Gunoh (fors - jinoyat, ayb; asli shu maʻnodagi arab. "junoh" soʻzidan olingan) -shariat qonunlariga va diniy aqidalarga xilof ish yoki harakat. Islom dinida eng katta gunoh - shirk, yaʻni Allohni butunlay inkor etish yoki unga teng keladigan boshqa ilohiy kuchlar bor, deb eʻtiqod qilish hisoblanadi va bunday gunohni Alloh kechirmaydi. Ammo undan boshqa katta va kichik gunohlarni xohlaganicha kechirishi yoki maʻlum meʻyorda jazolashi mumkin.

Gunoh — diniy axloqiy tushuncha. Diniy aqidalarga xilof ish yoki xatti-harakatni bildiradi. G. tushunchasi qadimda turli taqiqlarni buzuvchi, axloqsiz odamning harakati maʼnosida qoʻllanilgan. G. tushunchasi barcha dinlarga xos. Ularning hammasida G. ishlar Qoralanadi. Islom dinida shirk, yaʼni Alloqni butunlay inkor etish yoki unga teng keladigan boshqa ilohiy kuchlar bor deb eʼtiqod qilish eng katta G. hisoblanadi. Shirkni Alloh kechirmaydi. Ammo undan boshka katta va kichik G.larni xohlaganicha kechirishi yoki maʼlum meʼyorda jazolashi mumkin. Katta G.larning adadi toʻgʻrisida islom manbalarida turlicha fikrlar aytilgan. Ota-ona qargʻishini olish, sehr-jodu b-n shugʻullanish, qotillik, zino, yolgʻon guvoxlik berish, oʻgʻrilik, chaqimchilik, qimorbozlik, riyokorlik, firibgarlik, harom qilingan narsalarni isteʼmol qilish, dilozorlik va h. k. katta G. hisoblanadi. Baʼzi islom ulamolari katta G.lar sonini 300 tagacha sanab oʻtishgan. Kichik G.lar esa behisobdir.[1]

Katta gunohlarning adadi toʻgʻrisida islom manbalarida turlicha fikrlar aytilgan. Ota-ona qargʻishini olish, sehr-jodu bilan shugʻullanish, qotillik, yolgon guvoxlik berish, oʻgʻrilik, chaqimchilik, qimorbozlik, riyokorlik, firibgarlik, harom qilingan narsalarni isteʻmol qilish, dilozorlik va hokazolar katta gunoh hisoblanadi. Baʻzi islom olimlari katta gunohlar sonini 300 tagacha sanab oʻtganlar. Kichik gunohlar behisobdir.

ManbalarTahrirlash

  1. OʻzME. Birinchi jild. Toshkent, 2000-yil