Zayniddin Tojiyev
Zayniddin Tojiyev (1977-yil 21-iyunda tugʻilgan) – oʻzbekistonlik sobiq professional futbolchi, hujumchi ampulasida oʻynagan. 2002—2010-yillar oraligʻida Oʻzbekiston milliy futbol terma jamoasi tarkibida 18 ta oʻyinda ishtirok etgan va 3 ta gol muallifi boʻlgan[1][2].
 | |||
| Shaxsiy maʼlumot | |||
|---|---|---|---|
| Toʻliq ismi | Zayniddin Fahriddinovich Tojiyev | ||
| Tavallud sanasi | 21-iyun 1977-yil | ||
| Tavallud joyi | Oʻzbekiston SSR, Sovet Ittifoqi | ||
| Boʻyi | 1.85 m (6 ft 1 in) | ||
| Ampluasi | Hujumchi | ||
| Professional faoliyati* | |||
| Yillar | Jamoa | Isht. | (Gol.) |
| 2001 | Akademiya Toshkent | 33 | (10) |
| 2002—2004 | Paxtakor Toshkent | 85 | (36) |
| 2005 | Esil Bogatyr | 23 | (1) |
| 2006 | Paxtakor Toshkent | 44 | (22) |
| 2007 | Saba Battery | 10 | (2) |
| 2007—2009 | Paxtakor Toshkent | 56 | (30) |
| 2009 | Tianjin Teda | 13 | (2) |
| 2010 | Shurtan Gʻuzor | 8 | (2) |
| 2010 | Ordabasy | 6 | (1) |
| 2010 | Paxtakor Toshkent | 1 | (0) |
| 2011—2013 | Lokomotiv Toshkent | 42 | (51) |
| 2013 | Neftchi Fargʻona | 11 | (1) |
| 2014 | Dinamo Samarqand | 25 | (2) |
| 2015 | Bukhara | 6 | (0) |
| Milliy terma jamoa | |||
| 2002—2010 | Oʻzbekiston | 18 | (3) |
|
*Professional klublardagi gollari (ichki chempionat) (2015-yil 18-aprel uchun) | |||
Biografiyasi
tahrirZayniddin koʻp farzandli oilada tugʻilgan besh nafar farzandning uchinchisidir. Uning ikki akasi oʻt oʻchiruvchi kasbida ishlagan boʻlsa, ikki ukasi futbolchilik faoliyati bilan shugʻullanishgan. Zayniddin dastlab ikki akasi kabi oʻt oʻchiruvchi kasbida ishlagan. Keyinchalik futbolga boʻlgan qiziqishi ustunlik qilgan. Zayniddin futboldagi faoliyatini kechroq, 24 yoshida boshlagan. Futbol maktablarida taʼlim olmagan va havaskorlar darajasida shugʻullanib, oʻynab yurgan. Ilk bor 24 yoshida katta futbolga Oʻzbekiston Respublikasi Ichki ishlar vazirligi qoshidagi „Akademiya“ futbol klubi orqali kirib kelgan. "Akademiya" Oliy liganing debyutant klubi boʻlishiga qaramasdan, 5-oʻrinni egallagan. Oʻzining dastlabki professional mavsumida 10 ta gol urgan. Mavsum davomida "Akademiya" klubi chempionat yetakchilardan biri — „Paxtakor“ jamoasini magʻlub etishida hissa qoʻshgan. Mavsum yakunida bir necha yetakchi jamoalar Tojiyevni oʻz tarkibiga jalb etishga urinib koʻrgan. Zayniddin „Paxtakor“ jamoasi bilan shartnoma imzolagan.
„Paxtakor“ jamoasida Zayniddin orada uzilishlar bilan, bir necha yillar davomida oʻynagan. Ikki bor mamlakat chempioni va ikki bor mamlakat kubogi sohibi boʻlgan. 2008-yilgi mavsumda Server Jeparov 19 gol bilan chempionat toʻpurari boʻlganida, Zayniddin 17 ta gol bilan ikkinchi boʻlgan. 2009-yilgi mavsumda Osiyo Chempionlar ligasi turnirida 5 gol bilan „Paxtakor“ jamoasi toʻpurari boʻlgan. „Paxtakor“ jamoasi tarkibida Osiyo chempionlar ligasida 13 ta gol kritgan holda, klubning toʻpurari hisoblanadi.
2005-yilgi mavsumda Qozogʻistonning Petropavl shahri klubi „Yesil-Bogatir“, 2007-yil Eronning „Saba Batteri“, 2009-yil Xitoyning „Tianjin Teda“, 2010-yil Qozogʻistonning „Ordabasi“ klublarida faoliyat olib borgan.
2011-yilgi mavsumda Oʻzbekistonga qaytgan va Oʻzbekiston birinchi ligasida qatnashayotgan Toshkentning „Lokomotiv“ klubi bilan shartnoma imzolagan. Lokomotiv jamoasi safida mavsum davomida 30 gol bilan Birinchi liga toʻpurari boʻlgan. Tojiyev 2012-yilgi mavsumda 11 ta gol urgan va bu yilda ham „Lokomotiv“ jamoasining eng yaxshi toʻpurari boʻlgan. 2013-yilda, „Lokomotiv“ safida mavsumning birinchi yarmida 9 oʻyinda ishtirok etib 4 ta gol urgan. 2013-yilgi mavsumning ikkinchi yarmida Fargʻonaning „Neftchi“ jamoasi tarkibida oʻynagan[3][4]. 2014-yilda Samarqandning „Dinamo“ klubiga oʻtgan[5][6]. 2015-yilning fevral oyida „Dinamo“ jamoasini tark etgan va „Buxoro“ klubi bilan shartnoma imzolagan[7].
Turli musobaqalarda 144 ta gol muallifi boʻlgan.
Terma jamoadagi faoliyati
tahrirTojiyev futbol boʻyicha Oʻzbekiston milliy terma jamoasi safida jami 18 ta oʻyinda maydonga tushgan. Jahon chempionati saralash bosqichidagi 7 ta oʻyinda ishtirok etgan. Terma jamoadagi faoliyati davomida jami 3 ta gol muallifi boʻlgan[8].
Milliy terma jamoa uchun gollar
tahrir| № | Sana | Oʻtkazilgan joy | Raqib | Hisob | Natija | Musoboqa |
|---|---|---|---|---|---|---|
| 1. | 14-may 2002 | Prešov, Slovakiya |  Slovakiya
|
4-1 | Magʻlubiyat | Oʻrtoqlik |
| 2. | 28-may 2004 | Boku, Ozarbayjon |  Ozarbayjon
|
3-1 | Magʻlubiyat | Oʻrtoqlik |
| 3. | 22-mart 2008 | Toshkent, Oʻzbekiston |  Iordaniya
|
4-1 | Gʻalaba | Oʻrtoqlik |
Futbolchilik faoliyatini tugatgach Odil Ahmedov asos solgan „Odil junior“ bolalar futbol akademiyasida 2008-yilda tug'ilgan bolalarga ustozlik qilgan. 2021-yilda Oʻzbekiston U-15 terma jamoasini boshqargan[9].
Yutuqlari
tahrir- Oʻzbekiston chempioni: 2002, 2003, 2004, 2006.
- Oʻzbekiston chempionati ikkinchi oʻrin: 2008, 2009, 2010.
- Oʻzbekiston kubogi sohibi: 2002, 2003, 2004, 2006, 2009[10]
- Osiyo Chempionlar Ligasi yarim finalchisi - 2003, 2004.
Shaxsiy yutuqlar
- Oʻzbekiston Birinchi ligasi toʻpurari: 2011 (30 gol).
- Gennadiy Krasnitskiy klubi aʼzosidir.
- Eng yaxshi yoshlar murabbiyi: 2020[11]
Manbalar
tahrir- ↑ „Yulduz futbolchilar necha yoshidan professional faoliyatini boshlashgan?“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Yoshligida o't o'chiruvchi bo'lishni xohlagan Zayniddin Tojiev 43 yoshga to'ldi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Zayniddin Tojiev "Neftchi" bilan shartnoma tuzdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Zayniddin Tojiev oliy ligada beshinchi klub safida gol urdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Zayniddin Tojiev "Dinamo" bilan shartnoma tuzdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Muxlislarga so'z bergan Zayniddin Tojiev“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Zayniddin Tojiev "Buxoro"da ko'rikdan o'tmoqda“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ Zayntdin Tadjiyev – FIFA musobaqalaridagi natijalari (arxivlangan)
- ↑ „Eshitdik-da: Tojiev 2007, Mirzaahmedov 2008 yilda tug'ilgan futbolchilardan iborat terma jamoalarga bosh murabbiy bo'ladi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „O'zbekiston kubogi finallaridagi yubiley gollarni kimlar urgan?“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
- ↑ „Yilning "eng yaxshi yoshlar murabbiyi" - Zayniddin Tojiev“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
Havoalar
tahrir- Zayniddin Tojiyev Footballfactsru saytida
- Zayniddin Tojiyev Transfermarkt saytida
- Zayniddin Tojiyev Soccerway saytida
- Zayniddin Tojiyev Championatuz saytida
- Zayniddin Tojiyev Sportsru saytida
- Zayniddin Tojiyev NFT saytida