Vikipediya:Tanlangan maqola nomzodlari

Bir burchagi singan bu yulduz Vikipediyadagi tanlangan maqola yoki faylga nomzodlikni ifoda etadi. Bu sahifada tanlangan maqola nomzodlari koʻrsatiladi. Nomzod maqolaga „tanlangan“ unvonini berish-bermaslikni foydalanuvchilar hal qilishadi. Agar nomzod maqolada kamchiliklar boʻlsa, ular shu yerda koʻrsatilishi kerak. Ovoz berayotganda {{roziman}} yoki {{qarshiman}} andozalaridan foydalanishingiz mumkin.

Tanlangan maqolalar Tanlangan maqola nima? Tanlangan maqola nomzodlari Aloqador mavzular Yaxshi maqolalar Xushsifat maqolalar Tanlangan roʻyxatlar Tanlangan tasvirlar

Nomzodlikka qoʻyish Maqolani nomzodlikka qoʻyishdan avval, bu maqola tayinli mezonlarga javob berishiga ishonch hosil qiling. Nomzod qilib koʻrsatilayotgan maqola munozara sahifasining eng tepasiga {{subst:TMN}} andozasini joylang. Joylangan andozadagi „Maqolani tanlangan maqola unvoniga nomzod qilib koʻrsating“ havolasi ustiga bosing. Sahifa ochilgandan soʻng, kerakli joylarni toʻldirib, sahifani chop eting. Quyidagi matndan nusxa oling: {{Vikipediya:Tanlangan maqola nomzodlari/nomzod maqola nomi}}. Soʻngra, hozir oʻqib turgan sahifangizdagi Nomzodlar boʻlimining eng tepasiga nusxa olgan matningizni qoʻshing. Nusxa olgan matningizdagi „nomzod maqola nomi“ degan qismini nomzod qilib koʻrsatmoqchi boʻlgan maqola nomi bilan almashtiring va oʻzgarishlarni chop eting.

Nomzodlar

Fraktal

Nominator(lar): Divergent08 (munozara) 17:09, 2024-yil 19-dekabr (UTC)

Assalamu alaykum. Fraktal bu cheksizlikka oʻxshash takrorlanuvchi geometrik shakl. U tabiatning deyarli barcha hodisalari va qismlarida uchraydi. U orqali zamonaviy dizayn va modellashtirish ishlarida loyihalar tayyorlanadi. Divergent08 (munozara) 17:09, 2024-yil 19-dekabr (UTC)

Fikrlar

• Maqolani toʻliq oʻqib chiqqanim yoʻq. Tuzilishini koʻrib chiqish jarayonida Fraktal tabiat hodisalari boʻlimida ichki havola bilan bogʻliq jiddiy xatolikni kuzatdim. Nominator qaysi soʻzni „Yosinlar“ deb tarjima qilganini maqolaning originalini koʻrib ham topa olmadim. Lekin shu „Yosinlar“ga avtomat tarjima uskunasi tomonidan Yosin surasi maqolasiga havola berilgan. Mazkur maqolaning esa mavzuga umuman aloqasi yoʻq, menimcha. Bu xatolikdan koʻrinib turibdiki, ichki havolalarning hammasi birma-bir tekshirilishi kerak. Oʻzi umuman maqolani statusga nomzodlikka qoʻyayotgan tahrirchi nima haqida yozayotganini va nimaga ichki havola bersa, qaysi maqolaga olib borishini his qilishi shart.

Eng kamida ichki havolalar bilan bogʻliq shu va boshqa kamchiliklar tuzatilmagunicha mazkur maqolaga TM statusi berilmasligini soʻrayman. Hasan Xamidovich (munozara) 21:15, 2024-yil 19-dekabr (UTC)

Maqolaning inglizchasini oʻqib, Fraktal tabiat hodisalari (Natural phenomena with fractal features) boʻlimini Google translatega qoʻyganimda, Algae (yoki Suvoʻtlar) Yosunlar deb tarjima qilinganini koʻrdim. Oʻzim toʻgʻrilab qoʻymoqchi edim. Lekin inglizchadan Fraktal hodisaga misol boʻladigan hamma hodisalar tarjima qilinmagani, Proteinlar nega roʻyxatda borligini koʻrib, nominatorning oʻzi toʻgʻrilab qoʻyar deb tahrirlamay qoʻya qoldim Janob Mirzaolim (munozara) 17:08, 2024-yil 21-dekabr (UTC)

Barokko davri musiqasi

Nominator(lar): Diyora Iskandarova (munozara) 14:15, 2024-yil 19-dekabr (UTC)

Ushbu maqola Barokko davri musiqasi haqida. Maqola, asosan, inglizchadan tarjima qilib yaratilgan. Oʻzbekcha manbalar asosida maʼlumotlar bilan boyitilgan. Maqolani oʻqib chiqib ovoz berish jarayonida qatnashishingizni soʻrayman. Diyora Iskandarova (munozara) 14:15, 2024-yil 19-dekabr (UTC)

Oʻzbekcha muqobili bor koʻplab soʻzlar tarjima qilinmabdi. Masalan, Trombone emas, wikt:trombon, tambourine emas, wikt:tamburin, cornett emas, wikt:kornet va hokazo. Bu holatda statusga umuman tortmaydi. Nataev ^munozara 18:33, 2024-yil 19-dekabr (UTC)

Rozilar

 Roziman --Dovuchcha uz (munozara) 07:02, 2024-yil 20-dekabr (UTC)

Yer yoriqlari

Nominator(lar): Usmonov Gayrat (munozara) 16:21, 2024-yil 18-dekabr (UTC)

Assalomu alaykum, oʻzbekcha vikipediya administratorlari va faollari. Ushbu geologik yoriqlar haqidagi maqolani tanlangan maqola statusiga nomzod sifatida koʻrsatmoqdaman. Bu maqolaning salmoqli qismi oʻzbekcha geologik kitoblarga asoslangan holda yozildi. Shuningdek, maqolaning oʻzbek tilda mavjud boʻlmagan qismlari boshqa tillardagi vikipediya maqolalaridan tarjima qilindi. Maqolani oʻqib chiqib, oʻz fikr-mulohazalaringizni bildirishingizni soʻrab qolaman. Hurmat bilan Usmonov Gayrat (munozara) 16:21, 2024-yil 18-dekabr (UTC).

Hormang! Maqolaning „Galareya“ qismidagi togʻ jinsini Ispaniyadagi yoriq deb olgansiz. Ispaniyadagi yoriq demak toshmi? Rasmda tasvirlangan brekchiya (breccia) yirik burchakli tosh boʻlaklaridan tashkil topgan choʻkindi togʻ jinsi hisoblanadi. „Ispaniyadan keltirilgan yoriq brekchiyasi“ deyilsa xato boʻlmasa kerak. Komilkhuja 05:04, 2024-yil 19-dekabr (UTC)

Assalomu alaykum, hurmatli @Komilkhuja, agar maqolani toʻliq oʻqib chiqan boʻlganizda – "Ispaniyadagi yoriq demak toshmi?" – degan savolni bergan boʻlmas edingiz. Ammo, sizning fikringizni mamnuniyat bilan qabul qildim va maqolaga tuzatish kiritdim. Hurmat bilan Usmonov Gayrat (munozara) 16:18, 2024-yil 19-dekabr (UTC)

Afrikaning mustamlakaga aylantirilishi

Nominator(lar): Miss Kamola (munozara) 00:49, 2024-yil 19-dekabr (UTC)

Assalomu alaykum hurmatli adminstratorlar hamda Oʻzbekcha Vikipediyaning faol foydalanuvchilari! Nomzodlikka qoʻyilayotgan maqola tarixda Afrikaning Yevropa tomonidan mustamlakaga aylantirilishi va u yerdagi siyosiy ahvol haqida. Maqola ingliz tilidan tarjima qilindi. Shuningdek maqolaga oʻzbekcha manbalar ham qoʻshildi. Maqolani oʻqib chiqib oʻz fikringizni bildirishingizni soʻrayman. Miss Kamola (munozara) 00:49, 2024-yil 19-dekabr (UTC)

Fan tarixi

Nominator(lar): Mirishkorlik (munozara) 21:35, 2024-yil 18-dekabr (UTC)

Assalomu alaykum hurmatli adminstratorlar hamda Oʻzbekcha Vikipediyaning faol foydalanuvchilari! Nomzodlikka qoʻyilayotgan maqola ingliz tilidan tarjima qilindi. Shuningdek maqolaga oʻzbekcha manbalar ham qoʻshildi. Maqolani oʻqib chiqib oʻz fikringizni bildirishingizni soʻrayman. Mirishkorlik (munozara) 21:35, 2024-yil 18-dekabr (UTC)

Fikrlar

Hormang! 1833-yilda William Whewell „scientist“ (olim) atamasini kiritgan, bu atama avvalgi „naturfaylasuf“ atamasini surib chiqaradi. Ushbu gapda ishlatilgan surib chiqaradi jumlasi gʻaliz tarjima qilingan menimcha. "…bu atama tez orada „tabiat faylasufi“ (natural philosopher) degan eski atamaning oʻrnini egalladi." deb tarjima qilsa ham boʻlar ekan. Komilkhuja 05:06, 2024-yil 19-dekabr (UTC)

Avvalo maqolani oʻqib fikr bildirganingiz uchun tashakkur. Jumlani oʻzgartirdim, ammo siz aytgan tabiat faylasufi soʻzi esa kalka tarjima. Men qoʻllagan soʻz esa OʻzMEdagi Naturfalsafa maqolasida qoʻllangan. Yoqimli tahrirlar! Mirishkorlik (munozara) 15:10, 2024-yil 19-dekabr (UTC)

Oshqozon-ichak trakti

Nominator(lar): Hasan Xamidovich (munozara) 19:57, 2024-yil 18-dekabr (UTC)

Assalomu alaykum. Tibbiyotga oid ushbu maqola ingliz tilidan tarjima qilinib, manbalar bilan boyitildi. Tarjima jarayonida asosiy eʼtiborni hajmga emas, maqolaning hamma uchun birdek tushunarli boʻlishiga qaratdim. „Fikrlar“ boʻlimida maqola haqidagi fikringizni bildirib, ovoz berish jarayonida ishtirok etishingizni soʻrayman. Hasan Xamidovich (munozara) 19:57, 2024-yil 18-dekabr (UTC)

Fikrlar

Maqolani hali toʻliq oʻqib chiqmadim, ammo TM uchun nisbatan qisqadek, ayniqsa, bu mavzuda material juda koʻpligini hisobga olsak. Nataev ^munozara 21:45, 2024-yil 25-dekabr (UTC)

Xaos nazariyasi

Nominator(lar): Ibrohimjon 19:38, 2024-yil 18-dekabr (UTC)

Ushbu maqola ingliz va rus tillaridan tarjima qilib yaratildi. Maqolani oʻqib chiqib, oʻz fikrlaringizni bildirishingizni soʻrayman. Ibrohimjon 19:38, 2024-yil 18-dekabr (UTC)

Qimor

Nominator(lar): Xayriniso (munozara) 23:20, 2024-yil 18-dekabr (UTC)

Ushbu maqola qimor haqida hisoblanib, maqola ingliz tilidan tarjima qilindi. Shuningdek, maqolada o'zbek manbalaridan ham foydalanildi. Oʻqib chiqib fikr-mulohazalaringizni bildirishingizni soʻrayman. Xayriniso (munozara) 23:20, 2024-yil 18-dekabr (UTC)

Iqlim oʻzgarishi

Nominator(lar): ANJANIY^#gurung 18:25, 2024-yil 18-dekabr (UTC)

Bir qancha Vikipediyalarda turli xil status olgan ushbu maqolaning uzwikida ham statusga erishishida fikr bildirishingizni soʻrab qolaman. ANJANIY^#gurung 18:25, 2024-yil 18-dekabr (UTC)

Faqat kirish qismiga koʻz yugurtirdim. Gʻaliz va kalka tarjima gaplar bor. Masalan, „Carbon dioxide, the primary greenhouse gas driving global warming, has grown by about 50% and is at levels not seen for millions of years“ gapi „Karbonat angidrid, global isishda asosiy rol oʻynayotgan issiqxona gazi, millionlab yillar davomida kuzatilmagan darajada, taxminan, 50%ga oʻsdi“ deb olinibdi. Oʻzbekchada inglizchadagi kabi vergullar bilan non-defining relative clause yozish yaramaydi. „1850-yil bilan, muntazam kuzatuv boshlangan vaqt bilan“ jumlasi ham gʻaliz. „Poorer communities“ esa „Kambagʻal hudud aholisi“ deb olingan. Nima uchun „hudud“? Nihoyat, „achieving net-zero emissions by 2050“ jumlasi „davlatlar ... 2050-yilga kelib esa turli xil gazlarni chiqarishni butunlay toʻxtatishi“ deb olingani ham xato, chunki en:Net-zero emissions boshqa narsa. Bu shaklda maqola status olishga loyiq emas. Har bir gap, har bir soʻz toʻgʻri boʻlishi shart. Nataev ^munozara 17:31, 2024-yil 19-dekabr (UTC)

Barqaror rivojlanish

Nominator(lar): Farhodovna 074 (munozara) 18:15, 2024-yil 18-dekabr (UTC)

Bu maqola kelajak avlodlarning oʻz ehtiyojlarini qondirish qobiliyatiga ziyon yetkazmagan holda, hozirgi avlodning ehtiyojlarini qondirishga qaratilgan insoniyat taraqqiyotining samarali yoʻnalishi haqidadir. Maqola ingliz tilidan tarjima qilindi. Oʻqib chiqib fikr-mulohazalaringizni bildirishingizni soʻrayman. Farhodovna 074 (munozara) 18:15, 2024-yil 18-dekabr (UTC)

Fikrlar

• Maqolada gʻaliz jumlalar anchagina. Misol: Angliyada oʻrmon resurslarining kamayib borayotganiga xavotirning ortib borishiga javoban, John Evelyn 1662-yilda yozgan „Sylva“ nomli esse asarida taʼkidlaganidek, „tabiiy resurslardan vayronkorona haddan tashqari foydalanishning oldini olish uchun daraxt ekish va ekishga har bir yer egasining milliy burchi sifatida qarash kerak edi“. --Hasan Xamidovich (munozara) 20:21, 2024-yil 18-dekabr (UTC)

 Tuzatildi. Farhodovna 074 (munozara) 06:16, 2024-yil 19-dekabr (UTC)

Lekin hali boshqa kamchiliklar koʻp. Maqolada VP:MNKIga koʻra lotincha alifbodagi ismlarni aslidek yozish kerak. Fridrix Avgust emas Frederick Augustus. Xuddi shunday xato juda koʻp marta takrorlanilgan. Bir joyda Evelyn, boshqa bir joyda Evelin yozilgan. Ikki kishimi bular? Menimcha yoʻq. Hasan Xamidovich (munozara) 07:14, 2024-yil 19-dekabr (UTC)

Qarshilar

1. Eng kamida yuqorida aytib oʻtilgan uzun va tushunarsiz jumla tuzatilmagunigacha bu maqolaning status olishiga  Qarshiman. --Hasan Xamidovich (munozara) 20:20, 2024-yil 18-dekabr (UTC)

Aviatsiya tarixi

Nominator: BEKIPEDIYA ^#yozishma 18:03, 2024-yil 18-dekabr (UTC)

Barcha faol foydalanuvchilarga assalomu alaykum! Ushbu maqolada aviatsiya tarixi bayon qilinadi. Maqolani ingliz tilidan tarjima qilib, oʻzbek tilidagi manbalar bilan boyitishga harakat qildim. Maqola bilan tanishib chiqib, ovoz berish jarayonida faol ishtirok etishingizni soʻrab qolaman. BEKIPEDIYA ^#yozishma 18:03, 2024-yil 18-dekabr (UTC)

Hormang! Maqolada VP:MNKIga koʻra lotincha alifbodagi ismlarni aslidek yozish kerak. Masalan, aka-uka Raytlar emas, Wrightlar. Nataev ^munozara 18:20, 2024-yil 18-dekabr (UTC)

Barcha lotin alifbosida yozilgan ismlar aslidek  yozildi. BEKIPEDIYA ^#yozishma 07:32, 2024-yil 19-dekabr (UTC)

Yashang! „dating back several hundred years BC“ jumlasini „miloddan avvalgi bir necha yuz yillarga borib taqaladi“ deb olibsiz va bu gʻaliz tarjima. Shuningdek, ensiklopedik ohangda oʻtmishdagi hodisalar haqida hikoya uslubiga xos tarzda „XVIII asr oxiriga kelib aka-uka Montgolfierlar havo sharini ixtiro qilishadi. Bu ixtiro esa qisqa vaqt ichida odamlarning parvoz qilishiga imkon yaratadi“, deb yozish naqadar oʻrinli? Nataev ^munozara 20:09, 2024-yil 19-dekabr (UTC)

Antonio Gramsci

Nominator(lar): Komilkhuja 17:24, 2024-yil 18-dekabr (UTC)

Assalomu aleykum barchaga! Ushbu maqola XX asrning eng mashhur marksist faylasuflaridan biri, oʻzining madaniy gegemoniya nazariyasi bilan mashhur boʻlgan Antonio Gramsci haqida. Ushbu maqolani inglizcha va ruscha Vikipediyalardan tarjima qildim. Ushbu shaxs haqida oʻzbek tilida maʼlumotlar juda kam ekan. Ushbu maqola VP:MM roʻyxatidan joy olgan. Maqola bilan tanishib chiqib, ovoz berishingizni soʻrab qolaman! Komilkhuja 17:24, 2024-yil 18-dekabr (UTC)

Mistisizm

Nominator(lar): AdAstraUz (munozara) 17:18, 2024-yil 18-dekabr (UTC)

Ushbu maqola din falsafasining muhim mavzularidan boʻlgan mistisizm haqida. Maqola ingliz tilidan tarjima qilindi, kerakli qismlarda oʻzbek, rus va ingliz tillaridagi boshqa nufuzli manbalardan olingan maʼlumotlar qoʻshildi. Maqola bilan tanishib, oʻz fikringizni bildirishingizni soʻrayman. AdAstraUz (munozara) 17:18, 2024-yil 18-dekabr (UTC)

Rossiya inqilobi

Nominator(lar): 7Devona (munozara) 17:15, 2024-yil 18-dekabr (UTC)

Ushbu maqola 1917-yilda Rossiyada boshlangan inqilob haqida. Maqola ingliz tilidan tarjima qilindi. Oʻqib chiqib fikr-mulohazalaringizni bildirishingizni soʻrayman. 7Devona (munozara) 17:15, 2024-yil 18-dekabr (UTC)

Ijtimoiy harakat

Nominator(lar): Xoqoni Said ^yozish 16:48, 2024-yil 18-dekabr (UTC)

Ushbu maqolani asosiy qismini ingliz tilidan tarjima qildim, oʻzbek tilida ham manbalar asosida maʼlumotlar qoʻshdim. Hurmatli vikifaollar ovoz berish jarayonida ishtirok etishingizni soʻrayman. Xoqoni Said ^yozish 16:48, 2024-yil 18-dekabr (UTC)

Kirish qismini oʻqib chiqdim. Yomon emas! Ammo mavzu boʻyicha paragraflarga boʻlish kerak. Markaziy Osiysidagi ijtimoiy harakatlar haqida alohida boʻlim yaratilgani esa tahsinga sazovor. Nataev ^munozara 17:54, 2024-yil 19-dekabr (UTC)

Assalomu alaykum @Nataev. Inglizcha Vikipediyadagidek qilib mavzularga boʻlgan edim. Yana qaytadan boʻlib chiqaman. Xoqoni Said ^yozish 07:07, 2024-yil 26-dekabr (UTC)

Menimcha, tushunmadingiz. Maqola strukturasini emas, aynan kirish qismini (lead section) nazarda tutgandim. Hozir kirish bitta gigant paragrafdan iborat. Nataev ^munozara 13:32, 2024-yil 26-dekabr (UTC)

Fundamental oʻzaro taʼsirlar

Nominator(lar): Won Mirzo 16:31, 2024-yil 18-dekabr (UTC)

Ushbu maqola tabiatda mavjud boʻlgan fundamental 4 ta kuch haqida. Maqolani ingliz va ispan tilidagi vikipediya hamda mustaqil manbalar asosida yaratdim. Hurmatli administratorlar, vikifaollar, maqola bilan tanishib, fikr-mulohazalaringizni bildirishingizni soʻrayman. Won Mirzo 16:31, 2024-yil 18-dekabr (UTC)

Uch dara toʻgʻoni

Nominator(lar): Janob Mirzaolim (munozara) 16:10, 2024-yil 18-dekabr (UTC)

Bu maqola Xitoydagi megaloyiha hamda dunyoning eng yirik elektr stansiyasi haqida. Maqolani ingliz va rus tilidagi vikipediya hamda mustaqil manbalar asosida yaratdim. Hurmatli administratorlar, vikifaollar, maqola bilan tanishib, fikr-mulohazalaringizni bildirishingizni soʻrayman. Janob Mirzaolim (munozara) 16:10, 2024-yil 18-dekabr (UTC)

Faqat kirish qismini oʻqidim. Juda yaxshi yozilgan. Qolgan boʻlimlar ham shunday sifatda boʻlsa, TMga loyiq maqola boʻlibdi. Nataev ^munozara 18:34, 2024-yil 19-dekabr (UTC)

Klassik musiqa

Nominator(lar): Visola Tangirova^{(menga yozish!)} 14:17, 2024-yil 18-dekabr (UTC)

Assalomu alaykum, hurmatli administratorlar hamda Vikipediya faollari. Ushbu Gʻarb klassik musiqasi haqidagi maqola ingliz tilidan tarjima qilib yaratildi. Oʻqib chiqib, oʻz fikrlaringizni bildirishingizni soʻrayman. Visola Tangirova^{(menga yozish!)} 14:17, 2024-yil 18-dekabr (UTC)

Fikrlar

Hormang! Maqoladagi umumiy kamchiliklardan biri unda kompozitor soʻzi oʻrniga bastakor soʻzini ishlatish boʻlib, bular bir-biriga oʻxshash, lekin boshqa-boshqa atamalar hisoblanadi. Endi boshqa kamchiliklarga oʻtsak:

1. Kirish qismida „Art music“ jumlasini „badiiy musiqa“ deb tarjima qilgansiz. Lekin amaliyotda bunday atama yoʻq, balki akademik musiqa bor (qarang: Vokal va zamonaviy musiqa, 10-bet).
2. Keyin „musiqiy shakli va notalar uygʻunligi tuzilishidagi“ emas, „musiqiy shakli va garmonik tuzilishi“ boʻladi. Yana „polifoniya ishlatilishi bilan ajralib turadi jumlasida gʻalizlik bor, uni polifoniyadan foydalanishi bilan ajralib turadi deb tarjima qilgan yaxshiroq.
3. Satr soʻngidagi „Gʻarb madaniyatining asosiy tarkibiy qismi hisoblangan klassik musiqa koʻpincha bastakorlarning solistik yoki guruh sifatida qarashlari nuqtai nazaridan koʻrib chiqiladi“ gapidagi „solistik“ va „guruh“ soʻzlarini qayerdan oldingiz tushunmadim? Inglizcha „groups“ soʻzida Composition school maqolasiga berilgan ichki havola bor (ruscha: Композиторская школа). Bu maqola oʻzbekchada vikipediya boʻlmasa-da, amaliyotda „kompozitorlik maktabi“ atamasi qoʻllanadi (qarang: Xalq cholg‘ularida ijrochilik, 19-bet

Bular birinchi satrdagi kamchiliklar. BEKIPEDIYA ^#yozishma 15:12, 2024-yil 19-dekabr (UTC)

Yuqoridagi asosli tanqida qoʻshimcha qilmoqchiman: tuppa-tuzuk wikt:kasseta soʻzi „kasset“ boʻlib qolibdi! Maqolaga AT andozasini qoʻshaman. Nataev ^munozara 18:38, 2024-yil 19-dekabr (UTC)

Qarshilar

1. Yuqorida yozganimga oʻxshash kamchiliklar koʻrib chiqilishi kerak. Keyin fikrimni oʻzgartirish mumkin, lekin ungacha  qarshiman. BEKIPEDIYA ^#yozishma 15:12, 2024-yil 19-dekabr (UTC)

Imperial oʻlchov birliklari

Nominator(lar): Ahror Akramovich (munozara) 14:14, 2024-yil 18-dekabr (UTC)

Bu maqola 1824-yildan keyin Britaniya imperiyasi va uning ta’sir doirasidagi mamlakatlarda ishlatilgan o‘lchov tizimlari haqidadir. Maqola ingliz tilidan tarjima qilindi. Oʻqib chiqib fikr-mulohazalaringizni bildirishingizni soʻrayman. Ahror Akramovich (munozara) 14:14, 2024-yil 18-dekabr (UTC)

Farengeyt

Nominator(lar): Diwikiped ^muloqot :) 13:31, 2024-yil 18-dekabr (UTC)

Assalomu alaykum, oʻzbekcha Vikipediyaning administratorlari va faollari. Ushbu Farengeyt harorat shkalasi haqidagi maqolani tanlangan maqola statusiga nomzod oʻlaroq koʻrsatmoqdaman. Maqolani inglizcha Vikipediyadan tarjima qildim va bu mavzudagi boshqa tillardagi Vikipediya maqolalari bilan hamda rus, ingliz, oʻzbekcha manbalar bilan tanishib chiqdim. Maqolani koʻrib chiqib, oʻz fikrlaringizni bildirishingizni soʻrab qolaman. Diwikiped ^muloqot :) 13:31, 2024-yil 18-dekabr (UTC)

Ispaniya inkvizitsiyasi

Nominator(lar): Oqsaqol (munozara) 13:06, 2024-yil 18-dekabr (UTC)

Ushbu maqola muhim maqolalardan biri boʻlib, Ispaniya inkvizitsiyasi haqida. Oʻqib chiqib fikr-mulohazalaringizni bildirishingizni soʻrayman. Oqsaqol (munozara) 13:06, 2024-yil 18-dekabr (UTC)

Gʻaliz tarjimalardan xoli emas. „that the inquisitors should never proceed against the Indians, but against the old Christians and their descendants and other persons against whom in these kingdoms of Spain it is customary to proceed“ gapi „inkvizitorlar hech qachon hindularga qarshi harakat qilmasliklari, balki koʻchib kelgan ispaniyalik nasroniylar va ularning avlodlari qarshi harakat qilishlari kerak boʻlgan“ deb olingan va bu tushunarsiz tarjima. „Bunga asos qilinib, Ispaniya qiroli buyrugʻi olingan, buyruqqa koʻra, ...“ shaklida gaplarni ulab ketish ham standart oʻzbek tiliga xos emas. Shuningdek, barcha turkumlarni koʻkartirish kerak. Nataev ^munozara 19:56, 2024-yil 19-dekabr (UTC)

Xayrli kech fikrlar uchun rahmat, kamchiliklarni tuzataman. Oqsaqol (munozara) 20:02, 2024-yil 19-dekabr (UTC)

Ilmiy metod

Nominator(lar): Sitora Oblakulova (munozara) 12:13, 2024-yil 18-dekabr (UTC)

Ushbu maqola ilm-fan sohasining muhim mavzularidan biri hisoblangan ilmiy metod haqida. Maqola ingliz tilidan tarjima qilindi. Oʻqib chiqib fikr-mulohazalaringizni bildirishingizni soʻrayman. Sitora Oblakulova (munozara) 12:13, 2024-yil 18-dekabr (UTC)

Faqat kirish qismini sinchiklab oʻqidim, qolgan boʻlimlariga koʻz yugurtirdim. Yomon emas! Manbalardagi „Webarxiv andozasida xato: |url= qiymatini tekshiring“ xatosini tuzatish kerak. Nataev ^munozara 19:43, 2024-yil 19-dekabr (UTC)

Falastindagi Britaniya mandati

Nominator(lar): Axadjon1 09:54, 2024-yil 18-dekabr (UTC)

Assalomu alaykum! Oʻzbekcha Vikipediya administratorlari va faollar. Maqola 1922—1948-yillardagi Falastindagi Britaniya mandati haqida. Maqolani ruscha va inglizcha Vikipediyalardan tarjima qilib, yangi oʻzbekcha manbalar qoʻshdim. Ovoz berishda faol boʻlishingizni soʻrab qolgan boʻlar edim. Axadjon1 09:54, 2024-yil 18-dekabr (UTC)

Toʻliq emas, faqat kirish qismiga koʻz yugurtirdim. „en:Homeland for the Jewish people“ maʼnosida kelgan „national home“ jumlasi „milliy uy“ deb olingani kalka tarjima. „Milliy vatan“ yoki „milliy davlat“ boʻlishi kerak. „Bu rejaga binoan, mandatning tugashini va tarixiy Falastinning qolgan qismida Falastin hamda Isroil davlatlarining tashkil etilishini nazarda tutgan“ gapi esa gʻaliz. Maqolada imloviy xatolar ham bor. Masalan, jahon urushlari kichik harf bilan yozilgan, „1947-1949“ kabi holatlarda chiziqcha ishlatilgani esa xato. Va hokazo. Maqola toʻliq koʻrib chiqilishi kerak. Nataev ^munozara 18:12, 2024-yil 19-dekabr (UTC)

Assalomu alaykum. Siz aytgan kamchiliklar  Tuzatildi. Axadjon1 18:40, 2024-yil 19-dekabr (UTC)

Qizil havolalar uchun {{Tarjima qilinmagan 5}} andozasini ishlatgan maʼqul. Umarxon III (munozara) 07:25, 2024-yil 20-dekabr (UTC).

Xristianlikning boʻlinishi

Nominator(lar): MinaUktamova (munozara) 07:45, 2024-yil 18-dekabr (UTC)

Ushbu maqola Xristianlik dinining ikki alohida cherkovga boʻlinishi toʻgʻrisida. Ingliz va oʻzbek tilidagi adabiyotlardan foydalangan holda maqolani mavzuga oid maʼlumotlar bilan boyitdim. Tanishib chiqib, oʻz fikrlaringizni bildirgan holda ovoz berish jarayonida ishtirok etishingizni soʻrayman. MinaUktamova (munozara) 07:45, 2024-yil 18-dekabr (UTC)

Hozirgi koʻrinishida maqola oʻta qisqa. Qolaversa, „Gʻarb-Sharq boʻlinishi“ kalka tarjima boʻlib, oʻzbekcha manbalarda umuman uchramaydi. Bu holatda inglizcha emas, ruscha atamalarga tayanish toʻgʻriroq boʻlardi (xususan, Разделе́ние Церкви на Католическую и Православную Церковь, также Вели́кое разделе́ние, Вели́кий раско́л и Вели́кая схи́зма). Nataev ^munozara 19:30, 2024-yil 19-dekabr (UTC)

Mavjudlik

Nominator(lar): Lili ^(suhbat) 19:10, 2024-yil 17-dekabr (UTC)

Assalomu alaykum hurmatli administratorlar va faol foydalanuvchilar. Enwikidan tarjima qilib yaratilgan falsafaga oid ushbu maqolani „Tanlangan maqola“ statusi uchun nomzod qilib koʻrsatmoqdaman. Maqolani mavzuga oid qoʻshimcha maʼlumotlar bilan boyitdim va yana bir qancha manbalar ham keltirib oʻtdim. Oʻqib koʻrib, oʻz fikringizni bildirishingizni soʻrayman. Lili ^(suhbat) 19:10, 2024-yil 17-dekabr (UTC)

Mavzu oʻta mavhum boʻlgani uchun sifatli kontent yaratish mushkulligini aytib oʻtmoqchiman. Shunday boʻlsa-da, „I. Klauberg“ va „X. Volf“ kabi ismlar toʻliq yozilmagan va kimligi nomaʼlum. Ustiga ustak, manba keltirilmagan, bu shaxslarga maqolada boshqa toʻxtalmagan. Keyin, en:Entity „narsa“ deb olingani naqadar toʻgʻri? Oʻzbekcha manbalarda nima deyilgan? „ob’ektlarning“ soʻzi esa dahshatli AT alomatidir. Nataev ^munozara 19:00, 2024-yil 19-dekabr (UTC)

Assalomu alaykum. „Entity“ soʻzi aynan qaysi maʼnoda kelganini bilmaganim uchun umumiy qilib narsa deb tarjima qilgandim. Izohli lugʻatlarni koʻrganimda „mavjudot“ boʻlib chiqdi, ammo baʼzi jumlalarda bu tarjima gapning maʼnosiga toʻgʻri kelmadi. Shu hafta oxirigacha aniq tarjimasini oʻrganib qaytadan koʻrib chiqaman. Lili ^(suhbat) 05:08, 2024-yil 25-dekabr (UTC)

Assalomu alaykum. „Entity“ soʻzining asl maʼnosini koʻp manbalardan izladim. Inglizchada „A thing with a separate existence“ deb keltirilgan. Ammo bu soʻzning ayni tarjimasini topa olmadim. Shu sababli „narsa“ deb qoldirdim. Obyekt deb tarjima qilingan qismlarini ham toʻgʻrilab chiqdim. Lili ^(suhbat) 14:12, 2024-yil 29-dekabr (UTC)

Darajaga koʻtarish

Nominator(lar): MirfayzbekAbdullayev (munozara) 08:38, 2024-yil 16-dekabr (UTC)

Maqolani enwiki’dan tarjima qilgan holda yaratdim. Oʻzbekchada ham shu mavzuda izlandim hamda manbalarga bir qancha oʻzbek manbalarini ham keltirdim. Iltimos, ovoz berish va fikr bildirish jarayonlarida faol boʻling. MirfayzbekAbdullayev (munozara) 08:38, 2024-yil 16-dekabr (UTC)

Umuman olganda, yomon emas. Ammo gʻalizliklar bor. „Logarifm daraja“ deyilmaydi, balki „logarifmik daraja“ boʻladi. en:Floating-point arithmetic atamasi „nuqta arifmetikasi“ deb olingani naqadar toʻgʻri? Shuningdek, etimologiyasi boʻlimida lotincha atamalar tarixi bilan cheklanmay, aynan „daraja“ soʻzi haqida ham yozish kerak edi. Nataev ^munozara 19:21, 2024-yil 19-dekabr (UTC)

Assalomu alaykum, Nataev. Bildirgan fikringiz uchun rahmat. Siz keltirgan kamchiliklar  Tuzatildi MirfayzbekAbdullayev (munozara) 21:04, 2024-yil 19-dekabr (UTC)

Mustaqillikning 25 yilligi koni

Nominator(lar): MirfayzbekAbdullayev (munozara) 14:47, 2024-yil 25-noyabr (UTC)

Assalomu alaykum. Maqolani ochiq manbalar, adabiyotlar, gazetalardan foydalangan holda 2 oy davomida tahrirlab bordim. Vikipediya faollaridan nomzod maqolani oʻqib chiqib, fikr hamda ovoz berish jarayonlarida faollikka chorlayman. MirfayzbekAbdullayev (munozara) 14:47, 2024-yil 25-noyabr (UTC)

Xulosa

Quyidagi munozara yopiq. Iltimos, bu yerga oʻzgartirishlar kiritmang.

---

Manchester mumiyosi

Nominator(lar): Xoqoni Said ^yozish 17:02, 2024-yil 30-sentyabr (UTC)

Ushbu maqola mashhur badavlat xonimning oʻlimi va uning jasadining taqdiri haqida. Maqolani oʻqib chiqib fikr bildirishingizni va ovoz berish jarayonida qatnashishingizni soʻrab qolaman. Xoqoni Said ^yozish 17:02, 2024-yil 30-sentyabr (UTC)

Fikrlar

• Asrlarni rim raqamida yozgan maqul.
• Vikifikator tegmagan joylari bor.
• 1 ta turkum oz yana qo'shing. 9, 16, 19, 21 va 23 manbalarda kamchilik bor. Ibrohimjon 02:39, 2024-yil 1-oktyabr (UTC)

  Fikrlar uchun rahmat, siz aytgan barcha kamchiliklar  toʻgʻirlandi:

  • Asrlar rim raqamiga oʻtkazildi.
  • Vikifikator tegmagan joylari toʻgʻirlandi.
  • Turkumlar qoʻshildi, manbalardagi xatoliklar bartaraf qilindi.

  Xoqoni Said ^yozish 10:54, 2024-yil 1-oktyabr (UTC)

Assalomu alaykum, ushbu maqolani statusga olib chiqishga qiziqishim yoʻqolgani sababli munozarani yopishingizni soʻrayman. Xoqoni Said ^yozish 08:47, 2024-yil 12-noyabr (UTC)

Qarshilar

 Qarshiman. Mana bu tahrirda yozilganidek, maqola AT. Foydalanuvchining oʻzi esa surunkali ATchi (va, kamiga, buni tan olmaydi). Yaʼni, Xoqoni Said yaratgan maqolalar status olish u yoqda tursin, saqlab qolishga arzishi yoki yoʻqligi nuqtayi nazaridan sinchiklab tahlil qilinishi kerak. Nataev ^munozara 18:39, 2024-yil 31-oktyabr (UTC)

Xulosa

 Bajarilmadi. Yuqorida foydalanuvchi maqolani TMga olib chiqish uchun tahrirlash istagi yoʻqligini aytibdi. Nataev ^munozara 17:56, 2024-yil 18-dekabr (UTC)

Ushbu munozara yopiq. Iltimos, bu yerga oʻzgartirishlar kiritmang.

Yangi Oʻrgimchak-odam

Nominator(lar): Just Khumoyun (munozara) 09:14, 2024-yil 26-sentyabr (UTC)

Assalomu alaykum oʻzbekcha Vikipediya foydalanuvchilari va administratorlari. Ushbu maqola Marvel Studiyasi hamda Sony Pictures kompaniyasi hamkorligida yaratilgan film haqida. 2019-yilda yaratilgan chala maqolani inglizcha Vikipediyadan tarjima qildim. Maqola ingliz tilida YM statusini olgan. Oʻzbekcha Vikipediyada esa TM statusiga nomzod qilib koʻrsatilmoqda. Maqola bilan tanishib chiqib, undagi kamchiliklarni fikrlar boʻlimida yozib qoldirishingizni va ovoz berish jarayonida faollik koʻrsatishingizni soʻrayman. Just Khumoyun (munozara) 09:14, 2024-yil 26-sentyabr (UTC)

Fikrlar

• „Izohlar“ boʻlimidagi qoʻshtirnoq vikifikatorlanmay qolgan. Hasan Xamidovich (munozara) 09:30, 2024-yil 26-sentyabr (UTC)

   Tuzatildi. Just Khumoyun (munozara) 09:34, 2024-yil 26-sentyabr (UTC)

• Rollar boʻlimi va Marc Webb intervyu bergan gap ham vikifikatorlanmagan. Ibrohimjon 02:48, 2024-yil 1-oktyabr (UTC)

   Tuzatildi. Just Khumoyun (munozara) 08:46, 2024-yil 2-oktyabr (UTC)

• Manbalarning qaralgan sanasi enwikidagi boʻyicha qolib ketgan. Manbalarni tekshirib, ishlayotganlarining qaralgan sanasini yangilash, ishlamayotgan manbalarni olib tashlash kerak. Hasan Xamidovich (munozara) 08:21, 2024-yil 14-oktyabr (UTC)

   Tuzatildi. Just Khumoyun (munozara) 08:06, 2024-yil 15-oktyabr (UTC)

• Avvalo maqola uchun muallifga tashakkur. Lekin unda eng asosiy status qoidalardn biri bajarilmagan. Bu har bir hatboshidagi gapni manba bilan tasdiqlash. Bu shart bajarilmas ekan maqola statusga loyiq koʻrilmaydi. PanPanChik ^#yozish 09:29, 2024-yil 28-oktyabr (UTC)

   Tuzatildi 8 ta paragraf manbalarsiz ekanligi aniqlandi va shu paragraflar 10 ta manbalar bilan boyitildi. Just Khumoyun (munozara) 08:08, 2024-yil 1-noyabr (UTC)

• Maqolaning faqatgina birinchi abzasini oʻqib chiqdim. Kamchiliklar yetarli. Film soʻzining oʻzi bir gapda 3 martagacha qoʻllanilgan. Masalan, Bu film Sam Raimi tomonidan 2002—2007-yillarda suratga olingan Oʻrgimchak-odam trilogiyasidan keyin chiqarilgan toʻrtinchi Oʻrgimchak-odam filmi boʻlib, film yangi aktyorlar guruhi bilan qayta ekranlashtirilgan. Uzun gaplarni 2, kerak boʻlsa 3 ga boʻlib ham tarjima qilish mumkin. Bu gapning oʻquvchi uchun tushunarliroq boʻlishiga yordam beradi. Masalan, Filmga Marc Webb rejissyorlik qilgan boʻlib, film ssenariysi James Vanderbilt, Alvin Sargent hamda Steve Kloves tomonidan yozilgan gapida aynan film ssenariysi emas ssenariy muallifi deb ham keltirish mumkin. Yoki Filmda bosh rollarni Andrew Garfield, Emma Stone, Rhys Ifans, Denis Leary, Campbell Scott, Irrfan Khan, Martin Sheen, va Sally Fieldlar ijro etishgan gapida filmda bosh rollarni emas, shunchaki bosh rollarni deb yozish mumkin. Statusga nomzod sifatida qoʻyiladigan maqolalarning preambula qismida asosan koʻk havolalar bilan berish kerak. Yuzaki tarjima qilinib ketgan gaplar bor: 2010-yil 10-fevral kuni Sony film 2012-yil 3-iyul kuni premyera qilinishi eʼlon qilgan. Tahrirlanishi kerak boʻlgan qismlar hali yetarli.
• Bundan tashqari Panpanchik tomonidan bildirilgan fikrlarga amal qilmay turib, paragraflar manbalar bilan tasdiqlandi degansiz. Holbuki, eng asosiy preambula qismida birorta ham manba berilmagan. Shartlarni bajarmay turib, yolgʻon maʼlumot bermang. Sitora Oblakulova (munozara) 11:54, 2024-yil 4-noyabr (UTC)

  It is the fourth theatrical Spider-Man film, serving as a reboot following Sam Raimi’s 2002–2007 Spider-Man trilogy, and was followed by a second The Amazing Spider-Man film. Ushbu gapni Bu film Sam Raimi tomonidan 2002—2007-yillarda suratga olingan Oʻrgimchak-odam trilogiyasidan keyin chiqarilgan toʻrtinchi Oʻrgimchak-odam filmi boʻlib, film yangi aktyorlar guruhi bilan qayta ekranlashtirilgan deya tarjima qilgandim. Filmning navbatdagi qismi haqida maʼlumotni keyingi gapda keltirganman. Olib tashlash mumkin boʻlgan yagona narsa bu verguldan keyingi „film“ soʻzi boʻlishi mumkin. Aks holda gapning asosiy maʼnosi chiqmay qoladi. Oʻylaymanki filmda bosh rollarni va bosh rollarni jumlalarida unchalik ham katta farq yoʻq. Film soʻzi koʻproq takrorlanganligi uchun olib tashlayman. 2010-yil 10-fevral kuni Sony film 2012-yil 3-iyul kuni premyera qilinishi eʼlon qilgan jumlani toʻgʻirladim.

  Statusga nomzod sifatida qoʻyiladigan maqolalarning preambula qismida asosan koʻk havolalar bilan berish kerak. Ushbu gapingizni Tanlangan maqolalar uchun qoʻyilgan talablar orasidan topa olmadim shu sabab bu iddao oʻrinsiz deb hisoblayman.

  Panpanchik yozgan fikrlarga tuzatildi deb yozganimni sababi bu yerda foydalanuvchi maqola ichidagi paragraflarni manba bilan boyitishni nazarda tutgan. Maqola ichidagi paragraflar manba bilan boyitilganidan soʻng „tuzatildi“ deya izoh berdim. Undan tashqari maqola enwikida status olgan ammo maqola preambulasida hech qanday manba yoʻq. Agar foydalanuvchi maqola preambulasini ham nazarda tutgan boʻlsa unda yaqinda status olgan Buxoro qamali maqolasi hamda Panpanchik nominatorligidagi Qizil Panda maqolasi ham Tanlangan maqola statusidan mahrum qilinishi hamda bundan avvalgi status olgan maqolalar preambulasi tekshirib chiqilishi kerak. Bu maqolalar shunchaki misol tariqasida taqdim etildi. Nominatorlarga hech qanday adovatim yoʻq. Just Khumoyun (munozara) 07:24, 2024-yil 5-noyabr (UTC)

  Hormang. Statusga nomzod sifatida qoʻyiladigan maqolalarning preambula qismida asosan koʻk havolalar bilan berish kerak. Ushbu gapingizni Tanlangan maqolalar uchun qoʻyilgan talablar orasidan topa olmadim. Maʼlumot oʻrnida shuni ayta olamanki Vikipediya:Ichki havolalar ga koʻra ichki havolalar oʻquvchi va foydalanuvchilarga maqola mazmunini chuqurroq anglashga yordam beradi. Odatda ichki havolalar matn mazmuniga qarab, intuitiv qoʻyiladi. deyilgan. Shuning uchun bir joyda fikr bildirishdan avval qoidalar bilan tanishib chiqing. Va yana ichki havolalar boʻlishi kerak maqolada. Maqolaning Voqealar rivoji va Dizayn boʻlimlarida umuman ichki havola qoʻymagansiz. Bu talablar Tanlangan maqolalar uchun qoʻyilgan talablarda aynan yozilmagan boʻlishi mumkin. Ammo umumiy maqolani rasmiylashtirishda ichki havola boʻlishi kerak. Yuqorida aytilganidek ichki havolalar maqolani chuqurroq tushinishga va siz keltirgan VP:Tanlangan maqola nima?dagi „Yaxshi yozilgan“ – matn tuzilishi chiroyli, oʻqilishi qulay. shu boʻlimga menimcha mos keladi. – Yoqimli tahrirlar. Axadjon1^Munozara 17:43, 2024-yil 18-noyabr (UTC)

  Assalomu alekum. Fikrlar uchun tashakkur. Maqolaning Dizayn boʻlimiga ichki havolalar qoʻshildi. Voqealar rivoji bu filmning syujeti boʻlgani uchun unga ichki havola qoʻshmagandim. Unga ham qoʻyilishi kerakmi? Yoki syujetga qoʻshilmaydimi. Just Khumoyun (munozara) 11:04, 2024-yil 19-noyabr (UTC)

  Fikrlarni erkin beravering. Panpanchik tomonidan berilgan fikrga yolgʻon maʼlumot bermang deganingizga biroz qizishibman. Uzr. Yana fikrlar kutib qolaman va qoʻldan kelgancha toʻgʻirlashga harakat qilaman) Just Khumoyun (munozara) 05:19, 2024-yil 7-noyabr (UTC)

• Iddao? Maqola haqida fikr bildirish iddao hisoblanadimi? Men koʻzimga koʻringan kamchiliklarni imkon qadar sizga tushuntirishga harakat qildim va bu fikrlarga amal qilingan taqdirda maqolaga salbiy emas, aksincha ijobiy tuzatishlar kiritilgan boʻlardi. Maqolaning qolgan qismiga ham tuzatish va qoʻshimchalar kiritish toʻgʻrisida yana batafsil yozmoqchi edim, biroq maslahat va fikrlarni iddao deb qabul qilarkansiz, mayli, oʻz bilganingizcha yozing. Omad! Sitora Oblakulova (munozara) 12:02, 2024-yil 16-noyabr (UTC)

  Fikrlarni erkin beravering. Panpanchik tomonidan berilgan fikrga yolgʻon maʼlumot bermang deganingizga biroz qizishibman. Uzr. Yana fikrlar kutib qolaman va qoʻldan kelgancha toʻgʻirlashga harakat qilaman) Just Khumoyun (munozara) 05:53, 2024-yil 18-noyabr (UTC)

• Ushbu maqolani inglizchadan tarjima qilgan ekansiz va inglizcha Vikipediyadagi kabi status olishni xoxlasangiz menimcha boshqa tildagi bilan manbalar sonini bir xil qilish kerak. Oʻzbekcha Vikipediyada 113 ta, inglizchada esa bu koʻrsatkich 316 tani tashkil etar ekan.
• film yarim tundagi premyeralaridan degan jumla gʻaliz chiqibdi.
• Yuqoridagi fikrlarda har bir xatboshi manba bilan tasdiqlanishi kerakligi haqida eslatma qoldirishibdi sizga, ammo Voqealar rivoji boʻlimida manba keltirilmagan. Xoqoni Said ^yozish 06:13, 2024-yil 3-dekabr (UTC)

  • Statusli maqola talabida manbalar soni originali bilan bir xil boʻlishi kerak degan qoida yoʻq. Eʼtibor berilsa, ushbu maqolada ishlamaydigan manbalar olib tashlanganligini, bu orqali songa emas manbalarning sifatiga diqqat qilinganligini koʻrish mumkin.
  • Enwikida ham voqealar rivoji boʻlimida manba keltirilmagan.

  Hasan Xamidovich (munozara) 16:23, 2024-yil 8-dekabr (UTC)

  "yarim tundagi premyeralari" "midnight run" jumlasining tarjimasi. Yaʼni kino yarim tunda (Tungi 12dan keyin masalan) premyera qilingan. Menimcha xato emas bu jumla ham. Hasan Xamidovich (munozara) 16:30, 2024-yil 8-dekabr (UTC)

  Yarim tundagi premyeralarni jumlasini Yarim tundagi namoyishlarga oʻzgartirdim. Oʻylashimcha jumla endi tushunarliroq chiqdi. Voqealar rivoji boʻlimi haqida yuqorida ham savol qoldirgan edim. Lekin siz taʼkidlaganingizdek Voqealar rivoji boʻlimida manba keltirilmagani sabab manba qoʻymagan edim. Just Khumoyun (munozara) 08:07, 2024-yil 21-dekabr (UTC)

Al-Mutiy

Nominator(lar): Lazizbek95 (munozara) 13:38, 2024-yil 14-sentyabr (UTC)

Abbosiylar sulolasining 23-xalifasi haqidagi ushbu maqola ingliz tilidan tarjima qilib yaratilgan. Maqolani oʻqib, uning tanlangan maqola statusiga mos yoki mos emasligi boʻyicha fikr hamda mulohazalaringizni bildirishingiz hamda jarayonda oʻz ovozingiz orqali ishtirok etishingizni soʻrayman. Lazizbek95 (munozara) 13:38, 2024-yil 14-sentyabr (UTC)

Fikrlar

Maqoladagi ingliz tilida qolib ketgan izohlar qismini oʻzbekchaga oʻgirish kerak. „Al-Mutiy lilloh hukmdorlik nomi bilan tanilgan“, gapidagi Al-Mutiy lilloh hukmdorlik nomi jumlasi, „Xalifada Iroqdagi sud va diniy tayinlovlar ustidan juda kam boʻlsa-da, hokimiyat mavjud boʻlib, xalifa hokimiyati asosan ramziy ahamiyat kasb etgan“ gapida kam boʻlsa-da, hokimiyat mavjud boʻlib jumlasi gʻaliz chiqqan. Sitora Oblakulova (munozara) 05:32, 2024-yil 11-oktyabr (UTC)

Rozilar

 Roziman Tarixga oid shaxsiyatlar haqida maqolalar koʻpayishi tarafdoriman. MirfayzbekAbdullayev (munozara) 14:19, 2024-yil 30-sentyabr (UTC)

Xulosa

Quyidagi munozara yopiq. Iltimos, bu yerga oʻzgartirishlar kiritmang.

---

Futbol boʻyicha 2016-yilgi Yevropa chempionati

Nominator(lar): Hasan Xamidovich (munozara) 10:56, 9-Iyul 2024 (UTC)

Assalomu alaykum. „Tanlangan“ statusiga nomzod qilib koʻrsatilayotgan mazkur maqola 2016-yilda Fransiyada boʻlib oʻtgan Yevropa chempionati haqida. 2016-yil 31-mayda (chala va sifatsiz holatda) yaratilgan. Ingliz tilidan imkon qadar sifatli tarjima qilishga va maqolaning tuzilishini mukammallashtirishga harakat qildim. Maqola bilan tanishib, oʻz fikrlaringizni bildirgan holda ovoz berish jarayonida ishtirok etishingizni soʻrayman. -- Hasan Xamidovich (munozara) 10:56, 9-Iyul 2024 (UTC)

Fikrlar

Maqola toʻliq matnini xali beri oʻqib chiqganim yoʻq lekin:

1. Asosan koʻrgan xatoliklarimni aytib oʻtsam.

Ichki havolalarda xatoliklar mavjud misol uchun:

Pley-off bosqichi boʻlimida

• Eder maqolasiga xato ichki havola berilgan bu maqola xozirda oʻzbekcha Vikipediyada Éderzito nomi bilan mavjud.

Yana:

• Nani ga ham bu ham xozirda Nani ushbu nomda mavjud.
• Chiellini ga ham xato ichki havola berilgan, bu maqola ham Giyorgio Chiellini nomi ostida mavjud. — Axadjon1 (munozara) 12:44, 9-Iyul 2024 (UTC)

Sanab oʻtilgan xatoliklar  tuzatildi. --Hasan Xamidovich (munozara) 12:30, 9-Iyul 2024 (UTC)

Maqola ajoyib, ammo men uchratgan baʼzi xatolar:

• Homiylik boʻlimidagi jadval ichidagi baʼzi kompaniyalar bor ammo nomi aynan jadvaldagi kabi emas. Shularni koʻkartirish kerak.
• Maqola oxiridagi andozada baʼzi qismlarida inglizcha soʻzlar qolib ketgan
• Joylar boʻlimi nomini ham oʻzgartirish kerak fikrimcha Mirishkorlik (munozara) 07:03, 30-iyul 2024 (UTC)

• Kompaniyalar nomlari bilan boʻgʻliq xatolik  tuzatildi.
• Andozaning inglizcha qismi  tuzatildi.
• Boʻlim nomi "Joylar"dan "Stadionlar"ga  oʻzgartirildi.

Hasan Xamidovich (munozara) 13:23, 3-avgust 2024 (UTC)

Manbalarda qaralgan sanasi EnWikida qanday boʻlsa shu nday yozilgan. Har bir saytga kirib koʻrish, ishlashiga ishonch hosil qilgandan keyin qaralgan sanani yangilash kerak boʻladi. — Kagansky ^munozara 13:03, 26-avgust 2024 (UTC)

 Tuzatildi. Barcha manbalarning qaralgan sanasi yangilandi. Ishlamayotgan manbalarning o'rniga ishlayotgan saytlarni manba qilib ko'rsatdim. Almashtirish imkoni bo'lmagan "o'lik" manbalarni olib tashladim. -- Hasan Xamidovich (munozara) 07:32, 30-avgust 2024 (UTC)

Rozilar

1.  Roziman Maqolada aytarlik kamchilik yoʻq. Sportga, ayniqsa futbolga oid yaxshi maqola boʻlibdi. Imkoni qilinsa jamoalar tarkiblari maqolasini ham qoʻshilsa yana ham goʻzal boʻladi. – AnvarxonM (munozara) 09:25, 19-iyul 2024 (UTC)

   Assalomu alaykum. Vaqt topishim bilan jamoalar tarkibini ham oʻzbekchaga tarjima qilib qoʻyaman. – Hasan Xamidovich (munozara) 12:54, 19-iyul 2024 (UTC)

2.  Roziman Bir qarashda maqolada kamchiliklar koʻrmadim. Ajoyib maqola uchun tashakkur! – Axadjon1 (munozara) 10:39, 22-iyul 2024 (UTC)
3. Ushbu goʻzal maqolani status olishiga  Roziman. Devona Jovliyev (munozara) 17:40, 22-iyul 2024 (UTC)
4. Maqolada kamchiliklar koʻzga tashlanmadi, shu sababli  Roziman Lili ^(suhbat) 10:10, 23-iyul 2024 (UTC)
5.  Roziman Maqola status olish uchun loyiq holda. Ibrohimjon 16:28, 23-iyul 2024 (UTC)
6.  Roziman Maqolani toʻliq oʻqib chiqdim. Kamchiliklar yoʻq. Ahror Akramovich (munozara) 17:43, 23-iyul 2024 (UTC)
7.  Roziman Maqola juda tushunarli, ravon tilda yozilgan. Status olishga loyiq maqola. Sitora Oblakulova (munozara) 10:20, 24-iyul 2024 (UTC)
8. Futbol haqida bu darajada chiroyli yozilgan maqolalar hali oʻzbek tilida juda kam. Kamchiliklar deyarli koʻzga tashlanmadi. Maqola status olishiga toʻlaqonli  Roziman Javoxir Yorqulov (munozara) 11:39, 28-iyul 2024 (UTC)
9. Sanab oʻtilgan kamchiliklar tuzatildi. Maqolani ushbu statusga loyiq koʻrgan holda  Roziman Mirishkorlik (munozara) 12:20, 4-avgust 2024 (UTC)
10.  Roziman. TM satusiga mos holatga keltirilgan maqola. Nominatoriga tashakkur! — Kagansky ^munozara 16:02, 1-sentyabr 2024 (UTC)

Xulosa

Maqola ushbu status uchun munosib deb topildi. Nominator Hasan Xamidovichga yana bir goʻzal maqola uchun tashakkur aytib, shu kabi maqolalarning koʻpini kutib qolamiz. Laziz Baxtiyorov (munozara) 13:42, 2024-yil 14-sentyabr (UTC)

Ushbu munozara yopiq. Iltimos, bu yerga oʻzgartirishlar kiritmang.

Quyidagi munozara yopiq. Iltimos, bu yerga oʻzgartirishlar kiritmang.

---

Buxoro qamali

Nominator(lar): Laziz Baxtiyorov (munozara) 09:03, 16-Noyabr 2023 (UTC)

Moʻgʻullar tomonidan 1220-yilda Buxoroning egallanishiga oid mazkur maqolani tanlangan maqola statusi uchun nomzod qilib koʻrsatmoqdaman. Maqolani oʻqib, xatoliklarini tuzatishga yordam berasiz hamda statusga erishishi uchun ovoz berasiz deb umid qilaman. Laziz Baxtiyorov (munozara) 09:03, 16-Noyabr 2023 (UTC)

Fikrlar

Baʼzi tushunmagan joylarim boʻldi masalan:

• Olim tuman (eng katta moʻgʻul harbiy qismi) koʻpincha oʻlchamlari boʻyicha haddan ortiq oshirilgan deb taxmin qiladi
  • bu oʻlchamlar kim tomonidan oshirib koʻrsatilgan deb hisoblangan? Chunki bu gapdan oldin 2 ta olimning fikrlari keltirib oʻtilgan ekan.
    • Ushbu gap uchun fikrning manbasi koʻrsatib oʻtilgan. Laziz Baxtiyorov (munozara) 07:18, 2-Dekabr 2023 (UTC)
• Avval Chingizxonning toʻngʻich oʻgʻli Joʻji va sarkarda Jebe boshchiligidagi avangard Tyan-Shan dovonlaridan oʻtib, Sharqiy Fargʻona vodiysidagi shaharlarni talay boshladi.
  • mana shu gapda avangard soʻzini balkim boshqa soʻz bilan almashtirish kerakmikin? Chunki Avangard maqoalasida ushbu soʻz haqida moʻgʻul lashkarlarida manglay, mangʻlay deyilgan deb keltirilgan ekan.

Xoqoni Said ^yozish 07:43, 1-Dekabr 2023 (UTC)

•  Tuzatildi Fikrlar uchun rahmat. Laziz Baxtiyorov (munozara) 07:18, 2-Dekabr 2023 (UTC)

maqola Oʻzbekiston tarixiga oidligi yuqoriligi sababli asosan oʻzbek tilidagi manbalar tiliga uygʻun yozilishi lozim deb oʻylayman. ayrim oʻrinlarda Xorazm imperiyasi kabi soʻzlar bilan ifodalangan davlat. xorij manbalari bu shaklda olgani bizning ham shu shaklda olishimiz kerakligini anglatmaydi, oʻzbek tarixchiligiga oid manbalarda asosan Xorazmshohlar davlati shaklida olingan. davlatning maʼlum muddat egalik qilgan qudrati uni imperiya deb taʼriflashga asos boʻlishi mumkindir, ammo, Xorazm imperiyasi deyilishiga emas. maqola matni sodda/ravon qilib qayta tahrirlansa va maqolaga oʻzbek tilidagi manbalar ham ilova qilinsa, nur ustiga aʼlo nur boʻlardi. albatta, maqolaning sifat qozonishida qoʻldan kelganicha yordam beraman. Alpasli (munozara)

 Tuzatildi. Bu davrga oid oʻzbek tilidagi manbalardan xabardor emasman. Agar sizda maʼlumot boʻlsa va qoʻshib qoʻysangiz, goʻzal ish boʻlardi. Laziz Baxtiyorov (munozara) 15:46, 14-Dekabr 2023 (UTC)

Maqola yaxshi rasmiylashtirish joyida. Faqat shu bilgiqutiga enwikidagi xaritalarni qo'shsak yanada zo'r bo'lar edi Programmer (munozara) 08:19, 25-Dekabr 2023 (UTC)

Fikr bildirganingiz uchun rahmat. U xaritani qoʻshish uchun bilgiqutini EnWikidagi kabi qayta tuzishga toʻgʻri kelarkan. Agar shu masalani yaxshi tushunib, qilib bersangiz, qoʻshish muammo emas. Laziz Baxtiyorov (munozara) 16:52, 25-Dekabr 2023 (UTC)

Rozilar

1.  Roziman Bir qarashda maqolada kamchiliklar koʻrmadim. Ajoyib maqola uchun tashakkur! – Axadjon1 (munozara) 05:54, 24-Noyabr 2023 (UTC)
2.  Roziman Maqola ajoyib yozilgan, maqola menga yoqgani uchun qoraqalpoq tiliga tarjima qilganman. Doniyor Yóldoshev (munozara) 12:54, 4-Dekabr 2023 (UTC)

   zor chiqibdi ijodizga omad 213.230.92.26 16:29, 7-Dekabr 2023 (UTC)

3.  Roziman – Xoqoni Said ^yozish 10:23, 27-Fevral 2024 (UTC)
4.  Roziman Milliy tarixchiligimizga oid maqolalarni koʻpaytishish tarafdoriman, bu maqola professional yozilgan, omad! Usmonov Gayrat ^yozish 23:37, 2-Mart 2024 (UTC)
5.  Roziman. EnWikida statusga loyiq koʻrilgan. Biror foydalanuvchida mazmuniga eʼtiroz boʻlganida vaqtida tuzatilsa boʻlgani. Boshqa kamchiliklarga koʻzim tushmadi. — Kagansky ^munozara 15:47, 29-Mart 2024 (UTC)
6.  Roziman. maqolaga mehnati singganlar, jumladan, nominator Laziz Baxtiyorov va (beminnat tahrir qilgan) Jamshid Nurkulovga rahmat. Alpasli (munozara) 22:04, 29-Mart 2024 (UTC)

Xulosa

 Bajarildi — nominatorga tashakkurlar, davomli boʻlsin! Jamshid Nurqul (munozara) 22:08, 29-Mart 2024 (UTC).

Ushbu munozara yopiq. Iltimos, bu yerga oʻzgartirishlar kiritmang.