Jizzax davlat pedagogika universiteti

Jizzax viloyatidagi eng yirik oliy taʼlim muassasasi


Jizzax davlat pedagogika universiteti (JDPU) — Oʻzbekistondagi eng yirik oliy oʻquv yurti va ilmiy tekshirish markazlaridan biri. 1974-yilning 8-avgust sanasida O‘zbekiston Respublikasi Maorif vazirligining 256-sonli buyrugʻiga asosan Jizzax davlat pedagogika instituti tashkil etilgan va unga filologiya fanlari doktori, professor Bozorboy O‘rinboyev rektor sifatida tayinlangan. O‘zbekiston Respublikasi Maorif vazirligining 1989-yildagi tegishli qarori asosida Jizzax davlat pedagogika institutiga o‘zbek romanchilik maktabi asoschisi, atoqli adib Abdulla Qodiriy nomi berilgan.

Jizzax davlat pedagogika universiteti
(JDPU)

Universitet asosiy binosi
Xalqaro nomi Jizzakh State Pedagogical University
Asos solingan 1974-yil
Oʻquv yurti turi Universitet
Rektori Sharipov Shavkat Safarovich (2020-yildan beri)
Talabalari 19273 nafar
Fakultetlar 13 ta
Bakalavriat 4 yil
Magistratura 2 yil
Professorlar 542 ta
Manzili 130100. Jizzax viloyati, Jizzax shahri, Sharof Rashidov koʻchasi, 4-uy
Vebsayti http://jdpu.uz

2022-yil 21-iyunda Oʻzbekiston Respublikasi Prezidentining „Pedagogik taʼlim sifatini oshirish va pedagogik kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida“gi PQ-289 sonli qarori asosida Abdulla Qodiriy nomidagi Jizzax davlat pedagogika institutiga Jizzax davlat pedagogika universiteti maqomi berildi.

Ayni paytda universitet rektori pedagogika fanlari doktori, professor Shavkat Safarovich Sharipov. Universitet bugungi kunga kelib 13 ta fakultet, 28 ta yo‘nalish va 41 kafedraga ega. Talabalar soni 19273 nafarni tashkil etadi. Universitetda 542 nafar profesor-o‘qituvchilar faoliyat yuritishadi. Taʼlim muassasasida Magisratura va Sirtqi (maxsus sirtqi) bo‘limlar bor. Magistratura bo‘limida 20 ta mutaxassislik mavjud. Muassasaning toʻliq nomi: Abdulla Qodiriy nomli Jizzax davlat pedagogika universiteti. Qisqa nomi: JDPU. Umumiy maydoni 101 766 boʻlib, shundan 9 980 m² oʻquv maydoni, 9 100 m² esa yotoqxona maydoni hisoblanadi.


TarixiTahrirlash

O‘zbekiston Respublikasi Xalq Maorif vazirligining 1974-yil 8-avgustdag № 256-sonli buyrug‘i asosida Jizzax davlat pedagogika instituti tashkil topgan. Oliygohni tashkil etishda O‘zbekiston Respublikasi Markaziy qo‘mitasining birinchi kotibi Sharof Rashidov tashabbus ko‘rsatgan. Jizzax davlat pedagogika instituti 1974-yilning sentyabr oyidan boshlab o‘z faoliyatini boshlagan va yangi tashkil etilgan institutda o‘zbek tili va adabiyoti, rus tili va adabiyoti, mehnat taʼlimi, pedagogika va boshlang‘ich taʼlim metodikasi kabi dastlabki fakultetlar ish faoliyatini boshlagan. 2 ta fakultetda 5 ta yo‘nalish hamda 6 ta kafedra va 50 nafar professor-o‘qituvchilar jamoasi va 425 nafar talabalar bilan ish boshlagan institutga Samarqand davlat pedagogika instituti (1992-yildan keyin Samarqand Davlat Universiteti) o‘quv ishlari prorektori lavozimida faoliyat ko‘rsatayotgan filologiya fanlari nomzodi, dotsent Bozorboy O‘rinboev birinchi rektor etib tayinlangan.

Institut uchun Jizzax shahridagi hozirgi „O‘rda“ ekologik bog‘ida joylashgan hududda bir va ikki qavatli binolar qurilishi boshlanadi. Sharof Rashidov tashabusi bilan Jizzax davlat pedagogika institutining hozirgi binosiga 1982-yilda qurilish uchun poydevor o‘rni qazildi. Binoning poydevori uchun ilk g‘ishtni qo‘yishga Sharof Rashidov taklif qilinadi. 1988-yildan boshlab, institut jamoasi yangi o‘quv binosiga ko‘chib o‘tadi. O‘zbekiston Respublikasi Maorif Vazirligining 1989-yildagi tegishli qarori asosida Jizzax davlat pedagogika institutiga o‘zbek romanchilik maktabi asoschisi, atoqli adib Abdulla Qodiriy nomi berilgan.

FaoliyatiTahrirlash

O‘zbekiston Respublikasi Prezidenti Shavkat Mirziyoyevning 21.06.2022-yil „Pedagogik taʼlim sifatini oshirish va pedagogik kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida“gi PQ-289 sonli qaroriga ko‘ra Abdulla Qodiriy nomidagi Jizzax davlat pedagogika institutiga Jizzax davlat pedagogika universiteti maqomi berildi.

Ayni paytda Universitet rektori: pedagogika fanlari doktori, professor Shavkat Safarovich Sharipov. Universitet bugungi kunga kelib 13 ta fakultet, 28 ta yo‘nalish va 41 kafedraga ega. Talabalar soni 19273 nafarni tashkil etadi. Universitetda 542 nafar profesor-o‘qituvchilar faoliyat yuritishadi. Taʼlim muassasasida Magisratura va Sirtqi (maxsus sirtqi) bo‘limlar mavjud boʻlib, Magistratura bo‘limida 20 ta mutaxassislik bor. Jizzax davlat pedagogika universiteti Sirtqi (maxsus sirtqi) boʻlimi Jizzax viloyati, Zarbdor tumani, Boʻston shaharchasida joylashgan. Bugungi kunda bo‘limda Sirtqi (5 yillik) taʼlim shaklidagi hamda II-mutaxassislik taʼlim shaklidagi yo‘nalishlarida talabalar tahsil oladi. Universitet qoshida 1 ta akademik litsey hamda 2 ta texnikum mavjud.

Jizzax davlat pedagogika universiteti qoshidagi Akademik litseyTahrirlash

Jizzax davlat pedagogika universiteti akademik litseyi Oʻzbekiston Respublikasi Oliy va Oʻrta maxsus taʼlim Vazirligining 30-aprel 2001-yil № 96 sonli buyrugʻi bilan tashkil etilgan. Akademik litseyida 4 ta oʻqitish yoʻnalishi boʻyicha oʻquv mashgʻulotlari olib boriladi va 89 nafar malakali oʻqituvchilar oʻquvchilarga taʼlim berib kelmoqda. Jizzax viloyatidagi oliy oʻquv yurtlarning turdosh kafedralari bilan hamkorlik shartnomalari imzolangan boʻlib, litseyda „Tabiiy fanlar“, „Xorijiy tillar“, „Aniq fanlar“ va „Ijtimoiy gumanitar fanlar“ kafedralarining filiallari tashkil etilgan.

Jizzax davlat pedagogika universiteti huzuridagi Gʻallaorol xizmat koʻrsatish va servis texnikumiTahrirlash

Oʻzbekiston Respublikasi Prezidentining 2019-yil 6-sentyabrdagi „Professional taʼlim tizimini yanada takomillashtirishga doir qoʻshimcha chora tadbirlar toʻgʻrisidagi“ PF-5812 sonli farmoni va Oʻzbekiston Respublikasi Oliy va oʻrta maxsus taʼlimi vazirining 2020-yil 30-iyundagi oliy taʼlim muassasalari huzuridagi texnikumlar faoliyatini tashkil etish toʻgʻrisidagi 355-sonli buyrugʻi asosida tashkil etilgan. 720 oʻringa moʻljallangan texnikumda 212 nafar talaba yoshlarga 6 yo‘nalish bo‘yicha 19 nafar oliy malumotli Pedagog xodimlar taʼlim tarbiya berishadi.

RektorlarTahrirlash

  • Taʼlim muassasasiga 1974-1986-yillarda filologiya fanlari doktori, professor Bozorboy O‘rinboyev, 1986-yilning mart oyidan boshlab, pedagogika fanlari doktori, professor Usmonali Nishonaliyev rahbarlik qildi. Uning rahbarligi davrida institut yangi o‘quv binosiga ko‘chib o‘tdi.
  • 1990-yilda muassasa rektorligiga yana professor Bozorboy O‘rinboyev saylanib, 1992-yilning noyabr oyigacha bu lavozimda faoliyat olib bordi.
  • 1992-yilning noyabr oyidan boshlab, geografiya fanlari doktori, professor Sodiq Ahmadovich Nishonov rahbar etib tayinlanib, to 1996-yilgacha rektor lavozimida faoliyat ko‘rsatdi.
  • 1997-yilning may oyidan 2005-yilning aprel oyiga qadar universitetga kimyo fanlari doktori, professor G‘ofurjon Isroilovich Muxamedov rahbarlik qildi. U kishi rahbarlik qilgan davrda muassasa o‘quv korpusi 3000 talabaga mo‘ljallangan holda kengaytirildi. Bu davrda 400 nafar talabaga mo‘ljallangan yotoqxona, yozgi sport maydonchalari, axborot-kutubxona markazi qaytadan rekonstruksiya qilindi.
  • 2004-2005-yillarda universitet o‘quv ishlari bo‘yicha prorektori, fizika-matematika fanlari nomzodi, dotsent (marhum) Bahrom Mamajonov rektor vazifasini bajaruvchi etib tayinlandi.
  • 2005-yilning mart oyida Samarqand davlat universitetining mexanika-matematika fakulteti dekani, fizika-matematika fanlari doktori, professor Olimjon Musurmonovich Do‘smatov tayinlandi. 2006-2008-yillar davomida ikkita sport zali, ikki va uch qavatli jismoniy madaniyat fakultetining o‘quv binosi qurib foydalanishga topshirildi.
  • 2014-2015-yillarda universitet o‘quv ishlari bo‘yicha prorektori, fizika-matematika fanlari nomzodi, dotsent (marhum) Neʼmat Adilovich Alimov rektor vazifasini bajaruvchi etib tayinlandi.
  • 2015-yilning aprel oyida sotsiologiya fanlari doktori, professor Xolbekov Abdug‘ani Jumanazarovich rektor etib tayinlandi. 2019-2020-o‘quv yilida muassasaning bosh binosi va yordamchi binolari to‘liq qaytadan rekonstruksiya qilinib, zamon talablari asosida qaytadan jihozlandi.
  • Universitetga 2020-yilning mart oyida pedagogika fanlari doktori, professor Sharipov Shavkat Safarovich rektor etib tayinlandi. U kishi rahbarligida institutning moddiy-texnik bazasini yanada mustahkamlash, institutning ilmiy salohiyatini yanada oshirish borasida ko‘plab ishlar amalga oshirib borilmoqda. Yangi taʼlim yo‘nalishlari, fakultet, bo‘lim va kafedralar tashkil qilindi.

Mashhur bitiruvchilarTahrirlash

  • Umidjon Rahmonberdiyev - oliygohning matematika-informatika fakultetida 1992-1997-yillarda tahsil olgan. Hozirgi kunda Birlashgan Millatlar Tashkilotining Avstriya davlati poytaxti bo‘lgan Vena shahrida joylashgan shtab-kvartirasida “Giyohvandlik va xalqaro terrorizmga qarshi kurashish” bo‘limida boshliq bo‘lib faoliyat ko‘rsatmoqda.
  • Shuhrat Sodiqov Muhammadjonovich - oliygohning rus tili va adabiyoti fakultetida 1987-1992-yillarda tahsil olgan. 2018-2021-yillar davomida O‘zbekiston Respublikasi Axborot texnologiyalari va kommunikatsiyalarni rivojlantirish vaziri lavozimida samarali faoliyat ko‘rsatdi.
  • Rustam Abdurasulov Abdurayimovich - 1979-1983-yillarda institutda tahsil olgan, psixologiya fanlari doktori, professor vazifasini bajaruvchi 2009-2011 yillarda Jizzax viloyat xalq ta’limi xodimlarini qayta tayyorlash va ularning malakasini oshirish instituti rektori lavozimida faoliyat ko‘rsatdi.
  • Shavkat Sharipov Safarovich - oliygohda 1991-1995-yillarda tahsil olgan. Dastlab, Nizomiy nomidagi Toshkent davlat pedagogika universiteti rektorligida faoliyat ko‘rsatgan bo‘lib, 2020-yilning mart oyidan boshlab Jizzax davlat pedagogika universiteti rektori lavozimida faoliyat ko‘rsatmoqda.

Xalqaro hamkorlikTahrirlash

Jizzax davlat pedagogika universitetining taʼlim sohasida xalqaro aloqalarni rivojlantirish va dunyo bo‘yicha rivojlangan davlatlarning tajribasini o‘rganishda quyidagi vazifalarni o‘z ichiga oladi:

  • Oliy taʼlim muassasasi professor o‘qituvchilarning malakasini oshirish;
  • Oliy taʼlim muassasasi professor o‘qituvchilarning xorijiy ilmiy amaliy seminar, konferensiya va simpoziumlarda keng ishtirok etishi;
  • Professor o‘qituvchilarning va talabalarning xorijiy almashinuv dasturlari va treninglarda qatnashuvi;
  • Xorijiy o‘qituvchi va professorlarning oliy taʼlim muassasasiga, taʼlim jarayonini takomillashtirish va tajriba almashinuvi maqsadida ishlashga taklif etish.

Taʼlim sohasidagi xalqaro hamkorlik Janubiy Koreya Respublikasi, Angliya, Fransiya, Rossiya Federatsiyasi, Belorusiya, Turkiya, Ozarbayjon, Qozog‘iston, Hindiston va boshqa qator davlatlar bilan hukumatlararo va shartnomalar asosida amalga oshiriladi. Ushbu shartnomalar professor o‘qituvchilar va talabalar almashinuvi, ularning turli konferensiya va simpoziumlarda ishtirok etishi, qo‘shma ilmiy tadqiqotlar olib borish, ilmiy maqolalar chop ettirish va hokazo vazifalarni ko‘rib chiqadi. Oliy va o‘rta maxsus taʼlim vazirligi hamda Xitoy Xalq Respublikasining Taʼlim Vazirligi o‘rtasida 1999-yil 8-noyabrda belgilangan „Taʼlim sohasida hamkorlik“ to‘g‘risidagi shartnoma doirasida Xitoy oliy taʼlim muassasalarida O‘zbekistonning qator oliy taʼlim muassasalaridan 40 ta talaba, fan nomzodlari, va yosh mutaxassislar amaliyot o‘tamoqdalar. Oliy taʼlim muassasasi Britaniya Kengashi, Koreyaning xalqaro hamkorlik bo‘yicha agentliklari, Hindiston texnik hamkorlik dasturi, BMTning rivojlanish dasturi, va boshqalar bilan yaqindan aloqa o‘rnatgan. Ushbu barcha dastur va loyihalar JDPUda oliy taʼlimni rivojlantirish, ilg‘or xorijiy tajribani qo‘llagan holda o‘quv-metodik jarayonni takomillashtirish, professor o‘qituvchilarning malakasini oshirish, talabalar almashinuvini kengaytirishga yo‘naltirilgan.

Shuningdek JDPU Yevropa Ittifoqining Erasmus Mundus nomli taʼlim dasturlarida faol ishtirokini alohida taʼkidlash joiz. O‘zbekiston oliy taʼlim muassasalari hamda JDPU Yevropa Ittifoqining talabalar, o‘qituvchilarning akademik tezkorligi, universitetlar o‘rtasidagi hamkorlikni mustahkamlashga qaratilgan Erasmus Mundus dasturida ham ishtirok etadi. Dasturlar doirasida talaba va o‘qituvchilar Yevropa oliy taʼlim muassasalarida ilmiy amaliyot o‘tash imkoniyatiga ega bo‘lishadi.

Hozirgi kunda xorijiy o‘qituvchi va mutaxassislarni o‘quv jarayoniga jalb qilish bo‘yicha xorijiy sheriklar bilan hamkorlikka katta eʼtibor qaratilmoqda. Mazkur yo‘nalishdagi eng faol ish Koreyaning xalqaro hamkorlik bo‘yicha agentligi KOICA bilan olib borilmoqda. Shuningdek Jizzax davlat pedagogika universiteti ikkita xorijiy oliy taʼlim muassasasi bilan qo‘shma taʼlim dasturlariga ega bular, Belorusiyaning Baranovich universiteti bilan „2+2“ ko‘rinishida hamda Belorusiya davlat pedagogika universiteti bilan „3+1“ ko‘rinishida.