Gulsanam Xasanova
Gulsanam Xasanova (1982-yil 28-fevral) – oʻzbekistonlik olim, pedagogika fanlari boʻyicha falsafa doktori (PhD), dotsent. Oʻzbekiston jurnalistika va ommaviy kommunikatsiyalar universiteti Xorijiy tillar kafedrasi mudiri[1]. „The way of science“ [2] va „European Modern Studies Journal“ [3] xalqaro ilmiy jurnallari tahrir hayʼati aʼzosi.
| Gulsanam Xasanova | |
|---|---|
 | |
| Tavalludi |
1982-yil 28-fevral Andijon viloyati, Jalaquduq tumani |
| Kasbi | pedagog |
| Ish joylari | O‘zbekiston jurnalistika va ommaviy kommunikatsiyalar universiteti |
| Ilmiy darajasi | pedagogika fanlari bo‘yicha falsafa doktori (PhD) |
| Ilmiy unvoni | dotsent |
| Veb-sayt | https://uzjoku.uz/uz |
Tarjimai holi
tahrirXasanova Gulsanam Xusanovna 1982-yil 28-fevralda Andijon viloyati, Jalaquduq tumanida tugʻilgan. Oʻzbekiston Respublikasi fuqarosi. 2003-yilda Andijon davlat tillar pedagogika instituti bakalavriatura bosqichini tugatgan. 2007-yilda Namangan davlat universiteti magistratura mutaxassisligi boʻyicha oʻqishga grant asosida qabul qilingan va 2009-yilda adabiyotshunoslik (ingliz adabiyoti) mutaxassisligi boʻyicha muvaffaqiyatli tamomlagan. 2014-2016 yillarda Oʻzbekiston Respublikasi Prezidenti huzuridagi Davlat Boshqaruvi Akademiyasining davlat boshqaruvi (ijtimoiy menejment) mutaxassisligi boʻyicha magistraturani davlat granti asosida tamomlagan.
Ish faoliyati
tahrirGulsanam Xasanova ilk ish faoliyatini 2003-yilda Jalaquduq agrosanoat kasb-hunar kollejida ingliz tili fani oʻqituvchisi lavozimidan boshlagan. 2006-2014 yillarda Andijon davlat tillar pedagogika instituti qoshidagi akademik litsey xorijiy tillar kafedrasi mudiri, 2018-2019 yillarda Andijon davlat universiteti huzuridagi Andijon viloyati xalq taʼlimi xodimlarini qayta tayyorlash va ularni malakasini oshirish hududiy markazi tillarni oʻqitish metodikasi kafedrasi katta oʻqituvchisi, 2019-2020 yillarda Oʻzbekiston jurnalistika va ommaviy kommunikatsiyalar universiteti oʻzbek tili va adabiyoti kafedrasi katta oʻqituvchisi vazifalarida faoliyat yuritgan. 2020-yil 28-avgustdan hozirga qadar Oʻzbekiston jurnalistika va ommaviy kommunikatsiyalar universiteti Xorijiy tillar kafedrasi mudiri lavozimida faoliyat yuritib kelmoqda.
Ilmiy faoliyati
tahrirGulsanam Xasanova 2019-yilda 13.00.01 – Pedagogika nazariyasi. Pedagogik taʼlimotlar tarixi ixtisosligi boʻyicha „Oʻzbekiston va Yaponiya umumtaʼlim va professional taʼlim tizimlari qiyosiy tahlili“ mavzusida doktorlik (PhD) dissertatsiyasini himoya qilgan [4]. 2022 yilda pedagogika fanlari boʻyicha dotsent ilmiy unvoniga ega boʻlgan. U tomonidan 70 dan ortiq ilmiy va oʻquv-uslubiy ishlar, jumladan 40 dan ortiq ilmiy maqolalar [5]
[6], 2 monografiya, 1 ta darslik, 3 ta oʻquv qoʻllanma, 30 dan ortiq tezislar [7] chop etilgan.
2019 yilda Latviyaning Lambert Akademik nashriyoti bilan hamkorlikda „Vocational education systems of Uzbekistan and Japan: a comparative analysis“[8] nomli oʻquv qoʻllanmasi chop etildi. Xirsh indeksi 13. „The way of science“ va „European Modern Studies Journal“ xalqaro ilmiy jurnallari tahrir hayʼati aʼzosi.
1 ta xalqaro amaliy loyihasi koordinatori va rahbari, 1 ta innovatsion loyiha ishtirokchisi hamda 1 ta milliy amaliy loyihasi rahbari.
2021-2022 yillarda SUZ80021GR3137 raqamli „Developing English writing skills at upper-intermediate level (Ingliz tilida yozish koʻnikmalarini rivojlantirish (yuqori-oʻrta darajada))“ xalqaro amaliy loyihaga rahbarlik va koordinatorlik qilgan.
2021-2022 yillarda IZ-202102272 raqamli "Bolalarning bilish jarayonlari va matematik tasavvurlarini rivojlantiruvchi „Aqlli bogʻcha“ elektron portalini yaratish" nomli innovatsion loyihada katta ilmiy xodim vazifasida ishlagan.
Hozirda Oʻzbekiston jurnalistika va ommaviy kommunikatsiyalar universitetida 2023-2025 yillarda bajarilayotgan AL-672205602 raqamli koʻzi ojizlar uchun „Spelling audio dictionary“ audio qoʻllanmasini yaratish nomli amaliy loyihasi rahbari.
Manbalar
tahrir- ↑ „Oʻzbekiston jurnalistika va ommaviy kommunikatsiyalar universiteti Xorijiy tillar kafedrasi Qaralgan sana=22.07.2024“ (uzjoku.uz).
- ↑ „"The way of science" jurnali tahrir hay`ati Qaralgan sana=22.07.2024“ (en.scienceway.ru). 2024-yil 18-mayda asl nusxadan arxivlangan. Qaraldi: 2024-yil 8-iyul.
- ↑ „"„European Modern Studies Journal" jurnali tahrir hay`ati jamoasi Qaralgan sana=22.07.2024“ (www.journal-ems.com).
- ↑ „Xasanova Gulsanam Xusanovnaning pedagogika fanlari bo‘yicha falsafa doktori (PhD) dissertatsiyasi ishi himoyasi to‘g‘risida". Qaralgan sana=22.07.2024“ (uza.uz).
- ↑ „Main trends of modernization of education system: national and international analysis (38-40) Qaralgan sana=22.07.2024“ (www.semanticscholar.org).
- ↑ „"Magistratura talabalarida tashkiliy-boshqaruv kompetentlikni rivojlantirishning integrativ tuzilmasi va tarkibiy-mazmuniy komponentlari" Qaralgan sana=22.07.2024“ (scientists.uz).[sayt ishlamaydi]
- ↑ „"Сравнительный анализ систем общеобразовательного и профессионального образования Узбекистана и Японии: автореферат диссертации доктора философии (PhD) по педагогическим наукамi" Qaralgan sana=22.07.2024“ (e-catalog.nlb.by).
- ↑ „Vocational education systems of Uzbekistan and Japan: A comparative analysis. Qaralgan sana=22.07.2024“ (amazon.com).