 Ust-Kamenogorsk, Qozogʻiston
87   Adil Beketayev Himoyachi 24 2021 Petropavlovsk, Qozogʻiston
24   Chris Bigras Himoyachi 27 2022 Orillia, Ontario, Kanada
1   Nikita Boyarkin Darvozabon 24 2021 Karaganda, Qozogʻiston
97   Jeremy Bracco Qanot hujumchisi 25 2022 Freeport, New York, Qoʻshma Shtatlar
65   Samat Daniyar Himoyachi 23 2019 Astana, Qozogʻiston
22   Jesse Graham Himoyachi 28 2022 Oshawa, Ontario, Kanada
5   Mikhail Grigoryev Himoyachi 31 2022 Tyumen, Rossiya SFSR
68   Dmitri Gurkov Markaziy hujumchi 26 2016 Moskva, Rossiya
13   Dinmukhamed Kaiyrzhan Hujumchi 19 2021 Ust-Kamenogorsk, Qozogʻiston
9   Anthony Louis Markaziy hujumchi 27 2022 Winfield, Illinois, Qoʻshma Shtatlar
25   Kirill Maximov Qanot hujumchisi 23 2022 Moskva, Rossiya
10   Nikita Mikhailis Qanot hujumchisi 27 2014 Karaganda, Qozogʻiston
15   Yegor Petukhov Hujumchi 28 2018 Barnaul, Rossiya
89   Anton Sagadeyev Markaziy hujumchi 29 2021 Temirtau, Qozogʻiston
84   Kirill Savitsky Qanot hujumchisi 27 2021 Ust-Kamenogorsk, Qozogʻiston
88   Ansar Shaikhmeddenov Hujumchi 20 2021 Ust-Kamenogorsk, Qozogʻiston
4   Yegor Shalapov Himoyachi 27 2016 Kusa, Rossiya
64   Arkadi Shestakov Markaziy hujumchi 27 2019 Ust-Kamenogorsk, Qozogʻiston
43   Andrei Shutov Darvozabon 24 2021 Ust-Kamenogorsk, Qozogʻiston
19   Linden Vey Markaziy hujumchi 31 2021 Wakaw, Saskatchewan, Kanada

Jamoa sardorlari

tahrir

 

Bosh murabbiylar

tahrir

 

Manbalar

tahrir
  1. ↑ Martin Merk. „Kapitan Kazakhstan“. International Ice Hockey Federation (IIHF) (4-sentabr 2010-yil). 2015-yil 24-sentyabrda asl nusxadan arxivlangan. Qaraldi: 23-mart 2014-yil.
  2. ↑ Jeff Z. Klein. „5,800 Miles From New York, Ranger Finds Hockey and More“. The New York Times (26-oktabr 2012-yil). 11-avgust 2014-yilda asl nusxadan arxivlangan. Qaraldi: 23-mart 2014-yil.
  3. ↑ Yerlan Zhanayev. „Barys Astana Earns Playoffs Spot for Seventh Straight Season“. The Astana Times (24-fevral 2015-yil). 2015-yil 15-martda asl nusxadan arxivlangan. Qaraldi: 30-aprel 2015-yil.
  4. ↑ „KHL profile“. Kontinental Hockey League. Qaraldi: 18-iyul 2015-yil.
  5. ↑ „A. Koreshkov: "Barys" and national team of Kazakhstan are inseparable“. Kazinform (1-aprel 2015-yil). 2018-yil 2-oktyabrda asl nusxadan arxivlangan. Qaraldi: 3-aprel 2015-yil.
  6. ↑ „'Barys' is 15 years old“. BNews.kz (26-noyabr 2014-yil). Qaraldi: 25-mart 2015-yil.[sayt ishlamaydi]
  7. ↑ „Snow Leopard“. World Wide Fund for Nature (WWF). 25-mart 2019-yilda asl nusxadan arxivlangan. Qaraldi: 23-avgust 2014-yil.
  8. ↑ „Central Asian Conservationists Spotlight Snow Leopards“. EurasiaNet.org (23-oktabr 2013-yil). Qaraldi: 23-avgust 2014-yil.
  9. ↑ „Neftekhimik vs. Barys – 03/09/2008 – Recap“. Kontinental Hockey League (3-sentabr 2008-yil). 2013-yil 5-noyabrda asl nusxadan arxivlangan. Qaraldi: 3-iyun 2013-yil.
  10. ↑ „Barys vs. Salavat Yulaev – 14/09/2008 – Recap“. Kontinental Hockey League (14-sentabr 2008-yil). 2013-yil 5-noyabrda asl nusxadan arxivlangan. Qaraldi: 30-iyun 2013-yil.
  11. ↑ Madi Asanov. „Kazakh team reaches Continental Hockey League playoffs“. CentralAsiaOnline.com (6-mart 2009-yil). Qaraldi: 18-mart 2014-yil.
  12. ↑ „2008–09 KHL season stats“. Kontinental Hockey League. Qaraldi: 30-iyun 2013-yil.
  13. ↑ Bill Meltzer. „European championship roll call“. National Hockey League (28-aprel 2010-yil). Qaraldi: 6-aprel 2014-yil.
  14. ↑ Paul Friesen. „Winnipeggers Nigel Dawes and Dustin Boyd find hockey happiness in Kazakhstan“. Winnipeg Sun (29-noyabr 2014-yil). 2015-yil 5-aprelda asl nusxadan arxivlangan. Qaraldi: 3-may 2015-yil.
  15. ↑ Szymon Szemberg. „Khomutov released by Barys“. International Ice Hockey Federation (IIHF) (25-oktabr 2011-yil). 2015-yil 4-aprelda asl nusxadan arxivlangan. Qaraldi: 19-mart 2014-yil.
  16. ↑ „Markov the Hero for Metallurg in KHL Playoffs“. RIA Novosti (11-mart 2012-yil). Qaraldi: 19-mart 2014-yil.
  17. ↑ Ilyas Omarov. „Finnish Expert Ari-Pekka Selin Becomes Head Coach of Barys“. The Astana Times (26-iyun 2013-yil). 2015-yil 6-fevralda asl nusxadan arxivlangan. Qaraldi: 23-avgust 2014-yil.
  18. ↑ Ilyas Omarov. „Astana Presidential Sports Club Launched“. The Astana Times (2013-yil 4-iyul). 2015-yil 25-martda asl nusxadan arxivlangan. Qaraldi: 31-oktabr 2013-yil.
  19. ↑ „Ari Ahonen in a Confirmed Transaction to Barys Astana“. EliteProspects.com (2013-yil 19-iyun). 2013-yil 6-oktyabrda asl nusxadan arxivlangan. Qaraldi: 9-avgust 2013-yil.
  20. ↑ Steven Ellis. „Mike Lundin Adds Defensive Depth To Barys Astana“. Yard Barker (2013-yil 11-iyun). 2014-yil 17-martda asl nusxadan arxivlangan. Qaraldi: 20-iyul 2013-yil.
  21. ↑ Askar Sultan. „Barys Hockey Club Returns to Action“. The Astana Times (2013-yil 24-iyul). Qaraldi: 31-oktabr 2013-yil.
  22. ↑ „KHL: Nik Antropov Signs Two-Year Deal with Barys Astana“. R-Sport (2013-yil 9-avgust). 2015-yil 18-mayda asl nusxadan arxivlangan. Qaraldi: 9-avgust 2013-yil.
  23. ↑ „Veteran NHLer Cam Barker signs with KHL squad“. NBC Sports (2013-yil 5-noyabr). Qaraldi: 6-noyabr 2013-yil.
  24. ↑ „Barys Astana Sign Former Boston First Rounder Zach Hamill“. TheHockeyHouse.net (2013-yil 5-noyabr). 2013-yil 25-dekabrda asl nusxadan arxivlangan. Qaraldi: 25-dekabr 2013-yil.
  25. ↑ Steven Ellis. „Former NHLer Andrei Nazarov To Coach Kazakhstan National Team“. TheHockeyHouse.net (1-avgust 2014-yil). 2014-yil 26-avgustda asl nusxadan arxivlangan. Qaraldi: 22-avgust 2014-yil.
  26. ↑ „KHL: Spartak and Barys Under Pressure Over Arenas“. R-Sport (26-iyun 2012-yil). 2015-yil 18-mayda asl nusxadan arxivlangan. Qaraldi: 25-noyabr 2013-yil.
  27. ↑ Ilyas Omarov. „Barys Players Join KHL Stars on Ice in Bratislava“. The Astana Times (15-yanvar 2014-yil). Qaraldi: 25-mart 2014-yil.
  28. ↑ Jan Furst. „Barys Beats Rival Ak Bars 2:1“. The Astana Times (2012-yil 9-yanvar). 2018-yil 21-oktyabrda asl nusxadan arxivlangan. Qaraldi: 30-iyul 2014-yil.
  29. ↑ „Barys Nur-Sutlan team roster“. Kontinental Hockey League. Retrieved 4 August 2022.
  30. ↑ „Barys Nur-Sultan current roster“ (Wayback Machine saytida 2022-12-17 sanasida arxivlangan) (in Kazakh). Barys Nur-Sultan. 4 August 2022. Retrieved 4 August 2022. 
"https://uz.wikipedia.org/w/index.php?title=Barys_Astana&oldid=4206027" dan olindi