Valeriy Vasilenko

Valeriy Vasilevich Vasilenko (1950-yil 30-iyunda tugʻilgan – 2008-yil 18-yanvarda vafot etgan) – rus millatiga mansub oʻzbekistonlik sobiq professional futbolchi, yarim himoyachi yoki hujumchi sifatida oʻynagan.

Valeriy Vasilenko

Shaxsiy maʼlumot
Toʻliq ismi	Valeriy Vasilevich Vasilenko
Tavallud sanasi	30-iyun 1950-yil
Tavallud joyi	Oʻzbekiston SSR, USSR
Vafot sanasi	18-yanvar 2008-yil(2008-01-18) (57 yoshda)
Vafot joyi	Oʻzbekiston
Ampluasi	Yarim himoyachi
Professional faoliyati*
Yillar	Jamoa	Isht.	(Gol.)
1967—1968	Toshkentkabel Toshkent
1969	Metallurg
1971—1972	Paxtakor	2
1972—1975	Yangiyer	85	(55)
1975	Perm Zvezda	14	(3)
1976	Yangiyer		(13)
Boshqargan klublari
–	Traktor
1987—1988	Xonqa
1989	Kosonsoy
1989	Jayxun
1990—1992	Kimyogar
1993	Soʻgʻdiyona
1997	Atlaschi
2002	Soʻgʻdiyona
2008	Mashʼal
*Professional klublardagi gollari (ichki chempionat)

Futbolchilik faoliyati

Futbolchilik faoliyatini 1967-yilda Toshkentning „Toshkentkabel“ havaskorlar jamoasida boshlagan. 1969-yilda Olmaliqning „Metallurg“ klubi tarkibiga oʻtgan. 1971-yilda Toshkentning „Paxtakor“ jamoasiga taklif qilingan. Valeriy Paxtakor jamoasi tarkibida 2 ta oʻyin oʻtkazgan, shu bois 1972-yilning yozida Yangiyer klubi tarkibiga oʻtgan. 1975-yilda Permning Zvezda klubda olti oy davomida oʻynagan, soʻngra Yangiyerga qaytgan va nomi oʻzgargan „Meliorator Yangiyer“ jamoasiga oʻtgan. 1976-yilda futbolchilik faoliyatini yakunladi.

Murabbiylik faoliyati

Futbolchilik faoliyatini yakunlagach, murabbiylik faoliyatini boshlagan. Dastlab, „Traktor Toshkent“ klubiga yordamchi murabbiy safatida yordam bergan. 1987—2008-yillarda „Xonqa“, „Kosonsoy“, „Jayxun Urganch“, „Ximik/Kimyogar Olmaliq“, „Soʻgʻdiyona Jizzax“, „Atlaschi Margʻilon“ va „Mashʼal Muborak“ klublarini boshqargan.

Yutuqlar

Yangiyer

• SSSR Ikkinchi ligasi chempioni: 1976

Havolalar

• Valeriy Vasilenko Footballfactsru saytida