Real Madrid CF

Ispaniya futbol klubi
(Real Madrid F.C.dan yoʻnaltirildi)

Real Madrid Club de Fútbol (Real Madrid qirollik klubi; koʻpincha ishlatiladigan nomi — Real Madrid) Ispaniyaning professional futbol klubidir. „Real Madrid“ dunyodagi eng katta byudjetli futbol klublaridan biri boʻlib, 2015-yilda klub 3.14 milliardga baholangan. Real Madrid — Ispaniya oliy divizionini hali biror marta ham tark etmagan uch klubdan (Barselona, Atletik Bilbao) biridir. Real Madrid va Barselona ishtirokida klublar oʻrtasida dunyoning eng yaxshi oʻyinlaridan biri boʻlgan „El Clasico“ boʻlib oʻtadi.

Real Madrid
Toʻliq nomi Real Madrid Club de Fútbol
Laqabi Los Blancos (Oqlar)
Los Merengues (Qaymoqranglilar)
Los Vikingos (Vikinglar)
Asos solingan 1902-yil 6-mart
Stadion Estadio Santiago Bernabéu
Stadion hajmi 85,454
Prezidenti  ESP Florentino Pérez
Murabbiyi  ITA Carlo Ancelotti[1]
Sardori  ESP Nacho Fernandez
Reytingi UEFA reytingida 1-o'rin
IFFHS reytingida 1-o'rin
Homiysi  UAE Emirates Airline
Vebsayt http://www.realmadrid.com
Musobaqasi Amaldagi chempion La Liga
La Liga 2021/22 1
Asosiy libosi
Ikkinchi libosi
Yevrokuboklar
UEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasiUEFA Chempionlar ligasi

Ushbu klub 35 marta La Liga chempionligiga, 19 marta "Copa del Rey" kubogiga, 13 ta Ispaniyaning superkubogiga, 14 ta UEFA Chempionlar Ligasi chempionligiga, 2 ta UEFA kubogiga, 5 ta UEFA superkubogi, 3 ta Xalqaro Chempionlar Kubogi va 8 ta Qitʼalararo kubokga ega.

2000-yilning 11-dekabrida FIFA tomonidan XX asrning eng yaxshi klubi deya topilgan. Yana, 2010-yil 11-may kunida „Real Madrid“ IFFHS tomonidan Yevropaning XX asrdagi eng yaxshi klubi deb topilgan. 2018 yil 26 may kuni Kievdagi "Olimpiyskiy" stadionida boʻlib oʻtgan finalda Liverpoolni magʻlub etib, ketma-ket 3 marotaba Chempionlar ligasida gʻolib boʻla olgan birinchi jamoa.

Tarix tahrir

Tashkil topishi tahrir

 
Jamoaning birinchi ramzi (1902—1908)
 
Jamoaning ikkinchi ramzi (1908—1920)

1896-yili „Futbol sky“ klubi tashkil topdi, Bu klub Madrid klubining birinchi nomi edi. Lekin klubning rasman tashkil topgan sanasi 1902-yil 6-mart hisoblanadiki, oʻsha vaqtda aka-uka Padros va Xulian Palasioslar Madrid Football Club nomli klubni ochishga muvaffaq boʻlishadi. 1920-yil 29-iyun kuni Ispaniya qiroli Alfonso XIII klubni Qirollik klubi mavqeini berishga qaror qildi. Bu mavqei Ispaniyada Real deb nomlanadi. Shuning bilan hozirgi zamonaviy Real Madrid nomi kelib chiqdi.

Klub tashkil topishi bilanoq ispan futboli liderligiga asosiy daʼvogarlik qiladigan klublar qatoriga qoʻshildi. 1903-yilni oʻzidayoq mamlakat kubogi finaligacha chiqdi, ammo finalda Atletik Bilbaoga imkoniyatni boy berdi. Bir necha yillardan soʻng, ketma-ket Ispaniya kubogini toʻrt marta qoʻlga kiritib, uzoq muddat poytaxtda ushlab turishdi. Ispaniya chempionati 1928/29 mavsumidan boshlab oʻtkazila boshlandi, ungacha klublar regionlar boʻyicha kim kuchli ekanligini aniqladilar. „Madrid“ (1920-yildan boshlab — Real Madrid) bungacha poytaxt okrugida 16 marta yetakchilik qildi.

Yuksalish tahrir

 
Real Madrid 1905 yilda.

Oʻtgan asrning 50-yillari oʻrtalarida Yevropada klublar va milliy terma jamoalar musobaqalarini muntazam tashkil qilish uchun kontinental futbol federatsiyasi tuzishga qaror qilindi. U yerda „Real Madrid“ hali asosiy favorit emasdi. Lekin, aynan Real Madrid 1954/55 mavsum birinchiligida zafar quchib, ispan klublari orasida birinchi Yevropa kubogi chempioni boʻldi. Shu ondan boshlab „Real Madrid“ besh yil yevropaning eng yuksak darajasida mustahkam oʻrnashdi. Xalqaro maydondagi muvaffaqqiyatli yurishlar ichki chempionatdagi gʻalabalar bilan „Real Madrid“ga 1954-yildan 1969-yilgacha hamroh boʻldi. Shu vaqt davomida shunday holat yuz berdiki, agar „Real Madrid“ ichki chempionatda birinchilikni qoʻldan chiqarsa, albatta Chempionlar Kubogini qoʻlga kiritar edi. Shu tarzda ular doimo yevropaning nufuzli turnirlarida ketma-ket 15 yil muvaffaqqiyatli qatnashib keldilar. 1970 yilga kelib esa, birinchi marta yevropa turnirlarida qatnasha olmadilar. „Real Madrid“ning oʻsha oltin davrlarida Alfredo Di Stefano (Yevropaning 1957 va 1959-yillardagi eng yaxshi futbolchisi), fransiyalik Raymond Kopa (Oltin to’p sohibi, 1958-yil) vengriyalik Ferents Pushkash (1960 yilda Yevropaning ikkinchi futbolisti), Fransisko Xento (6 karra Chempionlar kubogi sohibi) va boshqalar porlagan edilar. 60-yillar oʻrtalarida Xento safiga yana Xose Santamariya, Amansio va Pirrilar ham qoʻshilishdi.

Asta sekin veteran oʻyinchilar ketishi bilan Yevropadagi gʻalabalar anʼanasi yoʻqolib boraverdi. Keyingi katta parvozni deyarli yigirma yil kutishga toʻgʻri keldi, qachonki u vaqtda Emilio Butraguenyo boshchiligida Michel, Ugo Sanches, Manolo Sanchis, Martin Vaskes va Migel Pardesalar UEFA Kubogini ikki marta va ichki chempionatni ketma-ket besh marta yutgan edilar.

90-yillar tahrir

Chempionlar kubogining yettinchi gʻalabasi poydevorini qoʻygan Fabio Kapello edi. U klubga Roberto Karlos, Klarens Zeyedorf, Miyatovich, Shuker, Panuchchilarni taklif qildi. Bu oʻyinchilar Raul, Yerro, Redondo, Kanisares va bir yil kechroq qoʻshilgan Morienteslar bilan bir safda asosiy jamoani tashkil qilishdi, keyinchalik esa nemis Yupp Xaynkes qoʻl ostida 1997/98 mavsumidagi Chempionlar ligasini qoʻlga kiritishdi. Biroq ichki birinchilikda „Real Madrid“ bor yoʻgʻi toʻrtinchi oʻrin bilan kifoyalandi va Xaynkes oʻz joyini Gus Hiddinkga boʻshatdi. Gus oʻz oʻrnida 1999-yil fevraliga qadar faoliyat olib bordi, undan keyin Jon Toshak keldi. U ham oʻsha yilning noyabr oyida rahbariyat tomonidan boʻshatildi. Endilikda jamoani Visente Del Boskega ishonib topshirildi. U chempionatdagi oʻrinni tubdan oʻzgartira olmadi (8-oʻrindan 5-oʻringa koʻtarilgan), lekin navbatdagi Chempionlar ligasi triumfiga jamoani boshlab kela oldi.

Peres prezidentligi tahrir

 
Zayniddin Zidan „Real“ tarkibida

Klubning yangi prezidenti etib, jamoaga dunyoning eng yaxshi futbolchilarini yigʻishni qaror qilgan inson — Florentino Peres saylandi. Peres faoliyatini Barselona klubi aʼzosi, portugaliyalik Luish Figuni rekord darajadagi summaga, 71 million yevroga sotib oldi. Bir yil oʻtgandan soʻng, klubda Zayniddin Zidan paydo boʻldi. U Yuventusdan yana ham qimmatroqqa, 75 million yevroga Xarid qildi. Yana bir oʻtgandan soʻng Interdan Ronaldo, 2003 yili yozida — Bekxem, 2004 — Ouenlar kelib qoʻshilishdi. Shu asnoda, 2004/05 mavsumida toʻrtta „Oltin toʻp“ sohiblari birgalikda oʻynashdi: Ronaldo (1997 va 2002 yillarda dunyoning eng yaxshi o’yinchisi), Zidan (eng yaxshi — 1998), Figu (eng yaxshi — 2000), Ouen (eng yaxshi — 2001). Bu yulduzlar yigʻilishini „Galaktikos“ deb atay boshlashdi. Besh yildan ortiqroq vaqtdagi Peresning klubni boshqarishida (oʻz vazifasidan 2006 yil fevralida ozod etilgan) „Real Madrid“ ikki marta Ispaniya chempioni va bir marotaba Chempionlar ligasi gʻolibi boʻlishga ulgurdi.

Kalderon prezidentligi tahrir

Florentino Peresdan soʻng, klub prezidenti etib Ramon Kalderon tayinlandi. Uning boshqarish uslubi oldingi vazifadoshidan farq qilar edi. Kalderon oʻz oldiga maqsad qilib, eng yaxshi oʻyinchilarni sotib olishni qoʻymadi, garchi uning saylovoldi vaʼdasi Krishtianu Ronalduni sotib olish boʻlgan edi, lekin amalga oshirolmagandi. Kalderon vaqtida Bekxem, Roberto Karlos, Robinyo, Ronaldo ketdi, yaʼni, Peres „meros“larining barchasi sotildi. Lekin uning faoliyati davrida ham muvaffaqqiyatli transferlar amalga oshirilgan edi. 2009 yilda 2006 yilgi saylovlardagi ovozlar oʻzgartirilgani haqidagi mojarolardan keyin Ramon Kalderon isteʼfo berishga majbur boʻldi. Kalderon boshchiligidagi toʻrt yil ichida Real Madrid ikki marta ketma-ket Ispaniya chempioni va bir marta Superkubok sohibi boʻldi.

Peresning qaytishi tahrir

2009-yil 1-iyunda Florentino Peres yana Real Madrid prezidenti boʻldi, eʼtborlisi hech qanday ovoz berishlarsiz, sababi uning raqiblari oʻz nomzodlarini olib tashlagan edilar. Yana qaytishidan soʻng, Peres umuman yangicha „galaktikos“ni qayta tiklashga kirishdi. Boshlanishiga klub rahbariyatida oʻzgarishlar sodir boʻldi: prezident maslahatchisi etib Real Madrid sobiq futbolchisi Zayniddin Zidan tayinlandi. 9-iyunda uzoq muzokaralar va har xil ovozalardan soʻng, Italiyaning Milan klubi va Braziliya terma jamoasi yarim himoyachisi Kaka Real Madridga 68 million yevro evaziga oʻtdi. U klub bilan olti yillik shartnoma tuzdi va Peres qaytganidan keyin klubdagi birinchi yangi yulduz oʻyinchi boʻldi. Keyin esa dunyoning 2008-yil yildagi eng yaxshi oʻyinchisi, Real Madrid klubida oʻynash azaliy orzusi hisoblangan Krishtianu Ronaldu bilan shartnoma imzolandi. Portugaliyalik uchun Real Madrid 80 million funt sterling (93,4 million yevro) toʻladi. 25-iyunda Real Madridga Valensiyadan 15 million yevroga Raul Albiolni olib keldi. 1-iyulda Lyon klubi Real Madridga oʻz oʻyinchisi Karim Benzema oʻtishini rasman tasdiqladi. Transfer summasi 35 million yevroni tashkil etdi. Real Madrid qarorgohiga Esteban Granero va Liverpulda oʻng qanot himoyasida ishtirok etayotgan Alvaro Arbeloalar kelishdi. Arbeloa summa transferi 4 millionni tashkil qildi va u bilan 5 yillik shartnoma tuzildi. Arbeloadan tashqari Liverpuldan 5-avgust kuni Xabi Alonso ham kelib qoʻshildi. Uning narxi esa 30 million funt sterlingga baholandi.

 
Joze Mourinyo matbuot anjumanida

Jiddiy qoʻlga kiritishlarga qaramasdan jamoaga mavsumda bironta ham trofey nasib qilmadi. Ispaniya chempionati yakunida Barselonaga birinchilikni boy berib ikkinchi oʻrinni egalladi. Chempionlar ligasida esa ketma-ket oltinchi marta 1/8 finalidan oʻtishni uddalay olmadi. Ispaniya kubogida esa birinchi bosqichidanoq Ispaniyaning uchinchi divizionida ishtirok etuvchi Alkorkonga imkoniyatni boy berdi. Mavsum yakuniga koʻra, qoniqarsiz natijalar uchun bosh murabbiy Manuel Pellegrini egallab turgan lavozimidan boʻshatildi. Uzoqqa bormagan muzokaralardan soʻng, Real Madrid bosh murabbiyi etib Joze Mourinyo „The Special One“ tayinlandi.

2010/11 mavsum oldi yozgi transferlarida klubga Portugaliyalik himoyachi Rikardu Karvalyu, yosh ispan yarim himoyachilari Pedro Leon va Serxio Kanales, Germaniyadan Sami Xedira va Mesut O’zil, shuningdek, kelajagi porloq deya hisoblangan argentinalik Anxel Di Marialar kelib qoʻshildi. 2010/11 mavsumida Joze Mourinyo boshchiligida finalda Barselonani yutib, Ispaniya kubogiga ega boʻlishdi. Shu mavsumda Krishtianu Ronaldo ichki chempionatda 41 ta gol urib rekord oʻrnatdi. Krishtianu Ronaldo Real Madrid tarixidagi 20 ta eng kuchli bombardirlar safiga qoʻshildi.

Jamoa 2011-yil yozida oʻz tarkibini kuchaytirishda yana davom etdi. Germaniya klublaridan ikki turk Nuri Shahin va Hamit Altintoplarni oʻz safiga qoʻshib oldi. Va yana Xose Kalyexon, Rafael Varan, Fabio Koentraularni ham jamoa tarkibiga jalb etildi. Bundan tashqari, 22-iyun kuni jamoa rasmiy eʼloniga koʻra, Joze Mourinyo jamoaning sport menejeri etib tayinlandi. Shu yoʻl bilan Real Madrid jamoani boshqarishning ingliz modeliga oʻtdi.

2011/12 mavsum soʻnggida chempionatda 100 ochko yiqqan holda Primeraning yangi rekordini oʻrnatdi. Qirollik klubi 2009/10 mavsumda 99 ochko yigʻgan Barselonaning rekordini yangilashga muvaffaq boʻldi. Bundan tashqari, Real bir mavsumda 32 ta oʻyinda gʻalaba qozona olgan birinchi jamoa ham boʻldi.

2012-yil yozida Angliyaning Tottenxem klubidan Xorvatiyalik yarim himoyachi Luka Modrich xarid qilindi va Chelsidan Maykl Essyen ijaraga olindi. Lekin klubdan bir qator yarim himoyachilar ketdi. Valensiya jamoasiga Fernando Gago va Serxio Kanales, Galatasaray jamoasiga Xamit Altintop, QPR jamoasiga Esteban Granero, Anji jamoasiga Lassana Diarra, Liverpulga ijara asosida Nuri Şahin ketdi, keyinchalik 2012-yil qishki transferda Borussiaga ijaraga berildi. Shuningdek, yozda Daniel Karvaxal Bayer 04ga hamda himoyachi Royston Drente Alaniya jamoasiga oʻtgan holda jamoani tark etishdi. Qishki transferda darvozabon Diego Lopez jamoaga qaytib qoʻshildi. Ungacha u Villareal va Sevilya jamoalarida oʻynagan.

2012/2013 mavsumni „Real Madrid“ Ispaniya superkubogida „[[Barselona“ ustidan gʻalaba qozongan holda boshladi. Primera yakuniga koʻra ikkinchi oʻrinni egalladi. Ispaniya kubogida „Barselona“ni turnirdan chiqargan holda finalgacha yetib keldi, ammo finalda „Atletiko Madrid“ 1:2 hisobda magʻlubiyatga uchrab, kubokdan mahrum boʻldi. Chempionlar ligasida esa yarim finalda „Borussia Dortmund“ jamoasiga umumiy hisobda 3:4 ga magʻlubiyatga uchrab, turnirdan chiqib ketdi.

2013-yilning 20-may kuni Joze Mourinyo jamoani tark etishi maʼlum boʻldi[2][3]. 2-iyunda Florentino Perez „Real Madrid“ning prezidenti etib qayta saylandi.

Anchelotti, Benetis, Zidan va Chempionlar ligasi gʻolibliklari (2013-…) tahrir

27-iyun kuni Karlo Anchelotti jamoaning yangi murabbiyi etib tanishtirildi[4][5]. Bosh murabbiy yordamchilari etib, Zayniddin Zidan va angliyalik Pol Klementlar tayinlandi.

Anchelotti jamoaga kelib bir qancha oʻzgartirishlar qildi. Jumladan, taktik tizimda oʻzgartirish qildi. Jamoa 4-2-3-1 taktik sxemasidan 4-3-3 sxemasiga oʻtdi, albatta asta-sekinlik bilan. 2013-yil, 1-sentyabrda esa 100 million yevro evaziga klubga Garet Beyl jalb qilindi. Anchelloti bilan Real dastlabki mavsumda Barselonani finalda yengib Copa del Reyni qoʻlga kiritdi. 24-iyunda esa Atletiko Madrid finalda tor-mor etilib, uzoq kutilgan La Decima (10-Chempionlar Ligasi sovrini)ga ega chiqishdi.

Chempionlar Ligasi gʻolibligidan soʻng, klub darvozabon Keylor Navas, yarimhimoyachilar Toni Kroos va Xames Rodrigesni sotib oldi. Yevropa Super kubogi-2014 finalida Sevilla magʻlubiyatga uchratilib, klub tarixidagi 79-rasmiy sovrin qo"lga kiritildi. Yozgi transfer davomida, Real Madrid oʻtgan mavsumdagi muvoffaqiyatiga katta xissa qoʻshgan Xabi Alonso (Bavariya) va Anhel Di Mariya (Manchester Yunayted) ni sotib yuboradi.

2014-15-yilgi mavsumda klub La Ligada chempionlikni ashaddiy raqibi boʻlmish „Barselona“ga topshiradi. „Chempionlar Ligasi“da esa „Yuventus“dan magʻlubiyatga uchrab, yarim finalda oʻz yurishini toʻxtadi. Shundan soʻng, 2015-yilning 25-mayida Anchelotti rasman istefoga chiqariladi.

2015-yilda Carlo Anchelotti o'rnini Rafael Benitez egalladi. Benitez Real Madridda qisqa muddat ishladi. Uning o'rnini tez orada klub afsonalaridan Zinedine Zidane egalladi. 2016-yil 28-mayda Milan shahridagi San Siro stadionida o'tkazilgan UEFA chempionlar ligasi finalida Real Madrid yana Atletiko Madrid klubi bilan to'qnash keldi. Asosiy vaqt 1:1 hisobida durang natija bilan tugadi hamda Real Madrid penaltilar seriyasida Atletiko Madridni mag'lub etdi. Bu turnirda Cristiano Ronaldo 16 ta gol bilan to'purar bo'ldi. Real Madrid Kardiff stadionida 2017-yil 3-iyun sanasida UEFA chempionlar ligasi finalida Italiyaning Juventus klubini 4:1 hisobida mag'lub etdi hamda ketma-ket ikkinchi marta UEFA chempionlar ligasi g'olibligini qo'lga kiritadi. Turnir to'purari 12 ta gol bilan Cristiano Ronaldo bo'ladi. Ushbu mavsumda 93 ochko jamg'argan holda Ispaniya chempionligini ham qo'lga kiritadi. 2018-yil 26-may sanasida Kiyevda o'tqazilgan UEFA chempionlar ligasining navbatdagi finalida Liverpool F.C. jamoasini 3:1 hisobida mag'lub etib 13-marta Chempionlar ligasi g'olibi bo'ladi hamda ketma-ket UEFA chempionlar ligasini 3 marta yutgan jamoa sifatida UEFA chempionlar ligasi tarixida mutlaq rekord o'rnatadi.

Uchrashuvlar tarixi tahrir

Fasl Divizion Oʻrin Kubok Xalqaro musobaqalar
1929 2-chi Finalchi
1929/30 5-chi Finalchi
1930/31 6-chi 1/4
1931/32 Chempion 1/8
1932/33 Chempion Finalchi
1933/34 2-chi Gʻolib
1934/35 2-chi 1/8
1935/36 2-chi Gʻolib
1939/40 4-chi Finalchi
1940/41 6-chi 1/8
1941/42 2-chi 1/4
1942/43 10-chi Finalchi
1943/44 7-chi 1/8
1944/45 2-chi 1/8
1945/46 4-chi Gʻolib
1946/47 7-chi Gʻolib
1947/48 11-chi 1/8
1948/49 3-chi 1/8
Fasl Divizion Oʻrin Kubok Xalqaro musobaqalar
1949/50 4-chi 1/2
1950/51 9-chi 1/2
1951/52 3-chi 1/2
1952/53 3-chi 1/2
1953/54 Chempion 1/2
1954/55 Chempion 1/2
1955/56 3-chi 1/2  UL Gʻolib
1956/57 Chempion 1/4  UL Gʻolib
1957/58 Chempion Finalchi  UL Gʻolib
1958/59 2-chi 1/2  UL Gʻolib
1959/60 2-chi Finalchi  UL Gʻolib
1960/61 Chempion Finalchi UL 1/8
1961/62 Chempion Gʻolib UL Finalchi
1962/63 Chempion 1/2 UL 1/8
1963/64 Chempion 1/4 UL Finalchi
1964/65 Chempion 1/8 UL 1/4
1965/66 2-chi 1/4  UL Gʻolib
1966/67 Chempion 1/4 UL 1/4
Fasl Divizion Oʻrin Kubok Xalqaro musobaqalar
1967/68 Chempion Finalchi UL 1/2
1968/69 Chempion 1/8 UL 1/8
1969/70 5-chi Gʻolib UL 1/8
1970/71 4-chi 1/16 UK Finalchi
1971/72 Chempion 1/2 UK 1/16
1972/73 4-chi 1/8 UL 1/2
1973/74 8-chi Gʻolib UK 1/32
1974/75 Chempion Gʻolib UK 1/4
1975/76 Chempion 1/2 UL 1/2
1976/77 9-chi 1/16 UL 1/8
1977/78 Chempion 1/8
1978/79 Chempion Finalchi UL 1/8
1979/80 Chempion Gʻolib UL 1/2
1980/81 2-chi 1/4 UL Finalchi
1981/82 3-chi Gʻolib UK 1/4
1982/83 2-chi Finalchi UK Finalchi
1983/84 2-chi 1/2 UK 1/32
1984/85 5-chi 1/8 Andoza:Kubok УЕФАUK Gʻolib
1985/86 Chempion 1/2 Andoza:Kubok УЕФАUK Gʻolib
1986/87 Chempion 1/2 UL 1/2
1987/88 Chempion 1/2 UL 1/2
1988/89 Chempion Gʻolib UL 1/2
1989/90 Chempion Finalchi UL 1/8
Fasl Divizion Oʻrin Kubok Xalqaro musobaqalar
1990/91 3-chi 1/8 UL 1/4
1991/92 2-chi Finalchi UK 1/2
1992/93 2-chi Gʻolib UK 1/4
1993/94 4-chi 1/4 UK 1/4
1994/95 Chempion 1/8 UK 1/8
1995/96 6-chi 1/8 CHL 1/4
1996/97 Chempion 1/8
1997/98 4-chi 1/8   CHL Gʻolib
1998/99 2-chi 1/2 CHL 1/4
1999/00 5-chi 1/4   CHL Gʻolib
2000/01 Chempion 1/32 CHL 1/2
2001/02 3-chi Finalchi  CHL Gʻolib
2002/03 Chempion 1/4 CHL 1/2
2003/04 4-chi Finalchi CHL 1/4
2004/05 2-chi 1/8 CHL 1/8
2005/06 2-chi 1/2 CHL 1/8
2006/07 Chempion 1/8 CHL 1/8
2007/08 Chempion 1/8 CHL 1/8
2008/09 2-chi 1/16 CHL 1/8
2009/10 2-chi 1/16 CHL 1/8
2010/11 2-chi Gʻolib CHL 1/2
2011/12 Chempion 1/4 CHL 1/2
2012/13 2-chi Finalchi CHL 1/2
2013/14 3-chi Gʻolib  CHL Gʻolib

Ramz va ranglar tahrir

 
Klubning ramzlari oʻzgarishi bosqichi rasmlarda.

Klubning birinchi ramzi „Madrid Club de Football“ soʻzlarining bosh harflari oq koʻylakka toʻq koʻk rangda bezatilgan holda tikilgan oddiy tuzilishga ega edi. Birinchi oʻzgarish 1908 yilda yuz berdi, unda harflar yana ham silliq holatga keltirildi va doira ichiga joylashtirildi. Shaklga keyingi oʻzgartirish 1920 yilgacha, yaʼni prezident Pedro Parages davrigacha amalga oshirilmadi. U vaqtda qirol Alfonso XIII klubni qirollik homiyligiga olinganligini, u endilikda tahminiy tarjimasi „qirollikka qarashli“ boʻlgan „Real“ nomini berdi. Shu asnoda Alfonso toji klub ramziga qoʻshildi va klub Real Club de Futbol deya atala boshlandi. 1931 yili monarxiya parchalanishi bilan barcha qirollik ramzlari yoʻqotildi. Tojni oʻrnini doira orqasida katta Kastilya chizigʻi egalladi. 1941 yili Fuqarolar urushi tugaganidan ikki yil soʻng, ramzga „qirollik toji“ qayta tiklandi va Kastilya chizigʻi ham saqlanib qoldi. Undan tashqari, ramzning chekka chiziqlari tilla rang bilan tikildi, bu esa uni yanada koʻzga tashlanarli boʻlishida yordam berdi. Klub yana Real Club de Futbol deb atala boshlandi. Hozirgi ohirgi koʻrinishi 2001 yili amalga oshirildi. Sababi, klub 21 asr boshlanishida oʻz mavqeiga ega boʻlish va uni yanada oshirish harakatini boshlagan edi. Oʻzgarishlardan biri hisoblanib, orqadagi chiziq yana toʻqlashtirildi, yozuvlarga soya berildi va logotip devoriga yaqinlashtirildi.

Oq rang Real Madrid uyidagi oʻyinlarda anʼanaviy rang hisoblanadi, garchi dastlab oq koʻylakda koʻk qiya chiziq qabul qilingan boʻlsa ham. Lekin hozirgi formadan farqli oʻlaroq, 1902 yilda toʻq koʻk paypoq kiyishgan va yelkalardagi yoʻl-yoʻl chiziqlarni oʻrnida oppoq matoligicha boʻlgan. Oʻsha yilning oʻzida koʻk paypoqlar qora paypoqlarga alishtirildi. 1940 yil boshida kiyimga yana oʻzgartirishlar kiritilib, klub ramzi chap koʻkrakka oʻtkazildi (hozirgacha shu holatda qoldi) va koʻylakka tugma qoʻshildi. 1947 yil 23 noyabrda Metropolitano stadionida Atletiko Madridga qarshi raqamli koʻylak kiyib, Ispaniya klublari orasida birinchi marta raqamli koʻylak kiygan klub boʻldi.

Hozirgi vaqtda 1998 yildan beri klub uchun Adidas kompaniyasi ishlab chiqarmoqda. Birinchi koʻylakda koʻrsatiladigan homiy Zanussi kompaniyasi boʻldi. U bilan 3 yil shartnoma tuzdi. Keyinchalik Parmalat, Otaysi, Tekalar bilan shartnoma imzoladi. 2001 yilda Real Madrid bilan Tekaning shartnomasi tugadi va 1 yil klubning Realmadrid.com sayti logotipi qoʻyildi. Soʻng, 2002 yilda Siemens Mobile, 2006 yilda BenQ Siemenslar klub koʻylaklarida paydo boʻldi. 2007-2013-yillar oraligʻida klub bwin.com homiyligida boʻldi. Undan soʻng, „Fly Emirates“ kompaniyasi 2018-yilgacha klub bilan shartnoma tuzdi. 2015-yilda, Madrid arab havoyoʻllari bilan 10 yilga moʻljallangan £850 million (€1 millard) lik kelishuvga erishdi. Unga koʻra, Fly Emirates klub hisob raqamiga har mavsum £59 million (€64 million) oʻtkazib turadi.

Rasmiy kiyim homiylari va ishlab chiqaruvchilari tahrir

Yillar Ishlab chiqarishuvchilar Kiyim homiylari
1980–1982 Adidas yoʻq
1982-1985 Zanussi
1985-1989 Hummel Parmalat
1989-1991 Reny Picot
1991-1992 Otaysa
1992-1994 Teka
1994-1998 Kelme
1998-2001 Adidas
2001-2002 yoʻq
2002-2005 Siemens mobile
2005-2006 Siemens
2006-2007 BenQ Siemens
2007-2013 bwin.com
2013 - Fly Emirates

Statistika va hisobot tahrir

Hozirgi vaqtda Real Madrid uchun oʻynagan oʻyinlari hisobiga rekordni 1994—2010 yilgacha 741 marta oʻynagan Raul egallab turibdi. Manuel Sanches jr. esa 711 ta oʻyin bilan ikkinchi oʻrinni egallab turibdi. Darvozabonlar rekordini esa Iker Kasillas 572 ta oʻyin bilan egallab turibdi.

Cristiano Ronaldo Real Madrid tarixidagi eng yaxshi to'purar bo'lib qolmoqda. U 438 o'yinda 450 ta gol urgan holda yaqqol yetakchilik qilmoqda. Raul Real Madridning tarixiy bombardiri sifatida ikkinchi o'rinda bormoqda. 741 oʻyinda u 323 ta gol urishga muvaffaq boʻlgan. Yana toʻrt kishi 200dan oshiq gol urishga muvaffaq boʻlishgan. Bular: Alfredo Di Stefano (1953-64), Santilyana (1971-88), Ferents Pushkash (1958-66) va Ugo Sanches (1985-92). Portugaliyalik Krishtianu Ronaldu esa bir mavsumda 41 ta gol urib (2010/11), eng koʻp gol urgan oʻyinchi sifatida muhrlanib qoldi. Klub tarixidagi eng tez golni (15 sekund) Braziliyalik Ronaldo 2003 yil 3 dekabrida Atletiko Madrid klubi darvozasiga kiritgan edi.

 
Krishtianu Ronaldo va Diego Forlan

2006 yili Ispaniya kubogi vaqtida Santiago Bernabeu stadioniga rekord darajadagi 83 329 kishi oʻyinini tomosha qilish uchun kelgan. Eʼtiborli jihati shundaki, Santiago Bernabeu stadioniga 80 354 ta odam sigʻa oladi holos. 2007/08 mavsumida muxlislarninig oʻyinlarda oʻrtacha qatnashishi 76 234 taga yetdi. Bu esa Yevropa ligalaridagi eng katta koʻrsatkichdir. Mavsumlarni eng koʻpi bilan ketma-ket besh marta yutgan (1960-65 va 1985—1990 yillar). 1957 yil 17 fevraldan 1965 yil 7 martgacha, yaʼni, 121 ta La Liga oʻyinlarida oʻz stadionini magʻlubiyatsiz tark etgan.

Shuningdek, Real Madrid UEFA Chempionlar ligasida rekord darajada, 10 marta gʻalaba qozongan. Raul esa UEFA Chempionlar ligasining mutloq bombardiri deya hisoblanib kelinadi. Umumiy hisobda u 71 ta gol urgan, shulardan 66 tasini esa Real Madrid tarkibida urgan. Yevropa chempionlar kubogida ham 1955/56 mavsumdan 1969/70 mavsumigacha ketma-ket rekord darajada ishtirok etgan.

2009 iyunida shaxsiy rekordini qayta takrorlab, Manchester Yunayteddan 96 mln. yevroga Krishtianu Ronaldoni sotib oldi. Ungacha Yuventusdan Zayniddin Zidanni oʻsha vaqtdagi rekord summa 76 mln. yevroga sotib olgan edi. Sotish boʻyicha rekord esa 2013 yil 2 sentyabrida Arsenalgaga Mesut Oʻzilni 47 mln. yevro berib yuborganligi hisoblanadi.

Qoʻllab-quvvatlash tahrir

Koʻpincha uydagi oʻyinlarda stadionni oʻrindiqlarini asosan abonement egalari band qilishadi. Ular oʻrtacha 68 670 tani tashkil qiladi. Abonement egasi boʻlish uchun oldin klub aʼzosi boʻlish kerak. Aʼzolikdan tashqari, klubning 1800 dan ortiq fan klublari Ispaniya va butun dunyoda faoliyat yuritib kelmoqda. Real Madrid Santiago Bernabeuga oʻrtacha 65 000 muxlislarini oʻziga jalb qiladi. Bu esa dunyodagi eng yuqori koʻrsatkichlardan biri hisoblanadi. Eng mashxur fan klublardan biri Ultras Sur hisoblanadi. Ular hatto Lazioning Irriducibili guruhi bilan ittifoq ham tuzishga ulgurishgan. Koʻpincha ular rasistlarga xos soʻzlar bilan raqib futbolchilarini haqoratlar qilganliklari uchun UEFA tomonidan ogohlantirilganlar.

Stadion tahrir

  • Santiago Bernabeu
  • Oʻrindiqlar soni: 81,004
  • Maydon hajmi: 107 x 72 metr
  • Qurilish boshlangan": 1944-yil, 27-oktyabr
  • Ochilgan: 1947-yil, 14-dekabr
  • Arxitektorlar: Manuel Muñoz Monasterio, Luis Alemany Soler, Antonio Lamela
  • Manzili: Concha Espina, 1 28036 Madrid.

„Santiago Bernabeu“ 1964-yilgi UEFA Yevropa Chempionati finali, 1982-yilgi FIFA Jahon chempionati finali, 1957,1969 va1980 — yillarda Yevropa Kubugi finallari va 2010-yildagi UEFA Chempionlar Ligasi finaliga mezbonlik qilgan. 2007-yil, 14-noyabr kuni UEFA Bernabeuga Oliy futbol stadioni maqomini berdi.

Futbolchilar tahrir

Asosiy jamoa tahrir

Ispaniya jamoalarida Yevropa Ittifoqi fuqaroligini olmagan futbolchilar soni uchtadan oshmasligi kerak. Roʻyxatda faqat oʻyinchilarning asosiy millati yozilgan va yevropalik boʻlmagan bir qancha oʻyinchilar Yevropa Ittifoqidagi biror davlatidan ham fuqarolikdan oʻtgan.

6 July 2023[6]
Amplua Futbolchi
1   BEL DR Thibaut Courtois
2   ESP HM Dani Carvajal
3   BRA HM Éder Militão
4   AUT HM David Alaba
5   ENG YH Jude Bellingham
6   ESP HM Nacho (captain)
7   BRA HJ Vinícius Júnior
8   GER YH Toni Kroos
10   CRO YH Luka Modrić (vice-captain)
11   BRA HJ Rodrygo
12   FRA YH Eduardo Camavinga
13   UKR DR Andriy Lunin
Amplua Futbolchi
14   ESP HJ Joselu (on loan from Espanyol)
15   URU YH Federico Valverde
16   ESP HM Álvaro Odriozola
17   ESP HJ Lucas Vázquez
18   FRA YH Aurélien Tchouaméni
19   ESP YH Dani Ceballos
20   ESP HM Fran García
21   ESP HJ Brahim Díaz
22   GER HM Antonio Rüdiger
23   FRA HM Ferland Mendy
24   TUR YH Arda Güler

player|no=25|pos=DF|nat=ESP|name=Jesús Vallejo}}

Asosiy jamoa tahrir

Klub rahbariyati tahrir

Lavozimi Rahbar
Klub prezidenti Florentino Pérez
Klub faxriy prezidenti Alfredo Di Stéfano
1-chi prezident oʻrinbosari Fernando Fernández Tapias
2-chi prezident oʻrinbosari Eduardo Fernández de Blas
Kengash kotibi Enrique Sánchez González
Bosh direktor José Ángel Sánchez
Prezident devoni bosh direktori Manuel Redondo
institutsional munosabatlar direktori Emilio Butragueño
Sport direktori Miguel Pardeza
Ijtimoiy sfera boʻyicha direktor José Luis Sánchez
Huquqiy konsultativ kengash direktori Javier López Farre
Eng yaxshi to'purar Cristiano Ronaldo

Ohirgi yangilanish: 26 iyun 2011 y. Manba: Real Madrid

Yutuqlar tahrir

Milliy tahrir

  •   Ispaniya chempionati: 35 (rekord)
    • 1931/32; 1932/33; 1953/54; 1954/55; 1956/57; 1957/58; 1960/61; 1961/62; 1962/63; 1963/64; 1964/65; 1966/67; 1967/68; 1968/69; 1971/72; 1974/75; 1975/76; 1977/78; 1978/79; 1979/80; 1985/86; 1986/87; 1987/88; 1988/89; 1989/90; 1994/95; 1996/97; 2000/01; 2002/03; 2006/07; 2007/08; 2011/12; 2016/17; 2019/2020; 2021/2022
  •   Ispaniya Kubogi: 20
    • 1904/05; 1905/06; 1906/07; 1907/08; 1916/17; 1933/34; 1935/36; 1945/46; 1946/47; 1961/62; 1969/70; 1973/74; 1974/75; 1979/80; 1981/82; 1988/89; 1992/93; 2010/11; 2013/14 2022–23
  •   Ispaniya Superkubogi: 13
    • 1988; 1989; 1990; 1993; 1997; 2001; 2003; 2008; 2012; 2017; 2020; 2022;2024
  • Evi Duarte kubogi: 1
    • 1947
  •   Ispaniya ligasi kubogi: 1
    • 1984/85
  • Mankomunado chempionati: 23
    • 1904-05, 1905-06, 1906-07, 1907-08, 1909-10, 1912-13, 1915-16, 1916-17, 1917-18, 1919-20, 1921-22, 1922-23, 1923-24, 1925-26, 1926-27, 1928-29, 1929-30, 1930-31, 1931-32, 1932-33, 1933-34, 1934-35, 1935-36

Xalqaro tahrir

Shaxslar tahrir

Murabbiylar tahrir

Lavozimi Murabbiy
Bosh Murabbiy Carlo Ancelotti
Murabbiy yordamchisi David Bettoni
Murabbiy yordamchisi Hamidu Mseidi
Fitness murabbiyi Xavier Mallo
Fitness murabbiyi Antonio Pintus
Darvozabon murabbiyi Luiz Lopez

Ohirgi yangilanish: 12-iyun 2017-yil Manba: [1]

Boshqaruv tahrir

Lavozimi Shaxsi
Prezident Florentino Peres
1-vitse prezident Fernando Fernandez Tapias
2-vitse prezident Eduardo Fernandez de Blas
Bosh direktor Xose Anhel Sanchez
Prezident devoni bosh direktori Manuel Redando
Ijtimoiy masalalar bosh direktori Xose Luis Sanchez

Klub prezidentlari roʻyxati tahrir

Yillar Prezident
2009—dan   Florentino Peres
2006—2009   Ramon Kalderon
2000—2006   Florentino Peres
1995-2000   Lorenso Sans
1985-1995   Ramon Mendosa
1978-1985   Luis de Karlos
1943-1978   Santiago Bernabeu
1940-1943   Antonio Santos Peralba
1936-1940   Rafael Sanches Guerra
1930-1935  Luis Usera
1926-1930   Luis de Urkilho
1916-1926   Pedro Parahes
1908-1916   Adolfo Melendes
1904-1908   Karlos Padros
1902-1904   Xuan Padros

Manbalar tahrir

  1. „Carlo Ancelotti: Real Madrid manager is sacked“. BBC Sport (2015-yil 25-may). Qaraldi: 2015-yil 25-may.
  2. „Jose Mourinho: Real Madrid boss to leave next month“. BBC (20-may 2013-yil).
  3. „Jose Mourinho: Real Madrid season worst of my career“ (17-may 2013-yil). Qaraldi: 17-may 2013-yil.
  4. „Carlo Ancelotti, new Real Madrid coach“. Real Madrid C.F. (25-iyun 2013-yil). Qaraldi: 25-iyun 2013-yil.
  5. „Official: Real Madrid confirm Ancelotti signing“. Real Madrid C.F. (26-iyun 2013-yil). Qaraldi: 26-iyun 2013-yil.
  6. „Real Madrid squad“. Real Madrid CF. Qaraldi: 2023-yil 6-iyul.

Havolalar tahrir