Bosh menuni ochish

Solipsizm (lot. solus — bir, yagona va ipse — oʻzim) — 1) voqelikda faqat inson va uning ongi mavjud, obʼyektiv dunyo va boshqa odamlar shu individning ongidagina mavjuddir, deb hisoblovchi falsafiy nazariya. Subʼyektiv idealistik taʼlimotlarning hammasi S.ga moyil (Berkli, Fixte, Max va boshqalar). S. insonning har qanday faoliyatini, shu jumladan, fanni ham maʼnosiz qilib qoʻyadi, chunki uning vakillari har qanday narsa mening ongimga shunday boʻlib tuyuladi, xolos, deb fikr yuritishadi. Sezgnni bilishning manbai sifatida mutlaqlashtirish S.ning gnoseologik asosi boʻlib xizmat qiladi; 2) etikada — oʻta xudbinlik, egotsentrizm maʼnosida ishlatiladi.